unfoldingWord 15 - ارض الموعد
![unfoldingWord 15 - ارض الموعد](https://static.globalrecordings.net/300x200/z06_Jo_24_08.jpg)
Преглед: Joshua 1-24
Број на скрипта: 1215
Јазик: Arabic, Sudanese: Khartoum
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z06_Jo_02_07.jpg)
فى النهاية جاء الوقت الاسرائيليين يدخلوا كنعان ، ارض الموعد . فى الارض داك فى مدينة اسمها اريحا . كانت حولها حييط قوية عشان بتحميها . يشوع رسل جاسوسين لمدينة ديك . فى المدينة ده مراة زانية اسمها راحاب كانت ساكنة هناك . هى دست اتنين جواسيس واخيرا ساعدتهم عشان يهربوا من المدينة . عملت كده عشان هى امنت بالله . هم وعدوها انو يحموها هى و اسرتها لمن الاسرائيليين يدمروا اريحا .
![](https://static.globalrecordings.net/300x200/z06_Jo_03_04.jpg)
الاسرائيليين عليهم ان يعبروا نهر الاردن عشان يخشوا ارض الموعد . الله قال ليشوع ، "خلى الكهنة يمشوا اولا" . لمن الكهنة بدوا يدخلوا نهر الاردن ، جريان الموية وقف عشان الاسرائيليين يقدروا يعبروا لارض الناشفة فى الاتجاه التانى .
![](https://static.globalrecordings.net/300x200/z06_Jo_06_02.jpg)
بعد ما الشعب عبروا نهر الادرن ، الله قال ليشوع يستعد عشان يهجم مدينة اريحا ، برغم انو كانت قوية شديد الله قال لشعب انو الكهنة و الجيش يمشوا حول المدينة مرة واحدة كل يوم لمدة ستة ايام . كمان الكهنة و الجيش عملوا ده .
![](https://static.globalrecordings.net/300x200/z06_Jo_06_05.jpg)
بعد داك فى اليوم السابع ، الاسرائيليين مشوا حول المدينة سبعة مرات اضافية . بعد ما مشوا حول المدينة سبعة مرات ، الكهنة نفخوا الابواق و الجيش صرخوا .
![](https://static.globalrecordings.net/300x200/z06_Jo_06_06.jpg)
بعد داك الحييط حول اريحا وقعت ! و الاسرائيليين دمروا كل شي فى المدينة زى ما كان الله امرهم . ما خلوا الا راحاب و اسرتها ، البقوا جزء من الاسرائيليين . لمن الشعب التانين الساكنين فى كنعان سمعوا انو الاسرائيليين دمروا اريحا ، بقوا فى حالة خوف شديد لانو احتمال الاسرائيليين حيهاجموهم كمان .
![](https://static.globalrecordings.net/300x200/z06_Jo_09_01.jpg)
الله امر الاسرائيليين انو ما يعملوا اتفاق سلام مع اى مجموعات فى كنعان . ولكن واحد من مجموعات الشعب الكنعاني ، اسمهم الجبعونيين كذبوا ليشوع وقالوا انو هم من مكان بعيد من كنعان و طلبوا من يشوع اتفاقية سلام ، يشوع وقادة الاسرائيليين التانيين ما سالوا الله فى الحاجة المفترض يعملوا بدل ده عملوا اتفاقية سلام مع الجبعونيين.
![](https://static.globalrecordings.net/300x200/z06_Jo_10_01.jpg)
بعد تلاتة ايام الاسرائيليين اكتشفوا انو الجبعونيين فعلا ساكنين فى كنعان .كانوا زعلانين لانو الجبعونيين غشوهم ، لكن حفظوا اتفاقية السلام العملوها معهم لانها كانت وعد قدام الله . بعد داك فى وقت تانى مجموعة ملوك ناس تانين فى كنعان . الامورييين سمعوا انو الجبعونيين عملوا اتفاقية سلام مع الاسرائيليين ، عشان كدا جمعوا جيوشهم فى جيش واحد كبيرو هجموا جبعون . الجبعونيين رسلوا رسالة ليشوع دايرين مساعدة .
![](https://static.globalrecordings.net/300x200/z06_Jo_10_02.jpg)
عشان كدة يشوع جمع كل جيش الاسرائيليين و مشىوا الليل كله عشان يصلوا للجبعونيين . وفى الصباح بدرى فاجئوا جيش الاموريين و هاجموهم .
![](https://static.globalrecordings.net/300x200/z06_Jo_10_03.jpg)
الله حارب لاجل اسرائيل فى اليوم داك . خلى الاموريين يكونوا مشوشين . و رسل ليهم حجار تلج كبيرة من السماء قتلت كتير من الاموريين .
![](https://static.globalrecordings.net/300x200/z06_Jo_10_04.jpg)
الله برضو خلى الشمس يقيف فى مكان واحد فى السماء عشان اسرائيل يكون عندو زمن كفاية ليهزم الاموريين نهائيا . فى اليوم داك ، الله عمل انتصار عظيم لاسرائيل .
![](https://static.globalrecordings.net/300x200/z06_Jo_08_11.jpg)
بعد ما الله هزم الجيوش ديل ، مجموعات كتيرة من الكنعانيين لموا سوا عشان يهجموا اسرائيل ، يشوع و الاسرائيليين هجمهم و دمرهم .
![](https://static.globalrecordings.net/300x200/z06_Jo_24_08.jpg)
بعد المعارك ديل الله ادى كل قبيلة من قبائل اسرائيل جزء خاص من ارض الموعد . بعد داك الله ادى اسرائيل سلام على كل حدودها .
![](https://static.globalrecordings.net/300x200/z06_Jo_22_04.jpg)
لمن يشوع بقى عجوز نادى كل شعب اسرائيل سوا بعد داك يشوع ذكرهم بوعدهم انو يطيعوا عهد الله العملوا مع الاسرائيليين فى جبل سيناء . الشعب وعدوا انو يكونوا امينين و بطيعوا ناموس الله .