unfoldingWord 17 - عهد الله مع داؤد
![unfoldingWord 17 - عهد الله مع داؤد](https://static.globalrecordings.net/300x200/z10_2Sa_10_07.jpg)
Преглед: 1 Samuel 10; 15-19; 24; 31; 2 Samuel 5; 7; 11-12
Број на скрипта: 1217
Јазик: Arabic, Sudanese: Khartoum
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z09_1Sa_18_02.jpg)
شاول كان اول ملك لاسرائيل ، كان طويل و وجيه ، زى ما الشعب دايرينو . شاول كان ملك كويس فى السنين الاولى لمن حكم على اسرائيل ، لكن بعد داك بقى شرير و ما اطاع الله . عشان كده الله اختار راجل تانى عشان يكون ملك فى محله فى يوم من الايام .
![](https://static.globalrecordings.net/300x200/z09_1Sa_16_14.jpg)
الله اختار شاب اسرائيلى اسمه داؤد وبداء يجهزه عشان يكون ملك فى يوم من الايام بعد شاول . داؤد كان راعى من مدينة بيت لحم . فى اوقات مختلفة داؤد قتل اسد و دب الهجموا خرفان ابوه لمن كان برعاهم . داؤد كان راجل متواضع و بار ، وثق و اطاع الله .
![](https://static.globalrecordings.net/300x200/z09_1Sa_17_09.jpg)
لمن داؤد كان شاب ، هو حارب ضد عملاق اسمه جليات . جليات كان عسكرى كويس ، قوى شديد و طوله تقريبا تلاتة امتار! لكن الله ساعد داؤد يقتل جليات و يخلص اسرائيل . بعد داك داؤد كسب انتصارات كتيرة على اعداء اسرائيل . داؤد بقى عسكرى عظيم ، و قاد جيش اسرائيل فى معارك كتيرة و الشعب عظمه شديد .
![](https://static.globalrecordings.net/300x200/z09_1Sa_24_03.jpg)
الشعب حبوا داؤد شديد عشان كده الملك شاول بقى بغير منه . فى النهاية شاول داير يقتله ، داؤد جرى بعيد للبرية عشان يدسى منه و جيشه . فى يوم من الايام ، لمن شاول و جيشه كانوا بفتيشوا فيه ، شاول دخل جوا كركور و ده نفس الكركور الكان داؤد مدسى فيه لكن شاول ما شافه . داؤد مشى قريب لشاول و قطع قطعة من قماشه الكان لابسه . فى وقت تانى ، بعد ما شاول خلى الكركور ، داؤد صرخ ليه عشان يشوفه قطعة قماشه الكان ماسكه . بالطريقة دى ، شاول عرف انو داؤد رفض يقتله عشان يكون ملك .
![](https://static.globalrecordings.net/300x200/z10_2Sa_10_07.jpg)
بعد فترة ، شاول مات فى معركة و داؤد بقى ملك اسرائيل هو كان ملك كويس و الشعب حبوه و الله بارك داؤد و عمله ناجح . داؤد حارب فى معارك كتيرة و الله ساعده ليهزم اعداء اسرائيل . داؤد مسك مدينة اورشليم بالقوة و بقاه عاصمته محل هو كان عايش فيه و حكم . داؤد كان ملك لمدة اربعين سنة ، فى الفترة داك اسرائيل كانت قوية و غنية .
![](https://static.globalrecordings.net/300x200/z10_2Sa_09_01.jpg)
داؤد داير يبنى هيكل محل لكل الاسرائيليين يعبدوا فيه الله و يقدموا ليهو ذبائح . لفترة اربعمائة سنة ، الشعب كانوا بعبدوا الله و يقدموا ليهو ذبائح فى خيمة الاجتماع الكان موسى عملها .
![](https://static.globalrecordings.net/300x200/z10_2Sa_13_02.jpg)
لكن هناك كان فى نبى اسمه ناثان. الله رسله عشان يقول لداؤد الكلام ده: "انت حاربت فى حروبات كتيرة ، عشان كده انت ما حتبنى لى الهكيل. ابنك حيبنيهو. لكن لسه ، حباركك كتير. واحد من نسلك حيحكم شعبى كملك للابد !" ونسل داؤد الوحيد البحكم للابد هو المسيح. المسيح هو الوحيد الكان الله اختاره لينقذ ناس العالم من خطاياهم.
![](https://static.globalrecordings.net/300x200/z10_2Sa_07_02.jpg)
لمن داؤد سمع رسالة ناثان هو شكر الله و سبحه . الله كان اكرمه و اداه بركات كتيرة . طبعا ، داؤد ما كان عارف متين الله حيعمل الحاجات دى . و هسه عرفنا انو الاسرائيليين كان عليهم ينتظروا لفترة طويلة تقريبا ١,٠٠٠ سنة قبل مجى المسيح .
![](https://static.globalrecordings.net/300x200/z19_Ps_23_03.jpg)
داؤد حكم شعبه بعدالة لمدة سنين كتيرة . هو طاع الله شديد و الله باركه . لكن فى نهاية حياته هو اخطا بشكل بطال ضد الله .
![](https://static.globalrecordings.net/300x200/z10_2Sa_11_01.jpg)
وفى يوم من الايام داؤد عاين برا قصره و شاف مراة جميلة بتستحمة . لكن ما كان بيعرفها ، لكنه لقي اسمها بثشبع .
![](https://static.globalrecordings.net/300x200/z10_2Sa_11_02.jpg)
بدل ما يعاين بعيد ، داؤد رسل زول عشان يجيبها ليه . نام معاها و رجعها البيت . بعد زمن قصير بثشبع رسلت رسالة لداؤد بتقول هى كانت حامل .
![](https://static.globalrecordings.net/300x200/z10_2Sa_11_03.jpg)
زوج بثشبع كان اسمه اوريا .هو كان واحد من افضل عساكر داؤد . فى الزمن داك كان بقاتل فى الحرب . داؤد نادى اوريا من المعركة و قال ليه يمشى يكون مع مرته . لكن اوريا رفض عشان يمشى البيت و باقى الجيش لسه فى المعركة. بعداك داؤد رسل اوريا عشان يرجع المعركة و قال للقائد الكبير فى الجيش عشان يخته فى المكان الفيه العدو قوى عشان يقتلوه . ده الحاجة الحصل : ارويا مات فى المعركة .
![](https://static.globalrecordings.net/300x200/z10_2Sa_12_05.jpg)
بعد ما اوريا مات فى الحرب ، داؤد عرس بثشبع . بعد داك هى ولدت لداؤد ولد . الله كان زعلان شديد من الحاجة العمله داؤد ، عشان كده هو رسل النبى ناثان عشان يقول لداؤد كيف كان شر الخطية حقه . داؤد اعترف بخطيته و الله غفر ليه . لباقى حياته ، داؤد تبع و طاع الله حتى فى الاوقات الصعبة .
![](https://static.globalrecordings.net/300x200/z10_2Sa_12_06.jpg)
لكن ولد داؤد مات . دى الكيفية الله عاقب بيه داؤد . كمان ، لحدى موت داؤد ، بعض من اسرته حاربوا ضده و داؤد فقد سلطة كتيرة . لكن الله كان امين و استمر يعمل الحاجة الوعد بيها داؤد عشان يعمله ليه ، رغم انو داؤد كان ما اطاعه . بعد فترة ، داؤد و بثشبع بقوا عندمهم ولد تانى وسموه سليمان .