unfoldingWord 48 - Иса — Ол уәде етілген Мәсіх
![unfoldingWord 48 - Иса — Ол уәде етілген Мәсіх](https://static.globalrecordings.net/300x200/z02_Ex_19_10.jpg)
Преглед: Genesis 1-3, 6, 14, 22; Exodus 12, 20; 2 Samuel 7; Hebrews 3:1-6, 4:14-5:10, 7:1-8:13, 9:11-10:18; Revelation 21
Број на скрипта: 1248
Јазик: Kazakh
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z01_Ge_02_12.jpg)
Құдай осы әлемді жаратқан кезде барлығы кемелді болды. Күнә болмады. Адам ата мен Хауа ана Құдайды сүйетін және бір-бірін де сүйетін. Жер бетінде ауру да, өлім де болмайтын. Құдай әлемді осылай жоспарлаған болатын.
![](https://static.globalrecordings.net/300x200/z01_Ge_03_01.jpg)
Бірақ шайтан жылан кейпінде келіп, Хауа ананы алдады. Соның нәтижесінде Адам ата мен Хауа ана Құдайға қарсы күнә жасады. Олар күнә жасағандықтан жер бетінде өлім пайда болып, енді адамдар өлім құшатын болды.
![](https://static.globalrecordings.net/300x200/z01_Ge_03_06.jpg)
Осы күнәнің кесірінен Адам ата мен Хауа ана Оның еркіне бағынғысы келмей, Құдайдың жауына айналды. Сол уақыттан бастап әрбір адам Адам ата мен Хауа ананың ұрпағы болғандықтан күнәһар болып туылады. Ол Құдайға және Оның еркіне қарсы. Адамдар мен Құдайдың арасында татулық жоғалды. Бірақ Құдай адамдармен әуел баста болған қарым — қатынасты әрдайым қайтарғысы келіп жүрді.
![](https://static.globalrecordings.net/300x200/z01_Ge_03_08.jpg)
Құдай Хауа ананың ұрпағы шайтанның басын мыжиды, ал шайтан Оның өкшесін шағады деп, уәде еткен болатын. Бұл шайтан Мәсіхті өлтіреді, ал Құдай Оны қайта өлімнен тірілтеді дегенді білдіретін. Осылайша Мәсіх шайтанның билігін түбегейлі жояды. Көп жылдардан кейін Құдай уәде етілген Мәсіхті жіберді. Осы Мәсіх — Иса болатын.
![](https://static.globalrecordings.net/300x200/z01_Ge_06_12.jpg)
Исаның туылуынан көп уақыт бұрын Құдай жерге топан су жіберуді жоспарлаған еді. Сондықтан Нұх пен оның отбасы құтқарылулары үшін кеме тұрғызуды бұйырды. Құдай күнәкар адамдарды топан сумен жойып, жазалағысы келді. Нұх Құдайға сеніп, кеме тұрғызды. Тек Нұх пен оның отбасы аман қалды. Бүгін де солай — әрбір адам күнәкар және Құдайға қарсы болғандықтан өлуге лайық. Оған сенген әркімді құтқару үшін, Құдай Исаны жіберді.
![](https://static.globalrecordings.net/300x200/z02_Ex_29_02.jpg)
Жүздеген жылдар бойы діни қызметкерлер күнәлардан тазарту үшін Құдайға құрбандық шалды. Құрбандық шалу адамдарға күнә жасағандарын және Құдайдың жазасына лайық екенін түсінуге көмектесті. Бірақ құрбандық адамдарды күнәдан біржола босата алмады. Иса діни қызметкерлердің қолынан келмейтін нәрсені жүзеге асырды. Ол Өз өмірін берді және әр адамның күнәсін түбегейлі жоятын жалғыз құрбандық болды. Біздің күнәларымыз үшін тартатын жазаны Иса Өз мойнына алды. Демек, Иса — Ұлы Бас діни қызметкер.
