unfoldingWord 40 - Исаның айқыш ағашқа шегеленуі
![unfoldingWord 40 - Исаның айқыш ағашқа шегеленуі](https://static.globalrecordings.net/300x200/z41_Mk_15_13.jpg)
Преглед: Matthew 27:27-61; Mark 15:16-47; Luke 23:26-56; John 19:17-42
Број на скрипта: 1240
Јазик: Kazakh
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z41_Mk_15_09.jpg)
Исаны мазақтап, қамшымен соқтырғаннан кейін, жасақшылар Оны айқышқа шегелеп өлтіру үшін алып кетті. Олар Исаны Өзінің айқыш ағашын арқалап жүруге мәжбүрледі.
![](https://static.globalrecordings.net/300x200/z41_Mk_15_11.jpg)
Исаны Ғолғота, яғни “Маңдайтөбе” деген жерге алып келді. Сол жерде Оны айқыш ағашқа керіп, аяқ-қолдарын шегелеп тастады. Иса аспанға қарап: “Әке, оларды кешіре гөр! Олар не істеп жатқандарын түсінбейді” — деді. Исаны шегелегеннен кейін Оның басынан жоғары айқыш ағашқа бір тақтайшаны бекітіп қойды. Пилаттың әмірі бойынша сол жерде “Яһудейлердің Патшасы” деген жазу болды.
![](https://static.globalrecordings.net/300x200/z41_Mk_15_12.jpg)
Жасақшылар Исаның киімін алу үшін жеребе тастады. Осылайша Киелі жазбалардың: “Олар Менің киімімді бөліп алып, оған жеребе салады” деген пайғамбарлық сөздері орындалды.
![](https://static.globalrecordings.net/300x200/z41_Mk_15_13.jpg)
Исаның қасында жасақшылар екі қарақшыны айқышқа шегелеп, Оның екі жағына қойды. Қарақшылардың бірі Исаны келекелей бастады, ал екіншісі оған: “Құдай сені жазалайды деп қорықпайсың ба? Біз өз қылмысымыз үшін кінәліміз, бірақ бұл Адам кінәсіз”. Содан кейін ол Исаға қарап: “Патшалығыңа келгенде, мені есіңе ала гөр”, — деді. Иса оған: “Бүгін-ақ сен менімен бірге жұмақта боласың”, — деп жауап берді.
![](https://static.globalrecordings.net/300x200/z41_Mk_15_14.jpg)
Тобырдағы адамдар, діни қызметкерлер, дін мұғалімдер мен рубасылар Исаны мазақ қылды. Олар Исаға: “Егер де Құдайдың Ұлы болсаң, айқыштан түсіп Өзіңді құтқарып ал! Сонда біз Саған сенетін боламыз” — деді.
![](https://static.globalrecordings.net/300x200/z41_Mk_15_16.jpg)
Кенет тал түсте аспанды қараңғылық басты. Ол үш сағатқа созылды.
![](https://static.globalrecordings.net/300x200/z41_Mk_15_17.jpg)
Содан кейін Иса қатты дауыспен айқайлап: “Енді түгел орындалды! Әке, Сенің қолыңа Рухымды тапсырамын” — деді. Мұны айтқаннан кейін Иса жан тәсілім етті. Кенеттен жер сілкініп, киелі үйдегі шымылдық жоғарыдан төменге дейін қақ айырылып, екіге бөлінді.
![](https://static.globalrecordings.net/300x200/z41_Mk_15_19.jpg)
Осылай Иса Өзінің өлімі арқылы бүкіл адамзатқа Құдайдың алдына келетін жолды ашып берді. Исаны күзетіп тұрған адам, осының бәрін көргенде былай деді: “Бұл адам шынымен кінәсіз екен. Ол — Құдайдың Ұлы”.
![](https://static.globalrecordings.net/300x200/z41_Mk_15_21.jpg)
Содан кейін яһуда кеңесінің мүшесі Жүсіп пен парызшыл Нікөдім екеуі Пилатқа келіп Исаның мәйітін сұрады. Олар Исаның Мәсіх екеніне сенетін. Жүсіп пен Нікөдім Исаның мәйітін кебінге орап, жартаста үңгіп жасалған қабірге апарып қойды. Бұдан кейін қабірдің кіреберісін үлкен таспен жауып қойды.