unfoldingWord 24 - Жақияның Исаны шомылдыру рәсімінен өткізуі
![unfoldingWord 24 - Жақияның Исаны шомылдыру рәсімінен өткізуі](https://static.globalrecordings.net/300x200/z40_Mt_03_08.jpg)
Kontūras: Matthew 3; Mark 1; Luke 3; John 1:15-37
Scenarijaus numeris: 1224
Kalba: Kazakh
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z40_Mt_03_01.jpg)
Зәкәрия мен Елізабеттің ұлдары Жақия ер жетіп пайғамбар болды. Ол айдалада шегіртке мен жабайы араның балын жеп, түйе жүнінен жасалған шапанды киіп өмір сүрді.
![](https://static.globalrecordings.net/300x200/z40_Mt_03_02.jpg)
Көптеген адамдар Жақияны тыңдау үшін айдалаға келіп жатты. Ол былай деп уағыз айта бастады: “Теріс жолдан қайтып, Құдай жолына түсіңдер! Құдай Патшалығының жер бетіне орнайтын кезі таяп қалды!”
![](https://static.globalrecordings.net/300x200/z40_Mt_03_03.jpg)
Адамдар Жақияның сөздерін естігенде күнәларын мойындап жатты. Жақия оларды Иордан өзенінде шомылдыру рәсімінен өткізді. Сол рәсімнен өту үшін көптеген діни басшылар да келді, бірақ олар өз күнәларына өкініп, теріс жолдан қайтпады.
![](https://static.globalrecordings.net/300x200/z40_Mt_03_04.jpg)
Жақия діни басшыларға: “Сендер — улы жылансыңдар! Тәубеге келіп, өзгеріңдер. Құдай жақсы жеміс бермейтін әрбір ағашты шауып, отқа тастайды.” — деді. Көбі Жақияны Құдайдан келген пайғамбар деп құрметтеді. Жақия пайғамбарлардың мына сөздерін орындады: “Мен Сенің алдыңда Саған жол дайындайтын Өзімнің хабаршымды жіберемін. Барлық сайлар толып, тау төбелер аласартылсын, бұралаң жолдар түзетілсін, бұлдыр жолдар тегіс болсын” — деді.
![](https://static.globalrecordings.net/300x200/z42_Lk_03_06.jpg)
Кейбір діни басшылар Жақияға: “Сен Мәсіхсің бе?” — деді. Жақия жауап қайтарып: “Мен Мәсіх емеспін, Ол менен кейін келеді. Оның менен құдіретті болғаны соншалық, мен тіпті оның кебісін алып беруге де тұрмаймын.” — деді.
![](https://static.globalrecordings.net/300x200/z43_Jn_01_04.jpg)
Келесі күні шомылдыру рәсімнен өту үшін Иса Жақияға келеді. Жақия Исаны көріп былай дейді: “Қараңдар! Мынау Құдайдың құрбандыққа жіберген тоқтысы. Ол осы әлемнің күнәсін өз мойнына артып, сол үшін жанын қияды”.
![](https://static.globalrecordings.net/300x200/z40_Mt_03_07.jpg)
Кейін Жақия Исаға былай деді: “Сізді осы рәсімнен өткізуге мен лайық тыемеспін. Сіз мені шомылдыру рәсімнен өткізуіңіз керексіз”. Иса былай деп жауап берді: “Жоқ. Сен осы рәсімді өткізуің керек, солай Құдайдың еркі толығымен орындалады”. Иса күнәсіз болса да, Жақия Оны шомылдыру рәсімінен өткізеді.
![](https://static.globalrecordings.net/300x200/z40_Mt_03_08.jpg)
Иса шомылдыру рәсімінен өтіп судан шыққан кезде, Құдайдың Рухы аспаннан көгершін бейнесінде келіп, Исаның үстіне қонды. Дәл сол сәтте Құдай аспаннан: “Бұл Менің ұлым! Ол Менің сүйікті Ұлым және Мен Оған ризамын!” — деді.
![](https://static.globalrecordings.net/300x200/z40_Mt_03_05.jpg)
Құдай осылай болатынын алдын ала Жақияға айтқан еді: “Сен шомылдырған бір Адамның үстіне Киелі Рух қонады. Ол Құдайдың Ұлы болады”. Бұл оқиға Құдайдың жалғыз екенін және Ол үшбірлік екенін көрсетеді. Жақия Исаны шомылдыру рәсімінен өткізген кезде Құдай-Әкенің сөйлегенін естіді, Құдай-Ұлы Исаны, сонымен қатар Құдай-Киелі Рухты көрді.