unfoldingWord 41 - Yesuusa Hayqoppe Dendduwa
![unfoldingWord 41 - Yesuusa Hayqoppe Dendduwa](https://static.globalrecordings.net/300x200/z40_Mt_28_04.jpg)
ໂຄງຮ່າງ: Matthew 27:62-28:15; Mark 16:1-11; Luke 24:1-12; John 20:1-18
ໝາຍເລກສະຄຣິບ: 1241
ພາສາ: Gofa
ຜູ້ຊົມ: General
ປະເພດ: Bible Stories & Teac
ຈຸດປະສົງ: Evangelism; Teaching
ຄໍາພີໄບເບິນ: Paraphrase
ສະຖານະ: Approved
ສະຄຣິບເປັນຂໍ້ແນະນຳພື້ນຖານສຳລັບການແປ ແລະການບັນທຶກເປັນພາສາອື່ນ. ພວກມັນຄວນຈະຖືກດັດແປງຕາມຄວາມຈໍາເປັນເພື່ອເຮັດໃຫ້ພວກເຂົາເຂົ້າໃຈໄດ້ແລະມີຄວາມກ່ຽວຂ້ອງສໍາລັບແຕ່ລະວັດທະນະທໍາແລະພາສາທີ່ແຕກຕ່າງກັນ. ບາງຂໍ້ກໍານົດແລະແນວຄວາມຄິດທີ່ໃຊ້ອາດຈະຕ້ອງການຄໍາອະທິບາຍເພີ່ມເຕີມຫຼືແມ້ກະທັ້ງຖືກປ່ຽນແທນຫຼືຖືກລະເວັ້ນຫມົດ.
ຂໍ້ຄວາມສະຄຣິບ
![](https://static.globalrecordings.net/300x200/z40_Mt_27_21.jpg)
Wotaaddareti Yesuusa kaqqidaappe guye, ammanonna Ayhude halaqati Philaaxoosakko yidi, “Ha worddanchoy, Yesuusi, ‘Taani heedzu gallasappe guye, hayqoppe denddana’ yaagis. Iya tamaareti iya ahaa kaysotonna melanne I hayqoppe denddis goonna mela, I moogettida duufuwa minthidi naagana mela kiittarkii” yaagidosona.
![](https://static.globalrecordings.net/300x200/z40_Mt_27_22.jpg)
Philaaxoosi zaaridi, “Wotaaddareti de7oosona gidokkona? Hinttew dandda7etida mela naagisite” yaagis. Hessa gisho, entti bidi duufoy boshettonna mela shuchaa bolla maatame wothidi wotaaddaretan naagisidosona.
![](https://static.globalrecordings.net/300x200/z40_Mt_28_01.jpg)
Yesuusi kaqetida gallasaappe kaalliya gallasay sambbaata gallas. He gallas Ayhudeti duufo bookkona. Hessa gisho, sambbaati aadhin, kaalliya gallas wontta guura daro maccasati Yesuusa ahaa shitto tiyanaw I moogetida duufuwa bidosona.
![](https://static.globalrecordings.net/300x200/z40_Mt_28_02.jpg)
Qopponna wolqqaama biitta qaaxoy hanis. Wol7anthada phooliya kiitanchchoy saloppe wodhdhidi, duufuwa doonan de7iya shuchaa gonddorssidi iya bolla uttis. Duufuwa naagiya wotaaddareti dagammidi, hayqqida asada biittan kunddidosona.
![](https://static.globalrecordings.net/300x200/z40_Mt_28_04.jpg)
Macasati duufuwa gakkida wode kiitanchoy, “Babbofite, Yesuusi hayssan deenna. I kase ‘Taani hayqoppe denddana’ gidi odidaysada hayqoppe denddis. Haa yidi, iya duufuwa be7ite” yaagis. Macasati duufuwa giddo gelidi, iya ahaa wothida bessaa be7idosona. Iya ahay yan baawa.
![](https://static.globalrecordings.net/300x200/z40_Mt_28_05.jpg)
Kiitanchoy macasatakko, “Hintte bidi, ‘Yesuusi hayqoppe denddis. Hinttefe sinthatidi Galiila baana; hintte iya yan be7ana’ yaagidi odite” yaagis.
![](https://static.globalrecordings.net/300x200/z40_Mt_28_06.jpg)
Maccasati, yayyishenne daro ufayttishe, ha mishiraachuwa iya tamaaretas odanaw woxxidosona.
![](https://static.globalrecordings.net/300x200/z42_Lk_24_07.jpg)
Maccasati ha mishiraachuwa odanaw buussa bolla de7ishin, qopponna Yesuusi enttara gahettin, entti iya goynnidosona. He wode Yesuusi, “Yayyofite; bidi, ta tamaareti Galiila baana mela enttaw odite; entti yan tana be7ana” yaagidi enttaw odis.