Maganday Balita

Maganday Balita

개요: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.

스크립트 번호: 395

언어: Zambal, Cabangan

주제: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)

청중: General

스타일: Monolog

장르: Bible Stories & Teac

목적: Evangelism

성경 인용: Extensive

지위: Publishable

스크립트 텍스트

Paonan halita

Paonan halita

Komosta kawo! Hayti ya malinge moyo ay amo bongat ha maw-maalaga ya haw halita na ya malinge moyo. Helken moyo ya litrato boy leng-en. Mintras anha litaen ko bayte ya mahampat ya balita. No malenge moyo bayti ya tonoy (sound) ay oras ana emen helken ya homonoy litrato. Maari mon pategenen maski an yay oras ta emen ihipen mo ya bawbagay ya malinge mo. Mag-ompisa ka ha onay litrato.

Onan Litrato: Hay Pinangibatan

Onan Litrato: Hay Pinangibatan

Hinisis 1:1-5; Kanta 90:2

Hin onan panaon, diyos bongat ya antihen. Pinalsa nin diyos ya langit boy lota. Hay babon lota ay ayin itsura, kaya ginawa nin diyos ya mondo boy minandawan nay hilag ya maghilag. Ginawa nay allo, bowan boy bawbitoen. Hay diyos ay mahampat, boy pinaalagaan nay kaganawan.

Pangalway Litrato: Hay Halita Nin Diyos

Pangalway Litrato: Hay Halita Nin Diyos

Isaya 45:18-19; Hibriyo 4:12; Kanta 19:7-10

Hay libro bayri ha litrato ay bibliya. Hayti ay halita nin diyos ya ampangihalita kontamo tongkol ha diyos boy kawkaparaanan na. Anlabiyen nin diyos ya kaganawan tawo. Hay labay kon halitaen komoyo ay ibat ha bibliya.

Pangatlon Litrato: Pamalsa

Pangatlon Litrato: Pamalsa

Hinisis 1:1-25

Pinalsa nin diyos ya kaganawan. Wana, “magkamain hay inilgo na ay nangyari. Ginawa nay kalawakan. Ginawa nay dagat. Nag ilgo ya, hay lota ay nagawa. Bayo pinalsa na ya kaganawan ankabiyay: kawkona ha lanom, manok-manok ha kalawakan, boy kaganawan aw-ayop. Ha ombayri ya pawpara-an pinalsa nin diyos ya kaganawan. Nahiglawan ya diyos ha kaganawan ginawa na. Kaganawan ginawa nin diyos ay mahampat.

Pang-Apat Ya Litrato:Adan Boy Eba

Pang-Apat Ya Litrato:Adan Boy Eba

Hinisis 1:26-31, 2:7 - 3:24

Pinalsa nin diyos ya onan lalaki boy onan babayi. Iningat na hilan adan boy eba. Binyan na hilan kapangyarihan nin mamaala ha kaganawan bagay ya ginawa na. Binyan hila nin diyos ya maganday hardin ya pag-iriyan la. Bayro hay diyos ay kalamola ha pamowako la boy ampakiilgo konla. Hila ay amigo nin diyos. Pinayagan hila nin diyos nin mangan nin kaganawan bongan kayo ha lale nin hardin. Main mihay bongan kayo ya agla maari kanen. Mihay kaaway ya ngalan nay satanas ya nako konla ha hardin. Nanggawa yan kaparanan tae men hi adan boy eba ay ahe homonol ha diyos. Kinan la ya an-iawa a bonga. Nakapagkasalanan hila ha diyos boy nahira ya pamiamigo la ha diyos. Pinaali hi adan boy eba ha maganday hardin. Paibat hin hatoy panaon, kaganawan tawo ay nakapagkasalanan boy na ihiyay yana ha diyos. Kaya bay ampakadanas tamon hawhakit boy kamatiyan.

Panlimay Litrato: Kain Boy Abil

Panlimay Litrato: Kain Boy Abil

Hinisis 4:1-16; Roma 3:23

Hilay adan boy eba ay main loway anak ya lalaki. Hay ngalan la ay kain boy abil. Angkapahigla ni abel ya diyos piro hi kain ay ahe. Hi kain ay nagkamain hakit nakem koy abel, kaya mihay allo ay pinati naya. Pinarosawan nin diyos hi kain ha panggawa na nin malaet ya gawa. Hay diyos ay ampamahang no hay mihay tawo ay ampakagawa nin kasalanan. Labay nin diyos ya magkamain nin maiget ya pamakilamo ha tawo piro hay kasalanan ya namihiyay nin balang miha ha diyos.

