unfoldingWord 45 - Stiweniuc Piripi kanda
![unfoldingWord 45 - Stiweniuc Piripi kanda](https://static.globalrecordings.net/300x200/z44_Ac_07_02.jpg)
Kontūras: Acts 6-8
Scenarijaus numeris: 1245
Kalba: Gadsup
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z44_Ac_06_07.jpg)
Acnantac mamac kukarayonkin Stiwenin nen tewayo, awokuc wic dukemi wenkin Acyunaumi untikakanimi awokuc indin dukemoni. Stiweni amucna amin yokaruc uwaremi wakuyintinkac yindum pakam wayayuc takenimponi Jisasimpac yindum munkinteno.
![](https://static.globalrecordings.net/300x200/z44_Ac_06_08.jpg)
Stiweni mana nurami Jisasinan tewanini Jiuc yindur iye munkewayo yisienoyo. Anon yiram mandeni mankinkena anonukaci umac wayayuci teno, "Mayauni indewami Mosesinuc Koctin kanda mandaic tiyinkewami!" Mankinkena anonuc Stiwenim pake maro yicnom prisin namac ena Jiuc yicnom waintaukac deni, anon umac wayayuc tiankeno.
![](https://static.globalrecordings.net/300x200/z44_Ac_06_11.jpg)
Yicnom prisi Stiweninkac indaemi, "Pukafi ma teyonuci," Tentimi, Stiweni yeweken amucna anon awokuc andandauc Kocti Abrahaminkake Jisasinkac yerami uyinkakeninuka, Koctinic anasi wanta iye wen awaya awakure yonukan temi. Stiweni temi, "Yindun erarukac waya teyonuc iye awakureci Acyunaumi yifokankaci iken yinafunami Koctinic profetiuci yirewayonic mami. Yeni ewayonuc arurec ikeni mandaic kukameci manda kinke tasasim wainta aromi!"
![](https://static.globalrecordings.net/300x200/z44_Ac_07_02.jpg)
Mam makin Jiuc acnaric ewayouni indire yakankac uyacde wacdeno. Stiwenin difite taunikinke maro mapac deni onacwami awaci areno.
![](https://static.globalrecordings.net/300x200/z44_Ac_07_03.jpg)
Stiweni pukiraremi wacdemi, "Jisasio ten taum marano. "Akontake kumandemi yewekem wacduremi temi, "Iyeno, yenyic numo temi usinkeyon daonyinka," tirem pukemi.
![](https://static.globalrecordings.net/300x200/z44_Ac_07_04.jpg)
Mana pumara Solinen tewayon namaci waya timan erarurami yenyic wacdoyukac antikani Stiwenin onacwan arewano. Amucnaukami Jerusalempac Jisasin awakure wayou kukande yirewayoni dakake ena makusapac wenoyofo, micnewayonan iye indimi Jisasin awaya wewayon kimpac tiyimewano.
![](https://static.globalrecordings.net/300x200/z44_Ac_08_12.jpg)
Piripi Jisasinkin andum munkewani Jerusalempac yirewayomi dakacden Samariac owen Jisasin awaya tiyimewanini amucna iniya wainta tasasim mareno. Koctinic Ensoli mana nuram Piripinan tenimi acmac makafac weyon asapac owen onewanimi Itiopiac anoic ukani karisikin yewanimi, Acyunaum Piripinan tenimi oren wanta namac asemi.
![](https://static.globalrecordings.net/300x200/z44_Ac_08_13.jpg)
Piripi karisi yewanka oremi indenimi Itiopiac wainta profet Aisaya tiranimi yanden temi, "Sipisipikemi ariran awike wami, kapimi naken ayawac iyen tini, mandaic uankare arumam pukeno."
![](https://static.globalrecordings.net/300x200/z44_Ac_08_14.jpg)
Piripi Itiopiac wainta indaemi, "Mi yandeona indec wefonon?" Tenimi, "Iyen omarec indeci indikeyou anufare tisimic indentec umpe. Tacnakac unkumandewa, Aisaya weyaraci tarenafi enuyaraci tandukanafi tinac indeno?"
![](https://static.globalrecordings.net/300x200/z44_Ac_08_15.jpg)
Piripi Itiopiac wainta anufaren tamemi, Aisaya Jisasinan tandukamino. Piripi ena yokinkenawac Jisasinic awokuc waya tamemi.
![](https://static.globalrecordings.net/300x200/z44_Ac_08_20.jpg)
Piripiuc Itiopiac wainta yereke nonuc mantakac yeromi, Itiopiac wainta temi, "Onano! Nomi mantemifo! Amankakac nomi maranuno?" Osim marem wakenim wainta wani timi kamaemi.
![](https://static.globalrecordings.net/300x200/z44_Ac_08_21.jpg)
Afo nompin kundomi, Piripi Itiopiac wainta nom marankemi. Nompinke apac undomi Acyunaumi Piripin yo awiken enafac orami mikake Jisasin awayani tiyimem wewami.
![](https://static.globalrecordings.net/300x200/z44_Ac_08_22.jpg)
Itiopiac wainta yererem wenamapac wemi amoyemi, Jisasin indikeninan.