unfoldingWord 41 - Mithi Laia Inthokin Pathienin Isu A Keitho
![unfoldingWord 41 - Mithi Laia Inthokin Pathienin Isu A Keitho](https://static.globalrecordings.net/300x200/z40_Mt_28_04.jpg)
Преглед: Matthew 27:62-28:15; Mark 16:1-11; Luke 24:1-12; John 20:1-18
Број на скрипта: 1241
Јазик: Hmar
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z40_Mt_27_21.jpg)
Kros a Isu an hemde zo hnung chun ringnawmi, Juda thruoituhai khan Pilat kuomah, “Kha mikhêlhlip, Isu khan, “ni thum hnungin mithi laia inthok ka thonawk ding a nih. A thruoihruoihaiin a ruong an inrûka, mithilaia inthokin a thonawk tah an ti nawna dingin thlân chu vêng tlat ding a nih,” an ti a.
![](https://static.globalrecordings.net/300x200/z40_Mt_27_22.jpg)
Pilatin an kuomah, “Thlân chu a himthei tawpa him dingin in theitawp suo ro,” a ta. Chuongchun thlân chu lungin an sinphui tlat a. Isu ruong chu mi tukhoma an inrûk hmang nawna dingin sipaihai an invêngtir a.
![](https://static.globalrecordings.net/300x200/z40_Mt_28_01.jpg)
Isu, thlâna an vui zo, a tûk chu, chawlna ni, Sabbath a nih. Chawlni zo, chawlkar khata ni hmasatak ding a chun, nuhmei threnkhat chu Isu ruong chunga riminhnik nâl dingin thlân a chun an fe a.
![](https://static.globalrecordings.net/300x200/z40_Mt_28_02.jpg)
Simkhawlei nasatakin an hning a. Kawlinlep angela varin, vâna inthokin vantirko a hung inlara. Thlân kotkhâra sînna lung chu a hung inhlum hmanga, a chungah a thrung a. Thlân vêngtu sipaihai chu an tri ta a, mithi ang elin hnuoiah an tlu a.
![](https://static.globalrecordings.net/300x200/z40_Mt_28_04.jpg)
Vântirko chun nuhmeihai kuomah, “Tri naw ro. Hi taka hin Isu a um nawh. Mithi laia inthokin a tho nawk ding ti a hril ang ngei khan a tho nawk tah! Thlân sûng hi bi inla, en ro,” a ta. Nuhmeihai chun thlân sûng chu an bi a, Isu zâlna hmun chu an en a. A taksa chu hi taka hin a um ta nawh!
![](https://static.globalrecordings.net/300x200/z40_Mt_28_05.jpg)
Chun vantirko chun nuhmeihai chu a hril a, “Isu chu mithi laia inthok a tho nawk ta a, in hmaah Galili ram tieng a fe ta ti thu inchûktirhai kuomah hril ro,” a ta.
![](https://static.globalrecordings.net/300x200/z40_Mt_28_06.jpg)
Chuongchun tri le lawmtak pumin nuhmeihai chu an um a. Chu chanchin lawmum chu hril dingin inchûktirhai kuom tieng chun an tlân ta a.
![](https://static.globalrecordings.net/300x200/z42_Lk_24_07.jpg)
An fe laiin lampuia chun Isu chu an kuomah a hung inlâr a, ama chu chibai an buk a. Isun an kuomah, “Tri naw ro. Fe unla, Galili rama fe dingin ka thruoihruoihai va hril ro, chu taka chun mi hmung an tih,” a ta.