unfoldingWord 35 - Morom Thaka Baba Laga Kahani
![unfoldingWord 35 - Morom Thaka Baba Laga Kahani](https://static.globalrecordings.net/300x200/z42_Lk_15_06.jpg)
Kontūras: Luke 15
Scenarijaus numeris: 1235
Kalba: Nagamese
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z42_Lk_18_06.jpg)
Ek-din Jisu bisi manu ke hikai thakise jun khan tai laga kotha hunibole joma kurise. Taikhan poisa utha manu aru dusra khan asile kun khan Moses laga Niom namane.
![](https://static.globalrecordings.net/300x200/z42_Lk_15_01.jpg)
Ta-te kunba dhorom laga choulanta khan Jisu ke utu manukhan logote sati nisina bisi bhal pora kotha patikena bohi thaka dikhise. Itu nimite taikhan majote Jisu toh galti kam kuriase ineka kotha koithakise. Jisu taikhan laga kotha hunise, itu nimite taikhan ke itu kahani koise.
![](https://static.globalrecordings.net/300x200/z42_Lk_15_02.jpg)
“Ekta manu laga duita chokora asile. Chutu-chokora pora tai laga babake koise; “Baba, ami laga samankhan laga bhag ami ke itia didibi!” Itu nimite tai laga baba pora chokora duijon ke samankhan bhag korikena di dise.”
![](https://static.globalrecordings.net/300x200/z42_Lk_15_03.jpg)
“Bisi joldi chutu-chokora tai laga saman sob loikena bisi durte jai jaise aru tai laga poisa sob papi kam te misa-misi kurikena phelaise.”
![](https://static.globalrecordings.net/300x200/z42_Lk_15_04.jpg)
“Itu pichete, utu desh te akal dangor ahise, aru utu chokora logote kinikena khabole poisa nathaka hoise. Itu nimite tai kam bisarise, aru gahurikhan sabole laga kam paise. Tai bisi dukh te thakise aru bisi bhuk lagikena gahuri laga dana hoilebi khailobo ineka bhabona hoise.”
![](https://static.globalrecordings.net/300x200/z42_Lk_15_05.jpg)
“Tetia chutu chokora pora tai nijor ke koise: “Ami ki kuri ase? Ami baba laga ghor te kam kura noukarkhan khabole bisi ase, aru iyate ami nakhaikena moribole ase. Moi baba logote jabo aru moi ke tai laga ghorte noukar nisina rakhibi kobo!”
![](https://static.globalrecordings.net/300x200/z42_Lk_15_06.jpg)
“Aru chutu chokora tai baba laga ghorte jabole lagise. Jetia tai bisi dhurte thakise, tai laga baba tai ke dikhikena bisi morom lagise. Tai polaikena ahise aru tai laga chokora ke dhurise aru chumaise.”
![](https://static.globalrecordings.net/300x200/z42_Lk_15_07.jpg)
“Chokora koise, ‘Baba, ami Isor aru apuni usorte pap kurise. Ami apuni laga chokora hobole liak nohoi.’”
![](https://static.globalrecordings.net/300x200/z42_Lk_15_08.jpg)
“Hoilebi tai baba pora noukar ekjon ke koise, “Joldi jabi aru bhal kapor anikena ami laga chokora ke lagai dibi. Tai laga anguli te anguthi lagai dibi aru theng te juta lagai dibi. Tetia sob pora bhal bhoisi ke katikene amikhan khushi manabo, kilekoile ami laga itu chokora murijaisile hoilebi itia tai jinda ase! Tai harai jaisile hoilebi amikhan tai ke arubi paise!”
![](https://static.globalrecordings.net/300x200/z42_Lk_15_09.jpg)
Itu nimitesob manukhan khusi manaithakise. Olop deri pichete, tai laga dangor chokora kheti kam kurikene ghorte wapas ahise. Tae nach-gana laga awazkhan hunise aru ki hoi ase ineka bhabona korise.”
![](https://static.globalrecordings.net/300x200/z42_Lk_15_10.jpg)
“Jetia dangor chokora janise tai laga chutu bhai wapas ahise ghorte ahise aru itu nimite taikhan khusi mania ase, tai bisi khong hoise aru ghor bhitorte naghusia hoise. Tailaga baba baharte ulaise aru tai ke morom pora ghor bhitorte ahikena taikhan logote khushi manabi koise, hoilebi tai mananai.”
![](https://static.globalrecordings.net/300x200/z42_Lk_15_11.jpg)
“Dangor chokora pora tai laga baba ke koise: “Iman sal pora ami apuni laga noukar nisina kam korise! Ami apuni laga ekta kotha bi namana nai, aru ineka hoilebi apuni amike sathikhan logote khabole ekta chutu saguli bi dia nai. Hoilebi apuni laga itu chokora apuni laga poisa sob bia kam te phelaidise. Aru jetia tai ghorte wapas ahise apuni tai nimite sob pora bhal bhoisi marikena khusi manai ase!”
![](https://static.globalrecordings.net/300x200/z42_Lk_15_12.jpg)
“Baba koise; “Ami laga chokora, apuni hodae ami logote thake, amilaga ki ase itu sob apuni laga he ase. Hoilebi amikhan khusi manabole lage, kilekoile apuni laga chutu bhai morijaisile aru ita tai jinda hoise. Tai harai jaisile, hoilebi itia moikhan tai ke bisari loise!”