Pang-Anem Ya Litrato: Hay Barko Ni Noi

Pang-Anem Ya Litrato: Hay Barko Ni Noi

Hinisis 6:1-22; 2 Pidro 3:9

Lake ya inapopo ya nagdaan, hilay adan boy eba ay malake ya nag-in aw-anak. Kaganawan ha baytoy tawtawo ay nagkasalanan boy ahe hinomonol ha diyos. Hay kalaetan nin tawtawo ay kinomalat kaya naihip nin diyos ya hiraen na hila ha pamamagitan nin malhay ya lanab. Main bongat mihay tawo ya ampanlabi boy anhomonol ha diyos. Hay ngalan na ay noi. Hinalita nin diyos koy noi ya manggawa ya nin malhay ya barko ta emen malibri hila ha lanab. Makara a taon ya panggawa na nin barko. Mintras ampanggawa yan barko, anbabalaan nay tawtawo ha pamarusa nin diyos boy ha panlomateng nin lanab. Piro hay tawtawo ay ahi mapaniwala ha bawbabala ni noi boy aglalabay alihan ya mawmalaet ya gawa.

Pampitoy Litrato: Hay Lanab

Pampitoy Litrato: Hay Lanab

Hinisis 7:1-24

Nangtan ya diyos nin maniihay klasin ayop koy noi, gintan na itaman ha lale nin barko. Hi noi boy ahawa na, hay tatloy anak nay lawlalaki boy aw-ahawa la ay pinomahok ana ha barko. Waloy tawtawo bongat ya anti ha barko kalamoy aw-ayop. Inhara ana nin diyos ya polta. Pangayari nin pitoy allo, pinaoran ana nin diyos nin makhaw boy nagkamain ana lanum ya ibat ha lale lota. Ha loob nin apatapo ya allo, pinalanab nin diyos ya babon lota. Hoyot ana para ha tawtawoy anti a lowahan barko tae men malibri. Nalime hila kaganawan. Hi noi boy pamilya na bongat ya nalibri bana ta hila ya naniwala boy hinomonol ha diyos.

Pangwaloy Litrato: Hi Abraham, Sara Boy Isaak

Pangwaloy Litrato: Hi Abraham, Sara Boy Isaak

Hinisis 9:18-19, 17:1-8, 21:1-7; Matiyo 1:1-16

Pangayari nin makara ya panaon, hay pawpotot ni noi ay nag-in malake a tribo. Hi abraham ay miha ya ibat ha lahi na. Hiya ya tawo ya nanlabi boy hinomonol ha diyos. Impangako nin diyos koni abraham boy ha homonol lahi na ya mag-in hilan malhay ya nasyon. Hi abraham boy ahawa na ay ahe nagkaanak, piro ampaniwala hila ha pangako nin diyos. Main aw-anak hi abraham ha kanayon ya babayi. Miha do ha aw-anak na ay hi ismail. Nag-in yan tatay nin araboy nasyon. Hin tinomoa hi abraham boy sara ay nagkamain hilananak ya lalaki ya impangako nin diyos. Iningat lan isaak. Impangako nin diyos ya pagpalaen na ya kaganawan tawo bana koy isaak boy doha homonol ya lahi.

Pansiyam Ya Litrato: Hi Mosis Boy Layi Nin Diyos

Pansiyam Ya Litrato: Hi Mosis Boy Layi Nin Diyos

Eksodo 19:1-25, 34:27-32

Hay inapopo ni isaak ay nag-in malhay ya nasyon ya iningat israil. Hi mosis ay miha ha inapopo ni isaak. Ampaniwala boy an homonol ya ha diyos. Iningat nin diyos hi mosis ha bakil ta kinailgo naya. Inggawa na koy mosis ya layi ta ipangaral ha tawtawo. Inomaypa hi mosis ibat ha bakil ya gitan na ya layi nin diyos ya nakahulat ha bato. Labay nin diyos ya hay balang miha ay homonol ha layi na.

Panmapo Ya Litrato: Hay Mapo Ya Katoroan

Panmapo Ya Litrato: Hay Mapo Ya Katoroan

Eksodo 20:1-17

Hay layi ya inggawa nin diyos koni mosis ay mawmahampat. Balang miha ya anhomonol ha layi ay ampakatanggap nin kainumayan. Habayti ya layi nin diyos. Labyen, hambawen boy honolen tamo ya mimihay peteg ya diyos. Ahe manggawa nin ribolto boy hambawen hila. Ahe gamitin ya ngalan nin diyos ha ayen panggalang. Inggawa ya mihay allo balang linggo ya painawa boy paghamba ha diyos. Hay aw-anak ay dapat homonol boy igalang lay mawmatontawo la. Ahe mamati. Ahe makiahawa ha alwan ahawa. Ahe mamongkok boy manlokon kanayon. Ahe manakaw boy maghangad nin bawbagay ya ikon kanayon o alwa mon ikon.

