unfoldingWord 01 - الخليقة
![unfoldingWord 01 - الخليقة](https://static.globalrecordings.net/300x200/z01_Ge_01_07.jpg)
Преглед: Genesis 1-2
Број на скрипта: 1201
Јазик: Arabic, Sudanese: Khartoum
Тема: Bible timeline (Creation)
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z01_Ge_01_02.jpg)
دي الطريقة الله عمل بيها الدنيا من البداية . الله خلق الأرض من مافي، دي كل الحاجات الله عملو في الأرض و السماء, الظاهرة والماظهرة, فى ستة يوم . كانت الدنيا ظلمة وكانت الأرض مافيه اي حاجة ، الله كان ما خلق اي حاجة فى الدنيا و كان روح الله بحوم فوق الموية .
![](https://static.globalrecordings.net/300x200/z01_Ge_01_03.jpg)
بعد داك الله قال: "خلى يكون فى نور!" و بقى فى نو، الله شاف انو النور كويس وسماهو "نهار". فرقو من الظلام، سماه "ليل". الله خلق النور فى اليوم الاول من الخليقة.
![](https://static.globalrecordings.net/300x200/z01_Ge_01_04.jpg)
في اليوم التاني من الخليقة، الله قال: "خلى يكون فى فسحة فوق الموية". وبقى فى فسحة. والله سمه فسحة "سماء".
![](https://static.globalrecordings.net/300x200/z01_Ge_01_05.jpg)
فى اليوم التالت، الله قال: "خلى الموية تلم فى محل واحد و الارض اليابسة تظهر". سمى الارض اليابسة "ارض"، سمى الموية "بحار". الله شاف انو الحاجات الكان خلقها كويسة.
![](https://static.globalrecordings.net/300x200/z01_Ge_01_06.jpg)
بعداك الله قال: "خلي الأرض تطلع كل انواع الأشجار و النباتات". وده الحصل. الله شاف انو الحاجات الكان خلقها كويسة.
![](https://static.globalrecordings.net/300x200/z01_Ge_01_07.jpg)
في اليوم الرابع من الخليقة، الله قال: "خلى يكون فى انوار فى السماء" و الشمس، القمر، النجوم ظهروا. الله عملهم عشان يدوا الارض نور، ليفرق الليل من النهار، المواسم و السنين. الله شاف انو الحاجات الكان خلقها كويسة.
![](https://static.globalrecordings.net/300x200/z01_Ge_01_07a.jpg)
في اليوم الخامس، الله قال: "خلى الاحياء تملا الموية، و الطيور تطير فى السماء". ودى الطريقة العمل بيه كل الحاجة البعوم فى الموية وكل الطيور. الله شاف ده كان كويس، و باركهم.
![](https://static.globalrecordings.net/300x200/z01_Ge_01_09.jpg)
في اليوم السادس من الخليقة، الله قال: "خلي يكون فى الارض كل انواع الحيوانات البرية!" و حصل زى ما الله قال. و كان فى الحيوانات البتعيش مع الناس و الحيوانات البتزحف على الارض و حيوانات الخلا. و الله شاف انو دا كان كويس.
![](https://static.globalrecordings.net/300x200/z01_Ge_01_13.jpg)
بعداك الله قال: "خلينا نعمل الانسان في صورتنا و يكون زينا. يكونوا مسؤولين عن الارض وكل الحيوانات".
![](https://static.globalrecordings.net/300x200/z01_Ge_01_15.jpg)
و الله شال شوية تراب، وعمل منو انسان، ونفخ فيه روح الحياة. و راجل دا كان اسمو ادم. و الله عمل الجنة كبير وشال ادم وختاه فىها عشان ادم يعيش فيها، و يهتم بيها.
![](https://static.globalrecordings.net/300x200/z01_Ge_02_04.jpg)
فى نص الجنة، الله زرع شجرتين خاص، شجرة الحياة و شجرة معرفة الخير و الشر،الله قال لادم ياكل من اى شجرة فى الجنة إلا شجرة معرفة الخير و الشر. ولو هو اكل من الشجرة دي حيموت.
![](https://static.globalrecordings.net/300x200/z01_Ge_02_07.jpg)
بعد داك الله قال: "ما كويس لراجل يكون براه". عشان مافى اي حيوان بيقدر يكون مساعد لادم.
![](https://static.globalrecordings.net/300x200/z01_Ge_02_09.jpg)
عشان كده الله خلى ادم ينوم نوم تقيل. و بعد داك الله شال واحد من ضلوع ادم وعمل منو مراة و جابها ليهو.
![](https://static.globalrecordings.net/300x200/z01_Ge_02_10.jpg)
لما ادم شافها، قال: "اخيرا ! دي واحدة زيي! خلي يسموها مراة، لانو عملوها من الراجل". عشان كده الراجل بخلى ابوه و امو و يكون واحد مع مرتو.
![](https://static.globalrecordings.net/300x200/z01_Ge_02_11.jpg)
الله عمل الراجل و المراة في صورتو. باركهم وقال ليهم: "حيكون عندكم عيال كتير واملوا الارض!" الله شاف كل الحاجات العمله كان كويس شديد، كان مبسوط بكل الحاجات. و ده كل الحصل فى اليوم السادس من الخليقة.
![](https://static.globalrecordings.net/300x200/z01_Ge_02_12.jpg)
لمن اليوم السابع جاء، الله انتهي من كل الشغل الكان بيعمل فيه. بارك اليوم السابع و قدسه، لانو فى اليوم ده وقف الشغل. ودي الطريقة الله خلق بيها العالم واي حاجة فيها.