unfoldingWord 13 - Israel te hnena Pathian Thuthlung
![unfoldingWord 13 - Israel te hnena Pathian Thuthlung](https://static.globalrecordings.net/300x200/z02_Ex_20_01.jpg)
Kontūras: Exodus 19-34
Scenarijaus numeris: 1213
Kalba: Mizo
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z02_Ex_19_01.jpg)
Pathianin Israel mite Tuipuisen a daikaitîr hnu chuan thlalêr kaltlangin Sinai tlang a hruai thleng a. He tlang hi Mosian thingbuk alh a hmuhna kha a ni. Tlang bulah chuan mipuite chuan an puanin an zâr a.
![](https://static.globalrecordings.net/300x200/z02_Ex_19_10.jpg)
Pathian in Mosia leh mipuite hnenah, “Ka thu in awiha ka thuthlung in pawm chuan, ka tân ro thlan bîk, lal puithiam leh hnam thianghlim in lo ni ang,” a ti a.
![](https://static.globalrecordings.net/300x200/z02_Ex_19_02.jpg)
Ni thum hnuah, mipuite chu thlarau lam thil atana an in buatsaih hnuah chuan, Pathian chu Sinai tlang chip aṭangin khawpui rî te, kawlphe te, meikhu te leh tawtawrawt rî rîng tak nen a rawn chhuk ta a. Nimahsela Mosia chauh lo chu tlang chhoh a remti lova.
![](https://static.globalrecordings.net/300x200/z02_Ex_19_09.jpg)
Tin, Pathian chuan an hnênah thuthlung a pe a, an hnênah “Kei hi Lalpa, in Pathian, Aigupta sal in nihna ata chhanchhuaktu che u ka ni. Pathian dang in be tur a ni lo,” a ti a.
![](https://static.globalrecordings.net/300x200/z02_Ex_19_12.jpg)
“Milem in siam tur a ni lo va, in be tur a ni hek lo, Kei hi Lalpa, Pathian thikthuchhia ka nih avangin. Ka hming a naranin in lam mai mai tûr a ni lo. Chawlhni in serh thianghlim tûr a ni. Ni ruk chhungin hna in thawk tur a ni a, ni sarihni chu in tan chawlhna ni tûr a ni a, min hriatrengna ni tûr a ni.”
![](https://static.globalrecordings.net/300x200/z02_Ex_00_03.jpg)
“I nu leh i pa i chawimawi tûr a ni. Tual i that tûr a ni lo. I uire tûr a ni lo. Ruk i ru tûr a ni lo. Dawt i sawi tûr a ni lo. I ṭhenawmpa nupui emaw a in emaw, a thil neih eng mah i awt tûr a ni lo.”
![](https://static.globalrecordings.net/300x200/z02_Ex_20_02.jpg)
Tin, Pathianin heng thupêk sawmte hi lungphek pahnihah a ziak a, Mosia hnenah a pe ta a. Pathian chuan dân thupêk te leh inthawina dân zawm tur dang tam tak a pe bawk a. Heng dan te hi mipuiten an zawm chuan, Pathianin mal a sawm ang a, a venghim ang a. An zawm loh erawh chuan, Pathianin a hrem dawn a ni
![](https://static.globalrecordings.net/300x200/z02_Ex_27_02.jpg)
Pathian chuan Israelte hnenah chuan biakbûk an sak tûra a duh chu kimchang takin a hriattir bawk a. Chu chu inbiakna puanin tih a ni a, pindan pahnih a awm a, puanzar hlai takin a daidang a. Puanzar hnung lam pindanah chuan Puithiam lalber chauh luh phal a ni, chutah chuan Pathian a awm avangin.
![](https://static.globalrecordings.net/300x200/z02_Ex_29_02.jpg)
Mi tupawhin Pathian dân a bawhchhiat chuan Inbiakna puanin hma lama maicham lamah chuan ran a rawn keng thei ang a. Puithiamin ran chu a lo tihlum ang a, maichamah chuan a hal ang. Ran thisen hlana awm chuan mi sualna chu a khuh ang a, Pathian hmaah chu mi chu a tithianghlim ang. Pathianin Mosia unaupa Arona leh Arona thlahte chu a tâna puithiam ni turin a thlang a.
![](https://static.globalrecordings.net/300x200/z02_Ex_20_01.jpg)
Mipuite chuan Pathian chauh chu chibai bûka, ama thlan bik hnam ni tura Pathianin dân a pek zawng zawng te chu zawm tûrin rem an ti a. Nimahsela, Pathian thu zawm tura an intiam hnu rei lo te ah Israelte chu namen lovin an lo sual ta a.
![](https://static.globalrecordings.net/300x200/z02_Ex_32_01.jpg)
Mosia chu Sinai tlang chhipah chuan ni tam tak Pathian nen an inbia a. Mipuite chuan a lo kîr hun an nghahna lamah an chau zo ta a. Tichuan, Arona hnenah rangkachak an rawn keng a, an tan milim siamsak turin an ngen ta a.
![](https://static.globalrecordings.net/300x200/z02_Ex_32_03.jpg)
Arona chuan rangkachakin sebawngno lem a siam a. Mipuite chuan atthlak takin chu milem chu chibai an bûk a, a hnênah inthawina an hlan ta a. Pathian chu an sualna avang chuan a thinur ta êm êm a, anmahni chu tihboral a tum ta a. Nimahsela, Mosia chu an tân ṭawngṭai a, Pathianin a ṭawngṭaina chu a ngaihthlaksak a, anmahni chu a tiboral ta lova.
![](https://static.globalrecordings.net/300x200/z02_Ex_32_05.jpg)
Mosia chu tlang atanga a rawn chhuk a, milem chu a hmuh chuan, a thin a ûr ta êm êm a. Tichuan, Pathianin Thusawmpek a ziahna lungphekte chu a paih keh ta a.
![](https://static.globalrecordings.net/300x200/z02_Ex_32_06.jpg)
Tin, Mosia chuan milem chu a rawt dip dêrh a, tuiah a phul a, mipuite chu a intîr a. Pathianin mipuite zîngah hri a lentîr a, mi tamtak an thi a.
![](https://static.globalrecordings.net/300x200/z02_Ex_32_04.jpg)
Mosia chuan Thusawmpek ziahna keh ta thlakna tur lungphek thar a siam a. Tin, tlangah chuan a han lawn leh a, Pathian hnênah mipuite chu ngaidam turin a ṭawngṭai a. Pathian chuan Mosia ṭawngṭaina chu a ngaihthlaksak a, anni chu a ngaidam ta a. Mosia chu lungphek thara Thusawmpek inziak nên chuan tlang ata a rawn chhuk a. Tin, Pathianin Israelte chu Sinai tlang atangin Ramtiam lam panin a hruai ta a.