unfoldingWord 45 - Stephena Leh Philipa
![unfoldingWord 45 - Stephena Leh Philipa](https://static.globalrecordings.net/300x200/z44_Ac_07_02.jpg)
Kontūras: Acts 6-8
Scenarijaus numeris: 1245
Kalba: Mizo
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z44_Ac_06_07.jpg)
Kohhran hmasa hruaitute zinga mi pakhat chu a hming Stephena a ni a. Mi hming ṭha, finna leh Thlarau Thianghlima khat a ni. Stephena chuan thilmak tam tak a ti a, mite chu awihawm takin Isua chu ring turin a sawipui ṭhin.
![](https://static.globalrecordings.net/300x200/z44_Ac_06_08.jpg)
Ni khat chu, Stephena chuan Isua chanchin a zirtîr laiin, Isua ring lo Juda ṭhenkhatte chuan Stephena chu an rawn hnial tan ta a. An thin a rim ta em em a, sakhaw hruaitute hnênah Stephena chungchang chu dawtin an hêk ta a. Anni chuan, “Pathian leh Mosia a sawichhiat thu kan hria!” an ti a. Tichuan, sakhaw hruaitute chuan Stephena chu an man a, puithiam lalber leh Juda hruaitu dangte hnênah an kalpui a, chutah chuan a hma aia tam zawk hretu derte chuan Stephena chu dawtin an hek ta a ni.
![](https://static.globalrecordings.net/300x200/z44_Ac_06_11.jpg)
Puithiam lalber chuan Stephena hnênah, “Hengte hi a dik em?” tiin a zawt a. Stephena chuan amah chu chhangin Abrahama hun lai atanga Isua hun lai thlenga Pathianin thil ropui tam tak a lo tih tawh te leh Pathian miten a thupek an zawm loh fo dan te a hriat nawntir a. Tin, “Nangni mi luhlul leh helhmang te hian Thlarau Thianghlim hi in dodal fo va, in thlahtuten Pathian an hnawl fo va, a zawlneite an thah ang bawk khan. Nimahsela, an thiltih aia ṭha lo zawk thil in ti a ni! Messia kha in that a!” a ti a.
![](https://static.globalrecordings.net/300x200/z44_Ac_07_02.jpg)
Sakhaw hruaitutên chu thu hi an hriat chuan, an thinûr ta êm êm a, an beng an hup a, ring takin an au va. Stephena chu khawpui aṭangin an hnuk chhuak a, tihlum tûrin lungin an dêng ta a.
![](https://static.globalrecordings.net/300x200/z44_Ac_07_03.jpg)
A thih dawnin, aw ring takin a auva, “Isu, ka thlarau la ang che,” a ti a. Tin, bawkkhupin a tlu a, aw ring takin a au leh a, “Lalpa, he an thil tihsual hi an chungah mawhphurhtîr suh ang che,” a ti a. Tin, a thi ta a.
![](https://static.globalrecordings.net/300x200/z44_Ac_07_04.jpg)
Tlangval Saula chuan Stephena tihlumtute chu a lo rêmtihpui a, lunga an den lai chuan an puante chu a lo vensak a. Chumi ni chuan Jerusalema mi tamtakin Isua zuitute chu an tiduhdah ṭan ta a, tichuan, ringtute chu hmun dangahte an tlanchhe ta a. Nimahsela, chutiang a ni chung pawh chuan, an kalna apiangah Isua chanchin an sawi zel a.
![](https://static.globalrecordings.net/300x200/z44_Ac_08_12.jpg)
Isua zirtîr pakhat a hming Philipa chu tihduhdah hun laia ringtu Jerusalem tlanchhiatsantute zînga pakhat a ni a. Samaria ah kalin Isua chanchin a hril a, tin, mi tam tak chhandamin an awm ta a. Tin, ni khat chu, Pathian vântirhkoh pakhatin Philipa chu thlalêra kawng pakhatah chuan kal tûrin a hrilh a. Kawnga a kal laiin, Philipa chuan Ethiopia mi sawrkar mi pawimawh pakhat a tawlailira chuang chu a va hmu a. Thlarau Thianghlim chuan Philipa chu chu pa hnênah chuan kala va be tûrin a hrilh ta a.
![](https://static.globalrecordings.net/300x200/z44_Ac_08_13.jpg)
Philipan tawlailir a pan lai chuan, Ethiopia mi chuan zawlnei Isaia ziak ami a chhiar lai chu a va hre ta a. Chu mi chuan, “Talh tûrin berâm angin ani chu an hruai a, Berâm no ngawi reng angin ani chuan a ka a ang lo. Diklo takin an sawisa a, an zah hek lo. A nunna an laksak ta si a,” tih thu hi a lo chhiar a.
![](https://static.globalrecordings.net/300x200/z44_Ac_08_14.jpg)
Philipa chuan Ethiopia mi hnenah chuan, “I chhiar kha a awmzia i hria em?” a ti a. Ethiopia mi chuan, “Mi tuin emaw min hrilhfiahsak loh chuan ka hrethiam thei lo a ni. Lo kal la, ka bulah rawn ṭhu ta che. Isaia hian ama chungchang nge a ziah midang chungchang?” a ti a, a zawt a.
![](https://static.globalrecordings.net/300x200/z44_Ac_08_15.jpg)
Philipan Ethiopia mi hnênah chuan Isaia chuan Isua chungchang a ziak a ni tiin a hrilfiah ta a. A hnena Isua chanchin sawinan Philipa chuan Pathian thu dangte pawh a hmang bawk a.
![](https://static.globalrecordings.net/300x200/z44_Ac_08_20.jpg)
Philipa leh Ethiopia mi chu kawnga an kal lai chuan, tui awmna hmun an lo thleng ta a. Ethiopia mi chuan, “En teh! Sawtah saw tui a awm e! Baptisma ka chang thei ang em?” a ti a. Tin, ani chuan tawlailir khalhtû chu tawlailîr tiding tûrin a hrilh a.
![](https://static.globalrecordings.net/300x200/z44_Ac_08_21.jpg)
Tichuan, tuiah chuan an lut thla a, Philipa Ehiopia mi chu a baptis ta a. Tuia ata an lo chhuah hnu chuan, Thlarau Thianghlimin Philipa chu hmun dangah a la bo ta daih a, chutah chuan mite hnênah Isua chanchin a hril ta zêl a.
![](https://static.globalrecordings.net/300x200/z44_Ac_08_22.jpg)
Ethiopia mi chu a in lam panin a kal ta zel a, Isua a hriat tak avangin a hlim hle a.