Panlabinmihay Litrato: Sakripisyo Para Ha Kasalanan

Panlabinmihay Litrato: Sakripisyo Para Ha Kasalanan

Libitico 4:27-35; Howan 1:29

Hin panaon ni mosis hin hinira nintawo ya layi nin diyos, kailangan yan mangialay nin mihay topa ha diyos. Hay topa ay nati bilang kahagili nin mihay ampanira nin layi. Hayti ay ampama-ihip ha tawtawo ya mali ya manggawa kasalanan ha diyos ha panira nin layi na. Hay topa ay
Inhalimbawa koy hisos. Intoro na ya main lomateng ya mas malhay ya mangisakripisyo. Pinlano nin diyos ya inhogo nay anak na ya hi hisos ha babon lota bilang sakripisyo.

Panlabinloway Litrato: Hay Mangilibri Ya Impangako

Panlabinloway Litrato: Hay Mangilibri Ya Impangako

Lokas 1:26-38; Matiyo 1:18-25

Main nan kaboyotan panaon, hay anghel ha langit ay inhogo ta emen katagpoen ya mihay dalaga ya hay ngalan ay mariya. Hay mariya ay naipagkasundo nin pakahal ha lalaki ya nagngalan hosi. Hinalita nin anghel koy mariya. “nakaharak kan kainumayan ha diyos, manganak kan mihay anak ya lalaki hay ipatangalan mo ay hisos”. Hinalita ni mariya, “ayriemen mangyari bayti ya hiko ay dalaga it? Inhalita nin anghil koy mariya, “hay banal ya ispirito ay makokomo. Emen mihay banal ya maianak ay ingaten anak nin diyos.” Hay anghel ay napakit koy hose ha pamagitan taynep. Hinalita nin anghel, “hose agka magkalimuan nin mapag ahawa hi mariya ta hay boktot na ay ebat ha banal ya ispirito. Hiya ay mangianak nin mihay anak ya lalaki ya pangalanan mon hisos. Hay labay totolen nin hisos ay tagapagligtas. Kingwa ni hose he mariya bilang ahawa na noag agnaya kinalalay anggan hin nae anak ya kolaw.

Panlabintatloy Litrato: Pagkapanganak Koy Hisos

Panlabintatloy Litrato: Pagkapanganak Koy Hisos

Lokas 2:1-20

Hin panaon ninhati minandawan nin ari ya kagananan taw-tawo ay magbira hila ha logal ya ibatan la emen mairihistro ha logal nin pawpapola. Hi mariya boy hose ay naglako ha banwan bitlihim, panlomateng ha logal, ay ayin mapangatoloyan no aluan ha mihay pangalagaan aw ayop ta ayin hilaynan mapagidyanan. Ha panaon ya habain kabuanan nin mariya nin manganak. Habayton yabi ay in-anak hi hisos. Ha yabi ya hato ay napakit ya anghel ha pawpastol ya ampipagpuyat ha pamantay nin aw-ayop la, doha paliyan ya aluan kadayuan. Huanan anghil “pinantan katamon maganday balita ya para ha kaganawan taw-tawo. Hapaeg ay naianak yana ya tagapagligtas ya inggawa komoyo. Hiya ay he kristo ya panginoon!” Ahe naboyot ay napakit ya aw-anghel ya ampipamori ibat ha langit, ya ampipagkanta boy amporien lay diyos. Hay pawpastol ay nitototol. “mako tamo ha bitlihim ta hilken tamoy maganday pangyayari. Hin nakitan la he hisos, ay imbalita nin balang miha ya nalenge la patongkol kona. Hay balang nakalenge ay nag-ispanta.

Ika Mapo Boy Apat Ya Litrato: Hi Hisos Ay Manoro

Ika Mapo Boy Apat Ya Litrato: Hi Hisos Ay Manoro

Makitan Ha Lucas 2:41-45; Markos 6:34

Hi hisos ay himonlay ha bali ni mariya boy hose. Hin edad yan lobinloway taon gintaniya ni mariya boy hose ha hirosalim. An ibalita nay tongkol ha diyos ha maw-manonoro boy ampi-pamono ha taw-tawo. Nilenge na hila boy nagpastang ya konla. Hila ay hinomanga ha pagkatanda na tongkol ha diyos. Hin he hisos ay edad tatlompo a taon ay inompisawan nan ipangaral ha taw-tawo tongkol ha diyos. Lake ani paniwala ha pangangaral na boy hino mono kona. Piro lake ha tawo agla labay maniwala boy anhomowale kona.

Ika Mapo Boy Lima Ya Litrato: Milagro Ni Hisos

Ika Mapo Boy Lima Ya Litrato: Milagro Ni Hisos

Makitan Ha Markos 8:22-26, 5:35-43, 6:45-52

Hi hisos main kapangyarihan ya naibat ha diyos. Lake akapaispantay anga-wen na. An gomaling mga main haw-hakit. Bowag ya tawo ampakakit. Ang kailgowen nay taw-tawoy angkikati ang pagbira oman ya biyay la. An pategenen nay bagyo boy na ko ya ha babon lanom, hin nakitan nin taw-tawo ya ginawa nay kapaispenta ay naniwala hilan hiya ay naibat ha diyos. Hila ay hino manga kona ha ginawa na.kaya wanla, hi hisos ay main-kapangyarihan tolongan na tamo.

