unfoldingWord 13 - عهد الله مع اسرائيل
![unfoldingWord 13 - عهد الله مع اسرائيل](https://static.globalrecordings.net/300x200/z02_Ex_20_01.jpg)
Kontūras: Exodus 19-34
Scenarijaus numeris: 1213
Kalba: Arabic, Sudanese: Khartoum
Publika: General
Žanras: Bible Stories & Teac
Tikslas: Evangelism; Teaching
Biblijos citata: Paraphrase
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
![](https://static.globalrecordings.net/300x200/z02_Ex_19_01.jpg)
بعد ما الله قاد الاسرائيليين عبر البحر الاحمر ، قادهم فى البرية لجبل اسمه سيناء . ده نفس الجبل الموسى شاف فيه الشجرة المشتعلة . الناس عملوا خيامهم تحت الجبل .
![](https://static.globalrecordings.net/300x200/z02_Ex_19_10.jpg)
قال الله لموسى وكل الشعب الاسرائيلى ، "انتو لازم تطيعونى دائما و تحفظوا العهد العملتو معاكم .لو انتو عملتوا ده. حتكونوا لى ملك خاص، مملكة كهنة و امة مقدسة".
![](https://static.globalrecordings.net/300x200/z02_Ex_19_02.jpg)
لمدة تلاتة ايام الناس جهزوا انفسهم عشان الله يجى قريب منهم . بعد داك الله نزل فوق راس جبل سيناء . لمن هو جاء ، كان فى رعد ، برق ، دخان و اصوات بوق عالية . بعد داك موسى طلع فوق الجبل براه .
![](https://static.globalrecordings.net/300x200/z02_Ex_19_09.jpg)
بعد داك الله عمل عهد مع الشعب. وقال ، "انا يهوه ، الهكم. انا خلصتكم من ان تكونوا عبيد فى مصر . ما تعبدوا اله تانى".
![](https://static.globalrecordings.net/300x200/z02_Ex_19_12.jpg)
ما تعملوا اصنام وما تعبدوها ، لانو انا يهوه لازم اكون الهكم بس . ما تتكلوا باسمى بالباطل .اتاكدوا انو تحفظوا يوم السبت مقدس . بطريقة تانى ، اعملوا كل اشغالكم فى ستة ايام اليوم السابع هو يومكم ترتاحوا و تذكرونى .
![](https://static.globalrecordings.net/300x200/z02_Ex_00_03.jpg)
احترم ابوك وامك . ما تقتل . ما تزنى . ما تسرق . ما تكذب . ما تشتهى مراة قريبك و بيته وكل حاجة فيه .
![](https://static.globalrecordings.net/300x200/z02_Ex_20_02.jpg)
وبعد داك الله كتب الوصايا العشرة على لوحتين من الحجر و اداهم لموسى . الله برضو ادى الشعب ناموس و قوانيين تانية كتيرة عشان يتبعوها . الله وعد انو حيبارك الشعب و يحميهم لو هم طاعوا الناموس ده . لكن قال حيعاقبهم لو ما اطاعه .
![](https://static.globalrecordings.net/300x200/z02_Ex_27_02.jpg)
الله برضو كلم الاسرائيليين عشان يعملوا خيمة واسعة ، خيمة الاجتماع . و كلمهم كيف يعملوا الخيمة دى بالتحديد وياتو حاجات البختوا جواها . و قال ليهم يعملوا ستارة كبيرة عشان تفصل الخيمة الى غرفتين ، و الله حبيجى و يكون فى الغرفة وراء الستارة هناك . كان مسموح بس لرئيس الكهنة يدخل الى الغرفة الفيها الله .
![](https://static.globalrecordings.net/300x200/z02_Ex_29_02.jpg)
كمان الشعب لازم يعملوا مذبحة قدام خمية الاجتماع . اى زول ما اطاع ناموس الله كان لازم يجيب بهيمة فى المذبحة . و بعد داك الكاهن يذبحو و يحرقو على المذبحة كذبيحة لله . الله قال دم البهيمة حيغطى الخطية الزول ده . بالطريقة ده ، الله ما حيشوف الخطية داك تانى . والزول ده بيكون "طاهر" فى عين الله. الله اختار اخو، موسى هارون و نسله عشان يكونوا كهنة ليه .
![](https://static.globalrecordings.net/300x200/z02_Ex_20_01.jpg)
الشعب كلهم اتفقوا يطيعوا القوانيين الكان الله اداه ليهم ، هم اتفقوا عشان يكونوا شعب لله وحده و يعبدوه بس .
![](https://static.globalrecordings.net/300x200/z02_Ex_32_01.jpg)
موسى بقى فى راس جبل سيناء لايام كتيرة ، كان بتكلم مع الله ، لكن الشعب تعبوا من انتظاره عشان يرجعهم ليهم ، و بعد داك جابوا دهب لهارون و سالوه يعمل ليهم صنم عشان يعبدوا بدل من الله . و بالطريقة دى هم اخطاوا شديد ضد الله .
![](https://static.globalrecordings.net/300x200/z02_Ex_32_03.jpg)
هارون عمل صنم من دهب فى شكل عجل ، الشعب بدوا يعبدوا الصنم بطريقة غريبة و قدموا ليه ذبائح ! ، الله كان زعل منهم شديد ، وكان عايز يدمرهم ، لكن موسى طلب من الله ما يدمرهم و الله سمع صلواته وما دمرهم .
![](https://static.globalrecordings.net/300x200/z02_Ex_32_05.jpg)
فى النهاية موسى نزل من جبل سيناء و كان شايل لوحتين من الحجر الكتب فيه الله الوصايا العشرة ، بعد داك هو شاف الصنم و كان زعلان شديد وكسر الالواح .
![](https://static.globalrecordings.net/300x200/z02_Ex_32_06.jpg)
بعد دالك موسى كسر الصنم لدقيق و دفق الدقيق فى الموية و خلى الناس يشرf, . الله رسل وباء ومات منهم كتير .
![](https://static.globalrecordings.net/300x200/z02_Ex_32_04.jpg)
موسى عمل الواح حجرية جديدة للوصايا العشرة و ليبدل بيها الالواح الكان كسرها . بعد داك طلع الجبل تاني و صلى انو الله يغفر لشعب . والله سمع لموسى و غفر ليهم ، موسى نزل من الجبل بالوصايا العشرة فى الواح جديدة . بعد داك الله قاد الاسرائيليين من جبل سيناء تجاه ارض الموعد .