unfoldingWord 11 - ປັດສະຄາ
ໂຄງຮ່າງ: Exodus 11:1-12:32
ໝາຍເລກສະຄຣິບ: 1211
ພາສາ: Lao
ຜູ້ຊົມ: General
ປະເພດ: Bible Stories & Teac
ຈຸດປະສົງ: Evangelism; Teaching
ຄໍາພີໄບເບິນ: Paraphrase
ສະຖານະ: Approved
ສະຄຣິບເປັນຂໍ້ແນະນຳພື້ນຖານສຳລັບການແປ ແລະການບັນທຶກເປັນພາສາອື່ນ. ພວກມັນຄວນຈະຖືກດັດແປງຕາມຄວາມຈໍາເປັນເພື່ອເຮັດໃຫ້ພວກເຂົາເຂົ້າໃຈໄດ້ແລະມີຄວາມກ່ຽວຂ້ອງສໍາລັບແຕ່ລະວັດທະນະທໍາແລະພາສາທີ່ແຕກຕ່າງກັນ. ບາງຂໍ້ກໍານົດແລະແນວຄວາມຄິດທີ່ໃຊ້ອາດຈະຕ້ອງການຄໍາອະທິບາຍເພີ່ມເຕີມຫຼືແມ້ກະທັ້ງຖືກປ່ຽນແທນຫຼືຖືກລະເວັ້ນຫມົດ.
ຂໍ້ຄວາມສະຄຣິບ
ພຣະເຈົ້າໄດ້ເຕືອນກະສັດຟາໂລວ່າ: ຖ້າເຈົ້າບໍ່ປ່ອຍຊາວອິດສະລາເອນໄປ. ພຣະອົງກໍຈະຂ້າລູກຊາຍກົກທັງໝົດຂອງຄົນ ແລະ ສັດ. ເມື່ອກະສັດຟາໂລໄດ້ຍິນສິ່ງນີ້ ເພີ່ນຍັງຄົງບໍ່ເຊື່ອຟັງພຣະເຈົ້າ.
ພຣະເຈົ້າຊົງໄດ້ຈັດຕຽມທາງເພື່ອຊ່ວຍລູກຊາຍກົກທຸກຄົນທີ່ຕິດຕາມພຣະອົງ ແລະ ແຕ່ລະຄອບຄົວກໍໄດ້ຈັດເລືອກເອົາແກະໂຕທີ່ສົມບູນທີ່ສຸດມາແລ້ວກໍຂ້າ.
ພຣະເຈົ້າຊົງບອກໃຫ້ຊາວອິດສະລາເອນເອົາເລືອດແກະທາໃສ່ອ້ອມຂອບປະຕູເຮືອນຂອງເຂົາ ແລະ ປີ້ງຊີ້ນກີນຢ່າງໄວ. ພ້ອມກັບກີນເຂົ້າຈີ່ທີ່ບໍ່ມີເຊື້ອແປ້ງ. ພຣະອົງຍັງຊົງບອກອີກວ່າໃຫ້ກຽມພ້ອມທີ່ຈະອອກຈາກເອຢິບເມື່ອກີນແລ້ວ.
ປະຊາຊົນອິດສະລາເອນໄດ້ປະຕິບັດຕາມທຸກສິ່ງທີ່ພຣະເຈົ້ານັ້ນຊົງໄດ້ສັ່ງໄວ້ໃຫ້ພວກເຂົາເຮັດ. ໃນທ່ຽງຄືນນັ້ນ ພຣະເຈົ້າໄດ້ຊົງຂ້າລູກຊາຍກົກທັງໝົດຂອງຊາວເອຢິບ.
ເຮືອນທຸກຫຼັງຂອງປະຊາຊົນອິດສະລາເອນທີ່ມີເລືອດທາອ້ອມຂອບປະຕູ ພຣະເຈົ້າຊົງໄດ້ຜ່ານເຮືອນຫຼັງນັ້ນໄປທຸກຄົນທີ່ຢູ່ໃນພວກເຂົາກໍປອດໄພ. ພວກເຂົາໄດ້ຮັບການປົກປ້ອງເພາະວ່າພວກເຂົາມີເລືອດແກະ.
ແຕ່ວ່າປະຊາຊົນເອຢິບນັ້ນບໍ່ໄດ້ຟັງ ຫຼື ເຮັດຕາມພຣະເຈົ້າສັ່ງ. ດັ່ງນັ້ນພຣະເຈົ້າຈຶ່ງບໍ່ຜ່ານເຮືອນພວກເຂົາ. ພຣະເຈົ້າໄດ້ຂ້າລູກຊາຍກົກທຸກຄົນຂອງຊາວເອຢິບ.
ລູກຊາຍກົກຂອງຊາວເອຢິບທຸກໆຄົນນັ້ນໄດ້ຕາຍ, ເລີ່ມຈາກລູກຊາຍກົກຂອງນັກໂທດໃນຄຸກ, ຈົນເຖິງລູກຊາຍກົກຂອງກະສັດຟາໂລ. ທຸກຄົນໃນເອຢິບຕ່າງກໍພາກັນຮ້ອງໄຫ້ຄວນຄາງເພາະພວກເຂົາໂສກເສົ້າຫຼາຍ.
ໃນຄືນນັ້ນ, ກະສັດຟາໂລໄດ້ເອີ້ນເອົາໂມເຊ ແລະ ອາໂລນ ແລະ ໄດ້ເວົ້າວ່າ: “ໃຫ້ເອົາຊາວອິດສະລາເອນ ແລະ ນຳອອກຈາກເອຢິບໂດຍທັນທີ !” ປະຊາຊົນເອຢິບກໍຮີບເລັ່ງຊາວອິດສະລາເອນໃຫ້ອອກຈາກເອຢິບໂດຍທັນທີ.