Ikamapo Boy Anim Ya Litrato: Pag-Iirap Ni Hisos

Ikamapo Boy Anim Ya Litrato: Pag-Iirap Ni Hisos

Makitan Ha Mateo 27:11-31

Lake akapaispantay ginawa ni hisos, lake a taw-tawo’y hinomono kona, lake a taw-tawo na tolongan boy tinoroan na ha kalabayan diyos. Hi hisos ay impakit nay panlalabi nin diyos boy imbira nay tawo ha diyos. Piro laki a relihiyosoy ampi-pamono ya nin kainget koni apo hisos hay poho la ay pinakat ya, aghila naniwala ya hiya ay ibat ha diyos. Agla maamin ya pagkakamali la ha hila nin diyos ya hila ay makahalanan. Hay law-lider la ay imbalita lan hi hisos ay mabonkok kaya dinakop la ya. Hay hondalo ay binarog la he hisos. Binyan lan koronay dowe bayo inonsolto laya. Tandaan tamo. Hi hisos ay anak nin diyos. Main yan kapangyarihan nin hiraen ya taw-tawo piro agna ginawa, tanda na ya hati ay plano nin diyos.

Ika Labimpito Ya Litrato: Hi Hisos Ay Naipako

Ika Labimpito Ya Litrato: Hi Hisos Ay Naipako

Makitan Ha Markos 15:22-39; 1 Pedro 2:21-24

Hay haw-hundalo ay impako la hi apo hisos ha ginawa lay koroh ha kayo. Impako laya bayro anggan hin hiya ay nati. Hin habayto ya panaon ombayro ya kaogalian la no ayri emen patyen ya ampi-pagkahalanan nin mabyat, lowa ya tawo ya o makahalanan ya impako la ha dani ni apo hisos ati ha gitna hi apo hisos. Piro hi apo hisos alwan makahalanan. Agya nanggawa nin kalaetan. Gintan ni apo hisos ya kaganawan pamairap ya dapat hitamo ay parusawan. Kaganawan tamo ay nagkahalanan dapat tamon mati ha sarili tamon kahalanan. Hi apo hisos ay nagsakripisyo ta emen mabayaran ya kahalanan nin kaganawan tawo. No ibalita tamo ya hitamo ay makahalanan boy agtamoy na gaw-en ya kaw-kalaetan, hi apo diyos ay patawaren na tamo, maniwala ka koni apo hisos kristo ta emen maligtas ka.

Ika Labin Walo Ya Litrato: Pag-Kabiya’y Oman

Ika Labin Walo Ya Litrato: Pag-Kabiya’y Oman

Makitan Ha Lokas 23:50 - 24:9

Ya kaw-kaaway ni apo hisos ay nag-ihip nin natalo ya’y na piro agla matalo hi apo hisos! Hin nati hi apo hisos kinwa nin amigo na ya nawini na tagintan na ha lalekowiba. Ya poltan kowiba ay hinar-an lan malhay ya bato. Nalabah ay laway allo, ha ikatlon allo, hi apo hisos ay nabiyay oman. Ya kanayon ya baw-babaye ay naglako do ha kowiba te emen gaw-en la ya kaogalian lan pananabon. Nakit la ya malhay ya bato ay naalih yana ha poltan kowiba, aglay na nakit ya nawini ni apo hisos. Mintras ampag-ihep hila biglanin napakit ya mihay anghel ya nangibalita konla hi apo hisos ay nagbiyay. Hinalita la’y a-ayen ya bayri, hiya ay nabiyay yana”; “awo, hi hisos ay nibangon nana nabiyay ya’y na! Impakit na ya hiya ay peteg ya diyos. Hi hisos ay biyay ya hapaeg nadaeg nayna’y diyablo boy kamatiyan an anggawan.

Ika Labin Siyam Ya Litrato: Hi Tomas Ay Naniwala

Ika Labin Siyam Ya Litrato: Hi Tomas Ay Naniwala

Makitan Ha Howan 20:19-31

Pangaray nabiyay hi apo hisos hin hiya’y nati; nagpakit ya ha taw-tagahonol na. Hiya ay nakilamo konla boy naki lamon nangan. Main mihay disipolo agya nakalamo ya ngalan ay tomas. Kaya-bay agya ampaniwala ya hi apo hisos ay nabiyay oman. Hinalita na “agko ampaniwala no agko makit ya bakas nin pako ha gamet na, boy agko maontawilan, agko ampaniwala”. Nalabah ya mihay linggo, hi apo hisos ay nagpakit oman ha panaon nin habayto ay kalamo la hi tomas. Angkakit di ha litrato. Hi tomas ay nanalimokod ha arapan ni apo hisos, hinalita na, “panginoon ko boy diyos ko!” Hi tomas ay agya’y na ampag-alinlangan. Hinalita ni apo hisos, “naniwala ka ta nakit moko. Piro mas mahampat ya taw-tawo ahe nakakit kongko ya hila ay ampaniwala.

