unfoldingWord 15 - Ukackam Makai
![unfoldingWord 15 - Ukackam Makai](https://static.globalrecordings.net/300x200/z06_Jo_24_08.jpg)
Преглед: Joshua 1-24
Број на скрипта: 1215
Јазик: Gadsup
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z06_Jo_02_07.jpg)
Kipantapaci, Israiliuc Kenanic wirani anufewano, ukackenim makafaci. Josua kantan yimam inayom wainta kanda tiyinkani, Kenanic makufac Jerikoc weno eran kukuni yeukukemoni. Mini masukimi mana inini monikac wen o yimewam wemi, wen awici Reapi wemi mini kantam waintan yofa urani iyayeno. Weni micnonimi Koctin kimi anduni munkemi. Yeni Reapin ankun namac iye yiroko wani temi. Israiliuc yeman Jerikoc maku ananka yinkanayon nurane.
![](https://static.globalrecordings.net/300x200/z06_Jo_03_04.jpg)
Israiliuc Jodanic nonka ye kacdeni Ukackam Makafac weno. Kocti Josuan tamemi, "Ecanaya prisiuc acnantapac woko." Afo prisuc kukandeni nompin kumoyone, non ayafaci nomi kacnemi, Israiliuci kafukam makakaci ena ofaci wenoyo.
![](https://static.globalrecordings.net/300x200/z06_Jo_06_02.jpg)
Jodanic nonka ye kacde oroyon acnaempaci, Jerikoc makuni erarukanim makuni wanimi, Kocti Josua nani inkec nurenaci yirintenafi, mini wani akacdemi. Yeni Koctimi awakureno. Koctin tiyimenic eni, mana mana nuranic mureni mana yacmar afac mana omanan nurami yiruim waintauc namac prisiuc namaci yeukeno.
![](https://static.globalrecordings.net/300x200/z06_Jo_06_05.jpg)
Afo mana yacmar afac kantar omanan nuranic onini, Israiliuc ena mana yacmar afac kantan yaci yeukeno. Mini maku yeukureni, yiruim waintauc wacdoyomi prisiuc ufen areno.
![](https://static.globalrecordings.net/300x200/z06_Jo_06_06.jpg)
Jerikouyic kukuni ukaren kumemi! Kocti teninic eni Israiluc umacden andanda anankayeno. Reapin ankum manan eceno, yeni Israiliuc kimi wano. Afo ena makenuni Kenanic fatec Israiliuci Jerikoc makuni anankayeyonani indireni, yemac yirinayonani yeni anom pekaric meno.
![](https://static.globalrecordings.net/300x200/z06_Jo_09_01.jpg)
Ena ena makenuni Kenanifac wayouni Israiliuc namac manakim wam waya timam pey iyeoko wani Kocti tiyimemi. Afo Kenanic makenuni Kibionike tewayouni Josuami umac tiankeni teni, Kenanic yacna kakenuya wekauno. Yenamac manakinic irani Josuam paci indaeno. Josua Israiliuc namac Koctimi iyen indaeno, Kibioniuc nefate weyafo. Josua yenamaci manakim wam wayani timam peyeno.
![](https://static.globalrecordings.net/300x200/z06_Jo_10_01.jpg)
Israiluc yirami kemi, Kobioniuc yen umac tiyinkeyo nani, yeni manakim wam wayani timam pey yeyonani, newarafi Koctin okankaci uwareno. Icnaimi, ena kinuci Kenanic makakac wayouni, Amouc indeyoni Kibioniuc manakim wam wayani Israiliuc namaci timam peyeno, yekanda yic yiruim waintauc mankinic ureni Kibioniuc yireno. Kibioniuc Josuam paci yofa inowani wayani deno.
![](https://static.globalrecordings.net/300x200/z06_Jo_10_02.jpg)
Josua umacden Israilic yiruim waintauc namaci ayufumi yiwic manaremi Kibioniuc wayonkaci oreno. Wanurami Amouc yiruim waintauc yinducdim yiriric meno.
![](https://static.globalrecordings.net/300x200/z06_Jo_10_03.jpg)
Kocti Israiliuc yofauremi yemi yiremoni. Weni Amouyic indini anani uremi, iyena no akanuci danimi amucna Amouc yiremi.
![](https://static.globalrecordings.net/300x200/z06_Jo_10_04.jpg)
Kocti inarun akunkaci aci dami manakac wami, Israiliuc yofa urani Amouc yireno. Mini nurami, Kocti mini yiruintimi Israiliuc yofaemi.
![](https://static.globalrecordings.net/300x200/z06_Jo_08_11.jpg)
Kocti mini yiruim waintauc yiruran acnaimpaci, amucna Kenanic makenuni Israiliuc yirirani ye waruyeno. Josua Israiliuc namaci oreni yirureni anami kayinkeno.
![](https://static.globalrecordings.net/300x200/z06_Jo_24_08.jpg)
Mini yiruin acnaimpaci, Kocti ukakanim maka ukara ekemi mana mana Israilic nantinkaci yimemi. Kocti awokuc kumandini umacden Israiliuyic maka arayanakac yimemi.
![](https://static.globalrecordings.net/300x200/z06_Jo_22_04.jpg)
Josua ayokum waintac emi, Israiliuc yaramam manakac demi temi, Sainac andaukam waya sakac munkoko tiremi yewekemi tiyimemi. Anasi wanta yeweken tiyimemi temi, Koctin kakaci yindum munkure kaci ake wayayac awakuroko tiren tiyimemi.