unfoldingWord 43 - Қауымның пайда болуы
![unfoldingWord 43 - Қауымның пайда болуы](https://static.globalrecordings.net/300x200/z44_Ac_02_02.jpg)
Преглед: Acts 1:12-14; 2
Број на скрипта: 1243
Јазик: Kazakh
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z44_Ac_02_01.jpg)
Иса көкке оралғаннан кейін шәкірттері Исаның бұйрығымен Иерусалимде қалды. Олар мінәжат ету үшін әрдайым бірге жиналып жүретін.
![](https://static.globalrecordings.net/300x200/z44_Ac_01_09.jpg)
Яһудилер жыл сайын Құтқарылу мейрамынан елу күн өткеннен кейін Елуінші күн деп аталатын алғашқы өнім мейрамын өткізетін. Бірге тойлау үшін бүкіл әлемдегі яһудилер Иерусалимде жиналатын. “Елуінші күн” мейрамы Иса көкке оралғаннан бір аптадай уақыт өткеннен кейін болды.
![](https://static.globalrecordings.net/300x200/z44_Ac_02_02.jpg)
Елуінші күн мейрамы келгенде, сенушілердің бәрі бірге болды. Кенеттен көктен бір қатты жел соққандай шу естіліп, олар отырған бүкіл үйді алып кетті. Сонда олардың бастарының үстінде жалындай жалаңдаған тілдер көрінді. Барлық сенушілер Киелі Рухқа кенеліп, Құдайды басқа тілдерде мадақтай бастады. Олар осы тілдерді білмейтін, бірақ Киелі Рухтың өздеріне берген дарындарына сәйкес бөтен тілдерде сөйледі.
![](https://static.globalrecordings.net/300x200/z44_Ac_02_03.jpg)
Осы шуды Ирусалимдегі адамдар естігенде көптеген халық сол жерге жиналды. Барлығы не болып жатқанын көргісі келді. Жиналғандар әртүрлі елдерден келгендіктен әртүрлі тілдерде сөйлейтін, ал Исаның шәкірттері Ғалилеядан келгендіктен тек арамей және грек тілдерінде ғана сөйлей алатын. Бірақ бұл күні Исаның шәкірттері әртүрлі тілдерде сөйлегендіктен адамдар қатты таң қалды, өйткені жиналғандардың әрқайсысы Құдайдың істері туралы қуанышты хабарды өз тілінде естіді.
![](https://static.globalrecordings.net/300x200/z44_Ac_02_04.jpg)
Жиналған кейбір адамдар шәкірттердің шарап ішіп, мас болғанын айтып келекелей бастады. Бірақ Петір оларға қатты дауыстап: “Мені тыңдаңдар! Бұл адамдар мас емес! Ал енді Жоел пайғамбардың не туралы айтқанын көріп тұрсыңдар: “Құдай былай деген: “Соңғы күндерде Мен Рухымды барлық адамдарға төгемін” — деді”.
![](https://static.globalrecordings.net/300x200/z44_Ac_02_05.jpg)
Тыңдаңдар, исраилдіктер, Иса Өзінің кім екенін көрсету үшін көптеген кереметтер мен ғажаптар жасаған Адам болды. Ол осы кереметтерді Құдайдың құдіретімен жасады. Сендер мұны білесіңдер, өйткені бәрін көрдіңдер. Бірақ сендер Оны айқышқа шегеледіңдер!
![](https://static.globalrecordings.net/300x200/z44_Ac_02_06.jpg)
Сендер Исаны өлтірген едіңдер, бірақ Құдай Оны өлімнен қайта тірілтті. Осылайша алдын-ала айтылған: “Сенің Киелі Ұлың өлім құрсауында қалуы мүмкін емес” — деген пайғамбарлық сөздер орындалған еді. Біз Құдайдың Исаны тірілткеніне куәміз.
![](https://static.globalrecordings.net/300x200/z44_Ac_02_07.jpg)
Құдай Әке Исаға Өзінің оң жағында отыру мәртебесін берді. Ал Иса Өзі уәде еткендей бізге Киелі Рухты жібереді. Қазір сендердің естіп, көріп тұрғандарыңның барлығын Киелі Рух істеп жатыр.
![](https://static.globalrecordings.net/300x200/z44_Ac_02_08.jpg)
Сендер Иса деген адамды айқышта шегелеген едіңдер. Бірақ Құдайдың Оны Мәсіх ретінде және тірлішік атаулының Иесі болуға тағайындағанын біліп жүріңдер”.
![](https://static.globalrecordings.net/300x200/z44_Ac_02_09.jpg)
Петірді тыңдаған адамдар оның сөздерінен қатты әсер алды. Олар Петір мен шәкірттерден: “Ағайындар, енді біз не істеуіміз керек?” — деп сұрады.
![](https://static.globalrecordings.net/300x200/z44_Ac_02_10.jpg)
Сонда Петір былай деп жауап берді: “Барлықтарың Құдайдан кешірім алу керексіңдер. Сондықтан әрқайсыларың теріс жолдан қайтып, Иса Мәсіхтің атымен суға шомылдыру рәсімінен өтіңдер. Сонда Құдай сендерге сый ретінде Киелі Рухты береді”.
![](https://static.globalrecordings.net/300x200/z44_Ac_02_11.jpg)
Сол күні үш мыңнан астам адам Петірдің айтқандарына сенді. Олар күнәдан бас тартып, Құдайға бет бұрды. Олар суға шомылу рәсімінен өтіп, Исаның шәкірті болып қауымның қатарына қосылды.
![](https://static.globalrecordings.net/300x200/z44_Ac_02_12.jpg)
Сенушілер жиі бірге жиналып жүрді. Олар әрдайым елшілердің тәлімдерін тыңдап, дұға етіп, Құдайды мадақтады. Олар бірге тамақтанып, бір-біріне барынша көмектесіп отырды. Осылай олар қала тұрғындарының көңілінен шығып, күн сайын сенушілер саны көбейіп жатты.