Ika Lowampo Ya Litrato: Paglako Na Ha Langit

Ika Lowampo Ya Litrato: Paglako Na Ha Langit

Makitan Ha Gawa 1:1-11

Pangaray nabiya’y oman hi apo hisos, in hiya'y nati nagpakit ha malake ya tawo. Hin nakitla hi apo hisos napaptegan la ya hiya ay nabiyay oman. Nayari ya apatapo ya allo, hi apo hisos ay nagbira ya’y na ha langit. Nayari nay na ya gaw-gawa ya impagawa kona. Hinalita ni apo hisos, “mako kawo ta gaw-en moyon taga honol ko do ha kaganawan ya hasyon. Itoro moyo kanla ya na kaganawan intoro ko komoyo.” Mintras an helken la hi apo hisos, hi apo hisos ay nagpatag-ay ibat ha luta. Hiya ay naanam ha hilik la ha pangyayari. Main loway anghil ya nagpakit konla ya naghalita no ayri emen moyo nakitan hi apo hisos ya nagpatag-ay ay ombaryo et bongat ya, makit moyo kona ha pagbira nan oman. Hi apo hisos ay anti ya’y na ha langit. Hiya hapaeg ay ampanghanda nin logal ya pairiyan nin ampipanhomonol kona. Maniwala kawo koni apo hisos boy homonol kona, nakahanda kawo wari no hiya ay magbiran oman.

Ika Luwampo Boy Mihay Litrato: Ayin Na Hi Apo Hisos Ha Koroh

Ika Luwampo Boy Mihay Litrato: Ayin Na Hi Apo Hisos Ha Koroh

Onan Pidro Tatlo Labin Walo, Galasya Lowa Lowampo

Inta man nati hi apo hisos ha koroh? Hi hisos ay nati ha emen hay maw-makahalanan ay magkamain kalibriyan ha kahalanan. Hay koroh ay an ipaihip na ya hi apo hisos ay nati emen mangalih kahalanan ya namihiya’y kontamo ha diyos. Hi apo hisos ay banal a-an kahalanan, bobogtong ya anak nin diyos, hiya’y nag-malasakit para konta mo, no maniwala tamo kay apo hisos boy liwa wan anay kaw-kahalanan, hay diyos ay patawaren na tamo, hi apo hisos ay ginawa na tamon anak diyos. Hay homonoy litrato ay katolong moyo emen maintindiyan, no anyay labay makit ha pan homonol koy apo hisos.

Ika Luwampo Boy Luwa Ha Litrato: Hay Loway Dah-An

Ika Luwampo Boy Luwa Ha Litrato: Hay Loway Dah-An

Matiyo Pito Labin Tatlo Anggan Labin Apat, Howan Tatlo Labin Anem, Onan Howan Mi

Hi apo hisos ay intoro nay dah-an boy biya’y ya ayin angawan, balang miha kontamo ay ebat ha napakalawang ya dah-an nin kahalanan nan habain ya minana tamo koy adan. Hatoy makpit ta dah-an ay manga-kay konta mo ha biga’y ya ayin angawan ha langit. Wani apo hisos dapat tamon mako ha makpit a dah-an. Makitan tamo ya litrato ha koroh ya nakaireng ha polta nin makpit ya dah-an, makapalako tamo ha makapit ya dah-an no maghihi tamo ha kawkahalanan boy paniwalaan hi apo hisos ay nati ya koroh para kontamo. Malaki a tawtawoy aglalabay mag-alo ha kahalanan, hay dah-an mako ha langit ay maka kipit para konla, labay labay lan honowin ha malawang ya dah-an nin kahalanan. Hika anyay dah-an na honowin mo? Anta agka makiilgo ha diyos hapaeg? Ibalita mo kona, panginoon hika’y makapangyarihan boy banal, an ihoko koy kaw-kahalanan, an balayin koy hi apo hisos ay nati ha koroh emen mangali kaparusawan ko ha kaw-kahalanan ko. Patawarin mo ko ha kahalanan ko, gawin mokon mihay anak mo, labay kon honalin ya hi apo hisos. Ta makalamo hi apo hisos ha langit no mati ko, lake a salamat apo hisos.

Ika-Lowampo Boy Tatlo Litrato: Aw-Anak Nin Diyos

Ika-Lowampo Boy Tatlo Litrato: Aw-Anak Nin Diyos

Howan Anem Tatlompo Boy Pito Anggan Apatnapo, Labin Apat Anem, Pangihawang Pito

Ha litratoy hati ay makitan hi apo hisos anpangkaraniyen nay taw-tawo, maski anya’y tribo nasyon boy anyaman klasin halita la. Hila ay naniwala konla hila ay nagin anak nin diyos, hila ay antina ha makpit ta dah-an ya hay tongo ay langit, hay aw-anak nin diyos emen hilay malhay ya pamilya. Mayaman, mairap, maputi o mangitit, bawbabayi, lalaki boy aw-anak hila ay nagkamiha koy apo hisos.

