unfoldingWord 10 - Dosta Dangor Digdar
ໂຄງຮ່າງ: Exodus 5-10
ໝາຍເລກສະຄຣິບ: 1210
ພາສາ: Nagamese
ຜູ້ຊົມ: General
ປະເພດ: Bible Stories & Teac
ຈຸດປະສົງ: Evangelism; Teaching
ຄໍາພີໄບເບິນ: Paraphrase
ສະຖານະ: Approved
ສະຄຣິບເປັນຂໍ້ແນະນຳພື້ນຖານສຳລັບການແປ ແລະການບັນທຶກເປັນພາສາອື່ນ. ພວກມັນຄວນຈະຖືກດັດແປງຕາມຄວາມຈໍາເປັນເພື່ອເຮັດໃຫ້ພວກເຂົາເຂົ້າໃຈໄດ້ແລະມີຄວາມກ່ຽວຂ້ອງສໍາລັບແຕ່ລະວັດທະນະທໍາແລະພາສາທີ່ແຕກຕ່າງກັນ. ບາງຂໍ້ກໍານົດແລະແນວຄວາມຄິດທີ່ໃຊ້ອາດຈະຕ້ອງການຄໍາອະທິບາຍເພີ່ມເຕີມຫຼືແມ້ກະທັ້ງຖືກປ່ຽນແທນຫຼືຖືກລະເວັ້ນຫມົດ.
ຂໍ້ຄວາມສະຄຣິບ
Isor pora Moses aru Aaron ke Pharao raja laga mon bisi-tan hobo koidise. Taekhan raja usorte jaise aru koise; "Israel laga Isor koi ase; ‘Ami laga manukhan ke jabole dibi.’ "Hoilebi raja taekhan laga khota namanikene Israeljati manukhan ke arubi bisi tan-tan kamkhan koribole rakhise!
Pharao raja laga mon bisi tan hoise aru tae Israel laga manukhan ke jabole dia nae. Itu nimite Isor pora Egypt desh te dos-ta kisim kisim digdar pathaise. Utu digdarkhan pathaikene Epypt laga isorkhan porabi Isor laga takot kiman dangor ase itu raja ke dikhabole aru bujabole nimite korise.
Isor pora koa nisina, Nile nodite jiman pani asile itu khan sob khun hoijaise. Hoilebi raja pora Israel laga manukhan ke dhurikene rakhise.
Itu pora Isor Egypt laga sob jagate, bengkhan bisi pathaise. Raja pora Moses ke matise aru bengkhan hataidibole nimite Isor ke parthana koridibi koise. Jitia bengkhan sob morise, titia aru raja laga mon bisi tan hoijaise aru tae Israel laga manukhan ke Egypt pora ulabole dia nae.
Arubi Isor pora kamuria-kirakhan pathaise. Pichete, makhikhan bi pathaise. Titia raja pora Moses aru Aaron ke matibole pathaise aru taekhan ke koise utu kirakhan aru makhikhan hataidile, Isreal jati manukhan ke jabole dibo. Jitia Moses parthana korise, Isor tae laga parthana hunise aru sob kirakhan aru makhikhan hatai dise. Hoilebi aru raja tae laga mon ke bisi tan thakise aru Israel laga manukhan ke jabole dia nae.
Itu pichete, Isor pora Egypt-manukhan laga janwarkhan sob bemar hoikene moribo dise. Hoilebi raja laga mon bisi tan thakise aru Israel laga manukhan ke jabole dia nae.
Titia Isor pora Moses ke hath bhorta jui-laga-balukhan loikene raja laga usorte hawate phelaidibi koise. Tae inika kurise, aru Egypt manukhan ke pip-bhorta-ghao ulaise. Isor pora raja laga mon bisi tan koridise aru Israel laga manukhan ke jabole dia nae.
Utu pichete, Isor pora hawa-pani aru borkhon-pathorkhan pathaise aru ghor bahar te thakia manukhan ke marikene moraidise. Titia aru raja pora Moses aru Aaron ke matise aru taekhan ke koise; ‘‘Ami pap korise. Apunikhan jabole paribo.’’ Itu nimite Moses parthana korise aru akash pora dangor borkhon aru pathorkhan giri thakia rukhi-jaise.
Hoilebi raja arubi tae laga mon tan korise aru Israel laga manukhan ke jabole dia nae.
Itu pichete hawa pora locust-kirakhanke anibole dise aru Egypt desh bhorta hoise. Utu locust-kirakhan pora khetite borkhon panipora ji-ji bachise itukhan sob khaikene khotom koridise.
Itu pichete Isor pora andhar pathaise aru tin din tok bahar te ulabole naparikene pura Egypt-te andhar pora bon hoijaise. Hoilebi Israel laga manukhan jun jagate thakise tate ujala asile.
Itu sob hoa pichete bi, raja laga mom bisi tan thakise aru tae Israel laga manukhan ke jabole dia nae. Raja pora kotha namana nimite, Isor pora aru ekta sajai pathaise. Itu pichete rajalaga mon bodoli hobo aru taekhan ke charidibo.