unfoldingWord 13 - इसराएली मन कर संगे परमेसवर कर जबान
![unfoldingWord 13 - इसराएली मन कर संगे परमेसवर कर जबान](https://static.globalrecordings.net/300x200/z02_Ex_20_01.jpg)
Kontūras: Exodus 19-34
Scenarijaus numeris: 1213
Kalba: Surgujia
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z02_Ex_19_01.jpg)
परमेसवर हर ईसराईली मन ला लाल सागर जग ले ले जाए कर पाछू, ओमन बलुआही भुईया ले रेंग के सीनै पहार जग पहुंचीन। ए ओही पहार रहीस, जीहां ला मूसा हर जरत भुंदरा ला देखे रहीस। पहार जग लोग मन अपन तम्बू ला लगाईन।
![](https://static.globalrecordings.net/300x200/z02_Ex_19_10.jpg)
परमेसवर मूसा अऊ इसराईली मन जग कहिस, “तुमन अगर मोर आगियां ला मानिहा अऊ मोर बात जबान ला राखीहा, त तुमन मोर निज धन, याजकों कर समाज अऊ पवितर जाति ठहरिहा”।
![](https://static.globalrecordings.net/300x200/z02_Ex_19_02.jpg)
तीन दिन कर पाछु, जे घरी लोग मन अपने ला आत्मिक रूप ले तियार करीन, ओही घरी परमेसवर सीनै पहार में गड़गड़ाहट, बिजली, धुंआ अऊ तुरही कर आवाज कर संगे उतेर आईस। एकेझे मूसा पहार में चढ़के जाए सकत रहीस।
![](https://static.globalrecordings.net/300x200/z02_Ex_19_09.jpg)
फेर परमेसवर हर ओमन जग बात जबान करिस अऊ कहीस “मैं यहोवा तुमन कर परमेसवरहवों, जेहर तुमन ला मिस्र कर गुलामी ले बचाईस हवे, तुमन दूसर ईसवर कर आराधना झईन करीहा”।
![](https://static.globalrecordings.net/300x200/z02_Ex_19_12.jpg)
“मूर्ति झईन बनईहा अऊ ओकर कर आराधना झईन करीहा, काबर की मैं यहोवा जलन रखे मधे परमेसवर हवों। मोर नाव ला बीनकाम कर झईन लेईहा। सबत कर दिन ला पवितर मानीहा। एकर मतलब हवे की हप्ता भर छव दिन तुमन काम कर सकत हवा अऊ सातवाँ दिन तुमन बर बिसोए कर अऊ मोके सुरता करे कर दिन होहीं।
![](https://static.globalrecordings.net/300x200/z02_Ex_00_03.jpg)
“अपन दाई दाऊ कर आदर करीहा। हत्या झईन करीहा। व्यभिचार झईन करीहा। चोरी झईन करीहा। झूठ झईन बोलीहा। अपन पड़ोसी कर परानी कर लालसा झईन करिहा, न ओकर घर कर अऊ ओकर कांहिच, धन दौलत, कर लालसा झईन करीहा”।
![](https://static.globalrecordings.net/300x200/z02_Ex_20_02.jpg)
“अपन दाई दाऊ कर आदर करीहा। हत्या झईन करीहा। व्यभिचार झईन करीहा। चोरी झईन करीहा। झूठ झईन बोलीहा। अपन पड़ोसी कर परानी कर लालसा झईन करिहा, न ओकर घर कर अऊ ओकर कांहिच, धन दौलत, कर लालसा झईन करीहा”।
![](https://static.globalrecordings.net/300x200/z02_Ex_27_02.jpg)
परमेसवर हर इसराईली मन ला एगोठ तम्बू बनाये बर समझाईस जेला ओमन के बनाये बर रहिस। एला मिलन कर तम्बू कहींन। एकर दुईठे बंगीरा रहीस। जेला एकठे बड़खा परदा लगाये के बांटे रहीन। परदा कर पीछू कर बंगीरा में एक झे महायाजक जाये सकत रहीस, काबर की परमेसवर ऊहाँ रहत रहीस।
![](https://static.globalrecordings.net/300x200/z02_Ex_29_02.jpg)
जे कोई हर परमेसवर कर कानून ला तोड़ही ओहर मिलन कर तम्बू कर आगु कर वेदी में पूजे बर एकठे जानवर ला लानही। याजक ओ जानवर ला पूज के ओला वेदी में जलाया देहत रहीस। ओ जानवर कर लहू ओ आदमी कर पाप ला ढांएप के ओके परमेसवर कर आगु में शुद्ध ठहरात रहिस। परमेसवर हर मूसा कर भाई हारून अऊ ओमन कर लईका मन ला याजक बने बर चुनीस।
![](https://static.globalrecordings.net/300x200/z02_Ex_20_01.jpg)
सबेच कोई परमेसवर कर आगियां ला मानेबर सलाव करीन, अऊ परमेसवर कर आराधना करे बर अऊ परमेसवर कर लोग होएबर सलाव करीन। लेकिन परमेसवर कर आगियां माने कर सलाव करेकर चटिक दिन कर बाद ओमन ढ़ेरेच बड़खा पाप कर दारीन।
![](https://static.globalrecordings.net/300x200/z02_Ex_32_01.jpg)
कईयो दिन ले मूसा हर सीनै पहार में परमेंसवर कर संगे गोठियात रहिस। ओकर फेर आए कर जोहाई में लोग मन असकटाये गईन। ओमन अपन सोना ला हारून जग लाएन के अपन बरीक मूर्ति बनाये बर कहिन।
![](https://static.globalrecordings.net/300x200/z02_Ex_32_03.jpg)
हारून हर सोना कर एकठे बछड़ा बनाईस। लोग मन बऊराहा कस होएके मूर्ति कर आराधना करे लागीन अऊ बकरा पूजे लागीन। ए पाप कर चलते परमेसवर ओमन ले ढ़ेरेच गुस्सा होईस अऊ ओमन ल मरवाये बर सोंचिस, लेकिन मूसा हर ओमन बर बिनती करिस, परमेस्वर हर ओकर बिनती ला सुनीस अऊ ओमन ला नई मरवाईस।
![](https://static.globalrecordings.net/300x200/z02_Ex_32_05.jpg)
जे घरी मूसा पहार ले ऊतर के आईस अऊ ओ मूर्ति ला देखीस त ढ़ेरेच गुस्साए गईस अऊ ओ पट्टिया ला फ़ेंक के गुरी गुरी कर देहीस, जेमे परमेसवरहर दस ठे आगियां ला लिखे रहीस।
![](https://static.globalrecordings.net/300x200/z02_Ex_32_06.jpg)
फेर मुसा हर ओ। मूर्ति ला टोएर के धुर्रा कस बनाये देहीस अऊ ओला पानी में मेराये के लोग मन ला पियाईस। पमेसवर हर ओमन कर ऊपरे एक भऊर ला भेजीस अऊ ढ़ेरे अकन लोग मन मएर गईन।
![](https://static.globalrecordings.net/300x200/z02_Ex_32_04.jpg)
मूसा पहार में फेर चढ़ गईस अऊ परमेसवरजग बिनती करीस की ओमन कर पाप ला छमा करे। परमेसवरहर मूसा कर बात ला मानीस अऊ ओमन ला माफ करीस। मूसा ओ दस आगियां ला पखना कर नावा पटरी में लिखीस। फेर परमेसवर हर इसराईली मन ला सीनै पहार ले बात जबान कर देस कती ले गईस।