Ika-Lowampo Boy Apat Ha Litrato: Mai-Anak Oman

Ika-Lowampo Boy Apat Ha Litrato: Mai-Anak Oman

Howan Tatlo Miha Anggan Labin Walo, Tito Tatlo Apat Anggan Pito, Boy Onan Pedro

Hin ati et di ha babon luta hi apo hisos ay main mihay anggalangen nin mangituro nin rilihiyon hay ngalan na ay hi nekodimo. Nako ya kay apo hisos ha dis oras nin yabi nagpastang koni apo hisos. Ta namastang ya. Hi apo hisos ay tinumbay napaka-alaga hay biya'y, imbalita nay, hino man malabay maging kapamilya nin diyos? Ay kailangan ea-nak oman. Anti tamo ha pamilya nin matontawo tamo ta in-anak tamo ha kalagayan tamo. No homoko tamo ha pamilya nin diyos, ay kailangan mon ea-anak oman, hay onan kapanganakan ay ha laman, hay ikalwa ay ispiritual ya kapanganakan, hay banal nin ispirito nin diyos ay ampambin biya'y, hati ay biya'y ni hisos ay homono tamo kona hitamo ay magkamain nin bayo'y pagkatawo, “tawon diyos”.

Ika-Lowampo Boy Lima Ha Litrato: Hay Banal Ya Ispirito Kilamo

Ika-Lowampo Boy Lima Ha Litrato: Hay Banal Ya Ispirito Kilamo

Howan Labin Apat Labin Lima Anggan Labin Walo, Gawa Luwa Miha Anggan Tatlompo Bo

Bayo nagbira hi apo hisos ha langit, ay impangako na ha aw-apostol na ya ihogo nay banal la ispirito. Mapo a allo pagkaraan nin paglako ni apo hisos ha langit, hay aw-alagad ay anti nagkamiha ha mimihay logal, makitan tamo ha litrato. Ahe maboyot ay magkamain nin bilang mak haw ya angin. Magkamain nin bilang dila nin apoy ya anti ha aw-olo la, hay banal la ispirito nilumateng napno hila, ta habay to ya pangako ni apo hisos. Lakeh a taw-tawoy ibat ha kanayon na nasyon ya anti ha herusalem haton allo. Hay aw-apostol nakatanggap nin kapangyariyan, boy naghalita nin kanayon-kanayon na halita. Inbalita la ya napakaalaga a bagay ginawa nin diyos. Hin allo habay to ay main 3000 taw-tawoy nanumbalik koy apo hisos. Hapaeg, hay banal la ispirito ay paeri ha biyay nin tawo do ha peteg anhomonol koy hisos. Hay banal la ispirito ay ampambin kapangyariyan do ha anhomonol kona boy an-ibalita hi apo hisos ha kanayon.

Ika Lowampo Boy Anem Ha Litrato: Pamomowako Ha Mahawang

Ika Lowampo Boy Anem Ha Litrato: Pamomowako Ha Mahawang

Howan Tatlo Labin Siyam Anggan Lowampo Boy Miha, Walo Labin Luwa, Onan Howan Mih

Hay tawo bayo naniwala koy apo hisos ay emen nati ya tawo ya ampuako ha mareglem, hiya ay ankebatol boy permin anpaiparokma bana ta ayin hilag ya mahawang ha dah-an na, no magtiwala tamo koy apo hisos, magin emen tamon hati ya mihay tawo ya ampuako ha amot allo, ankakitan nya no ayri maglako, ahe maibatol maski mairap ya dah-an. Hi apo hisos wana “hikoy hilag nin mondo, hay tawo'y humono konko, ay ahe muako ha mareglem” egguana ya banal la ispirito ya mangitoro nin ampipaniwala nin dah-an palako kona.

Ika Lowampo Boy Pito Ha Litrato: Bayo'y Pagkatawo

Ika Lowampo Boy Pito Ha Litrato: Bayo'y Pagkatawo

Galasya Lima Labin Anem Anggan Lowampo Boy Anem, Epeso Apat Lowampo Boy Luwa Ang

Hi balang miha ya anhomono koy panginoon hiso kristo ay bayon tawo. Hiya'y hinomono ha halita diyos, hiya ay ampahalamat ha diyos ha pamatawad nin kahalanan na. Boy pambi nan bayo'y biyay. Agnayna labay nin manggawa. Hino man na bagay ya ahe kalabayan diyos, ay ampipaniwala koy apo hisos ay agna labay makiaway boy mamabaye, agya'y na manakaw boy humanba ha diyos-diyosan. Ya banal ispirito ya ampambi nin kakhawan, ha taw-tawoy ampintoo ko ni apo hisos ta emen makapakarayo ha panggagawa nin malaet. Tapno manggawa nin mahampat.

