unfoldingWord 22 - ولادة يوحنا
![unfoldingWord 22 - ولادة يوحنا](https://static.globalrecordings.net/300x200/z42_Lk_01_07.jpg)
Преглед: Luke 1
Број на скрипта: 1222
Јазик: Arabic, Sudanese: Khartoum
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z42_Lk_01_01.jpg)
زمان ، الله اتكلم لانبياءه عشان يقدروا يتكلموا لشعبه . بعد داك مرت ٤٠٠ سنة هو ما اتكلم معاهم . بعدو الله رسل ملاك لكاهن اسمو زكريا . زكريا و مرتو اليصابات ، كرموا الله . كانوا كبار فى السن وهى ما ولدت عيال ابدا .
![](https://static.globalrecordings.net/300x200/z42_Lk_01_02.jpg)
الملاك قال لزكريا ، "مرتك بتكون عندها ولد . حتسميه يوحنا . الله ملاءه بالروح القدس و يوحنا بجهز الناس عشان يقبلوا المسيح !" زكريا جاوب ، "انا ومرتي كبرنا شديد عشان يكون عندنا اولاد ! كيف انا اعرف انت بتقول لي الحقيقة ؟"
![](https://static.globalrecordings.net/300x200/z42_Lk_01_04.jpg)
الملاك جاوب زكريا ، "الله رسلني عشان اجيب ليك الاخبار الكويسة دي. عشان انت ما صدقتني ، انت ما حتتكلم لحدي ما يلدو الجني" . طوالي ، زكريا ماقدر يتكلم. بعد داك الملاك خلى زكريا. بعد ده زكريا رجع البيت ومرتو بقت حامل.
![](https://static.globalrecordings.net/300x200/z42_Lk_01_11.jpg)
لمن اليصابات كانت حامل في الشهر السادس ، فجاة ظهر نفس الملاك لقريبة اليصابات ، كانت اسمها مريم . هي كانت عذراء و مخطوبة عشان تتزوج من راجل اسمه يوسف . الملاك قال ليها ، "انتي حتحملي وتلدي ولد. وحتسميه يسوع. حيكون ابن الله العلي وحيحكم للابد" .
![](https://static.globalrecordings.net/300x200/z42_Lk_01_13.jpg)
مريم جاوبت "كيف ده بيحصل وانا لسه عذراء ؟" الملاك شرح، "الروح القدس بحل عليك وقوة الله بتجيك ، عشان كده الطفل حيكون مقدس و بكون هو ابن الله العلى" . مريم صدقت كلام الملاك .
![](https://static.globalrecordings.net/300x200/z42_Lk_01_15.jpg)
طوالي بعد ما ده حصل ، مريم مشت وزارت اليصابات. طوالي لمن مريم سلمت عليها ، جنى اليصابات اتحرك في بطنها . النسوان فرحوا مع بعض بالحاجة العملو االله ليهم. بعد ما مريم زارت اليصابات لتلاتة شهور ، مريم رجعت البيت.
![](https://static.globalrecordings.net/300x200/z42_Lk_01_07.jpg)
بعد ده اليصابات ولدت ولدها . زكريا و اليصابات سمو الجنى يوحنا ، زى ما الملاك امرهم . بعد داك الله خلى زكريا يقدر يتكلم مرة تانى . زكريا قال ، "مجدا لله ، لانو هو اتذكر عشان يساعد شعبه ! انت ، ولدى ، حتكون نبى الله العلى . انت حتكلم الناس كيف يستقبلوا الغفران لخطاياهم !"