unfoldingWord 36 - Yesuusa Malaa Laametethaa
![unfoldingWord 36 - Yesuusa Malaa Laametethaa](https://static.globalrecordings.net/300x200/z40_Mt_17_05.jpg)
Преглед: Matthew 17:1-9; Mark 9:2-8; Luke 9:28-36
Број на скрипта: 1236
Јазик: Gofa
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z40_Mt_17_01.jpg)
Issi gallas, Yesuusi, heedzu tamaareta, Phexroosa, Yayqoobanne Yohannisa ekkidi woossanaw dere bolla keys.
![](https://static.globalrecordings.net/300x200/z40_Mt_17_02.jpg)
Yesuusi woosa bolla de7ishin, iya malay laamettis; iya som7oy awada xolqqis; iya ma7oy oonikka meecidi geeshshanaw dandda7onaysa mela daro booxis.
![](https://static.globalrecordings.net/300x200/z40_Mt_17_03.jpg)
He wode Museynne Eelyaasi bentidosona. Ha asati daro laythafe sinthe ha sa7a bolla de7idosona. Entti mata woden, Yerusalaamen poletanaw de7iya iya hayquwabaa Yesuusara odettoosona.
![](https://static.globalrecordings.net/300x200/z40_Mt_17_04.jpg)
Museynne Eelyaasi Yesuusara odetishin, Phexroosi Yesuusakko, “Hayssan duussi nuus lo77o. Neni koykko issino new, issino Muses, issino Elyaasas, heedzu shaqara hayssan shaqarana” yaagis. Shin Phexroosi ay giyakko erenna.
![](https://static.globalrecordings.net/300x200/z40_Mt_17_05.jpg)
Phexroosi oda bolla de7ishin, bootha shaari entta kammin, shaara giddofe, “Tana ufayssiya, ta dosiya na7ay hayssa, iya si7ite” giya qaala si7idosona. Heedzu tamaareti babbidi sa7an kunddidosona.
![](https://static.globalrecordings.net/300x200/z40_Mt_17_06.jpg)
Yesuusi entta bochidi, “Babbofite, denddite” yaagis. Entti bantta yuushuwa be7iya wode Yesuusappe attishin hari oonikka baawa.
![](https://static.globalrecordings.net/300x200/z40_Mt_17_07.jpg)
Yesuusaranne heedzu tamaaretara deriyappe wodhdhidosona. He wode Yesuusi, “Asa Na7ay hayqoppe denddana gakkanaw ha hintte be7idabaa oodeskka odoppite” yaagidi kiittis.