Ika Lowampo Boy Walo Ya Litrato: Ya Pamilyan Kristiyano

Ika Lowampo Boy Walo Ya Litrato: Ya Pamilyan Kristiyano

Ipeso Lima Lowampo Boy Miha Anggan Anem Apat, Onan Pedro Tatlo Miha Anggan Hiyam

Hin naghilben peteg habayti ya pamilya ha labay ni hisos, ha tawtoro na, ya lalaki, labyen nay ahawa na, boy ya babaye labyen nay ahawa na. Habayti ya halita nin diyos ya intoro na. Ya ahawan lalaki boy ahawan babaye, mitolong hila nin pakhawen ya kanakeman nin bawat miha. Toroan lay aw-anak la ya labyen boy paghilbeyan, honolen lay haw-halita nin diyos. Ya pamilya ya pateg anggomalang boy peteg ampaghilbe ha diyos ay permin ampanalangin, ay matibay ya pamitotolong.

Ika Lowampo Boy Siyam Ya Litrato: Labyen Moy Kaw-Kaaway Mo

Ika Lowampo Boy Siyam Ya Litrato: Labyen Moy Kaw-Kaaway Mo

Matiyo Lima Apatna Boy Tatlo Anggan Apatna Boy Walo, Lokas Mapo Lowampo Boy Lima

Hi hisos, tinoroan na ya aw-alagad na ya labyen lay kaganawan taw-tawo. Dapat labyen tamo simpre ya kaw-kaaway tamo. Hi hisos, nag-estorya nin ginawa nin mihay tawo, ya ampowako ha mihay dah-an, naharakan yan maw-malaet ya tawo, binogbog ya hay lake hugat na, kin-nowan kaganawan gamit na bayo imbalag la ha pinget dah-an. Main mihay tawo ya naibat ha kanayon ya logal ya nakahakay ha asno ya alwa nan kaparihon pagkatawo o lahi. Nakit na bayti ya tawo ya naka-ira ha pingit dah-an ya angkairapan ha haw-hogat na. Inomaypa ya ha asno na. Ta tinolongan na bayti ya tawo. Tinambalan na ya hogat boy tinaklan ya haw-hogat. Pangayari nan tinambalan hinapwat na ta inhakay na ha asno. Gintan na do ha marami ya bali do ha mapagkatiwalaan nay tawo ya mangasikaso anggan homampat. Bayo ya nag-aleh nangibalag yan kowalta ya gastosen para do ha tawo'y main hakit, anggan humampat tano kulang-et mambi ya-et. Hinalita ni hisos, labyen tamo sempre ya taw-tawo ya ampanga-ilangan boy labyen. Maski alwa tamon kalahi o kareliyon.

Ika Tatlompo Litrato: (30) Hi Hisos Ya Pinaka Makapangyarihan Ha Kaganawan,

Ika Tatlompo Litrato: (30) Hi Hisos Ya Pinaka Makapangyarihan Ha Kaganawan,

Gawgawa Labin Siyam Labin Walo Anggan Lowampo, Kawkanta Magato Boy Labin Lima Mi

Ya taw-tawo ya an-ipakit di ha litrato ay ampoolan la ya raw-rebolto la boy aw-anib la. Amporiyen la hi satanas hin hato pero hapaeg hi hisos yana ya anhonolen la boy ampaghilbiyan. Kaya peteg ampaghilbi boy anhomonol koni hisos ay aheh dapat magpuri ha malaet ya aw-ispirito. Agtamo dapat hilan kalimwan boy paghilbiyan. Ya diyos ay mas makapangyariyan di nan hi satanas. Ya ampipaghilbi ha diyos ay dapat lan alihin kaganawan ya maw-malaet ya gaw-gawa ta do hila antaklen ni satanas boy malaet ya aw-ispirito. Hi hisos ay protektahan na tamo no pakik-kowawen ta mo kona.