![](https://static.globalrecordings.net/300x200/z02_Ex_02_25.jpg)
Ыбырайым жер бетінде өмір сүрген кезде Құдай оған: “Мен жер бетіндегі барлық халықтарды сен арқылы жарылқаймын”, — деді. Иса Ыбырайымның ұрпағы болды. Ал бүгінде адамдар Исаға сенгенде, Құдай Ыбырайым арқылы барлық ұлттарға батасын береді. Құдай оларды күнәнің жазасынан құтқарып, Ыбырайымның рухани ұрпақтары деп санайды.
![](https://static.globalrecordings.net/300x200/z01_Ge_22_08.jpg)
Бір күні Құдай Ыбрайымға өзінің ұлын құрбандыққа әкелсін деп бұйрық берген еді. Ыбырайымның мойынсұнғанын көріп, Құдай құрбандық ретінде Ысқақтың орнына қошқарды береді. Біз өзіміздің күнәларымыз үшін өлуге тиіспіз, бірақ Құдай біз үшін құрбан болуға Өзінің жалғыз Ұлын жіберді. Сондықтан біз Исаны Құдайдың Тоқтысы деп атаймыз.
![](https://static.globalrecordings.net/300x200/z02_Ex_12_01.jpg)
Құдай Мысырға соңғы жазаны жіберген кезде, әрбір исраилдік отбасыға тоқтыны құрбандыққа шалсын деп бұйырған еді. Осылай исраилдіктер Мысырға жіберілген жазадан құтқарылды. Құрбандыққа шалынған тоқты мінсіз болуы керек еді. Яһудилер сол тоқтының қанымен үйлерінің маңдайшаларын жағу керек еді. Құдай сол қанды көрген кезде оларды жазаламай қастарынан өтіп кететін. Құдай осыны Құтқарылу мейрамы деп атады.
![](https://static.globalrecordings.net/300x200/z02_Ex_12_02.jpg)
Иса ешқашан күнә жасамаған, әрі еш кінәсіз болған еді. Ол Құтқарылу мейрамында құрбандыққа шалынған тоқтыға ұқсас. Адам Құдайға сене бастағанда, Исаның қаны сол адамның күнәларының өтеміне айналады да, солай Құдай оны жазаламайды. Құдай осы адамның жазаларын Өз мойнына алады.
![](https://static.globalrecordings.net/300x200/z02_Ex_19_10.jpg)
Құдай исраилдіктерді Өзінің меншікті халқы ретінде таңдап алғандықтан олармен келісім жасасты. Енді Құдай бүкіл халықтарға қол жетімді Жаңа Өсиет бекітті. Енді Жаңа Өсиетті қабылдаған кез келген адам Құдайдың халқына қосылады. Бұл Мәсіхке деген сенімнің арқасында іске асады.
![](https://static.globalrecordings.net/300x200/z02_Ex_20_02.jpg)
Мұса Құдайдың Сөзін асқан батылдықпен уағыздаған ұлы пайғамбар болды. Бірақ Иса — басқа пайғамбарлардан да ұлы. Ол — Құдай, сондықтан Оның әрекеттері мен айтқан сөздері, Құдайдың істері мен Сөздері болып табылады. Міне сондықтан Киелі кітапта Исаны Құдайдың Сөзі дейді.
![](https://static.globalrecordings.net/300x200/z10_2Sa_09_03.jpg)
Құдай Дәуіт патшаға оның ұрпағының Біреуі Құдайдың халқын мәңгі басқаратын болады деп уәде етті. Иса сол Дәуіттің ұрпағы. Ол Құдайдың Ұлы және мәңгі билік жүргізетін Мәсіх.
![](https://static.globalrecordings.net/300x200/z66_Re_21_02.jpg)
Дәуіт Исраил халқының патшасы болды, ал Иса — бүкіл Әлемнің Патшасы! Ол қайта келіп Өз Патшалығында татулықпен және әділдікпен мәңгі билік құрады.