Ika Tatlompo Boy Miha Ya Litrato: Pama-Aleh Nin Maw-Malaet Ya Ispirito

Ika Tatlompo Boy Miha Ya Litrato: Pama-Aleh Nin Maw-Malaet Ya Ispirito

Makitan Ha Markos 5:1-20; Santiago 4:7

Main mihay tawo ya ampa-irapan nin malakeh ya maw-malaet ya aw-ispirito. Binalol yan malake ya yobil boy malake ya tikala ta habayti ya tawo ay masyaron hikaw, angka boyto na maski hinoy itakel kona. Hiya ay makhaw ta hay lake nin maw-malaet ya aw-ispirito kona, ampairi do ha lale nawini na. Hi hisos minandawan na ya maw-malaet ya aw-ispirito ya mag-aleh do ha mihay tawo ya ampairapan la. Habayti ay ginawa la. Habayti ya tawo ay nakalaya do ha kapangyahiran nin maw-malaet ya aw-ispirito. Habayti ya tawo ay nag-aleh ta imbalita na ha aw-amigo na bana ha ginawa ni apo hisos kona. Hi hisos ay pinalaya na ya taw-tawo ya ampairapan nin maw-malaet ya aw-ispirito. Hi satanas boy maw-malaet ya aw-i spirito ay dapat homonol kona. Maari hika ay ampaniwala pero an-istorbowen ni satanas o maw-malaet ya aw-ispirito. Tanda na ya hika ay ati koni apo hisos. Hi satanas ay a-an yan logal ha biyay mo. Paalihen ya ta pakikowawen ya kapangyarihan koni apo hisos ta emen paalehen ya maw-malaet ya aw-ispirito. Mamakikowan tulong ha ampi-paniwala emen maipanalangin ya tolongan ka. No hika ay homonol koy hisos permin anti komo ay kapangyarihan naya ampangi-illag komo. Hi satanas ag-naka mahakitan.

Ika Tatlompo Boy Lowa Ya Litrato: Tokhoh

Ika Tatlompo Boy Lowa Ya Litrato: Tokhoh

Makitan Ha Mateo 6:24; 1 Timotyo 6:6-10; 1 Corinto 10:13-14

Hi satanas ay permin anhoboken nin tokhoh-en ya aw-anak nin diyos. Hi satanas ay anhoboken nan tokhoh-en ya ampi-paniwala. Labay-nan pategenen ya homonol koni apo hisos. Hi satanas ay anhoboken nan tokhoh-en ya ampi-paniwala anggamitin nan kowalta, baw-baro, sigarilyo, alak boy kalabayan laman. Labay nan hita mo ay maniwala kona nin habayti ya bagay ay maka-igwa nin kaheglawan kontamo. Pero hi satanas ay mabongkok boy manloloko. Labay na tamon itawon. Idayo tamo boy lomaban ha diyos. Pakikkowen mo ha diyos ya tolongan ka boy idayo ha tokhoh. Magtiwala koni apo hisos ta hiyan bongat ya honolen.

Ika Tatlompo Boy Tatlo Ya Litrato: No Hitamoy Makapagkahalan

Ika Tatlompo Boy Tatlo Ya Litrato: No Hitamoy Makapagkahalan

Makitan Ha Lokas 15:11-32; 1 Howan 1:7-9

Hinoy mangyari no ya ampi-paniwala ay makapagkahalanan? Hi apo hisos nag-istorya, nin mihay anak na ya nag-aleh habali la. Nakoya ha marayo ya logal ta nanggawa ya nin maw-malaet ya gaw-gawa. Hiya ay napakalaet ha baw-babaye boy pangastos nin malake ya kuwalta na ya ibat do ha tatay na. Hiya ay nag-irap boy nabitlan. Bayro na naihipan ya hiya ay nagkahalanan ha diyos boy ha tatay na. Bana bayro hiya ay peteg na nag hehe ha kaganawan nagawa na. Kaya ay nagbira ya do ha bali la koni tatay na. Ya tatay na ay anlabyen ya maski it hiya ay nanggawa nin malhay ya kahalanan. Hatoy anak na ya nagbira ha tatay na ay labis ikinahigla nin tatay na ya pangyayari pinatawad na ya. No hitamo ay nag kahalanan, kailangan tamon paghehewan boy liwawan. Hitamo ay patawarin nin diyos ha kahal anan tamo boy tanggapin na tamo kapareho nin tatay ha estorya’y habayti. Hinalita ni apo hisos ya magkamain nin masyadon kahiglawan do ha langit no ya mihay makahalanan ya magbira ha diyos.

Ika Tatlompo Boy Apat Ya Litrato: Haw-Hakit

Ika Tatlompo Boy Apat Ya Litrato: Haw-Hakit

Makitan Ha Pilipos 4:6-7; Santiago 5:13-16

Hinoy a dapat gaw-en no’y ampipaniwala ha diyos ay magkamain-hakit? Dapat onawen lan magdahal ha panginoong diyos magtiwala kona ta gaw-en na ya pinaka-maganda, ya diyos ay mapahampat na ya ampaghakit ya tawo nokalabayan na. Ya diyos ay anlabyen na tamo, masawata na kaganawan hino pa man ya mangyari konta mo. Hi apo hisos ay anti kontamo ya ampambi nin kapayapaan ha panaon nin hita mo ay magkamain nin hakit, boy kaya na tamon tolongan.

Ika Tatlompo Boy Lima Ya Litrato: Kamatiyan

Ika Tatlompo Boy Lima Ya Litrato: Kamatiyan

Makitan Ha 1 Tesalonica 4:13-18; Hebriyo 2:14-15; Pahawang 14:13

Bayri ha angkakit tamoy litrato, ya taw-tawo ay an-itabon lay taw-tawo ya nati; habayti ay kaogalian la. Lumating ya panaon ya hitamoy mati, pero hino ya mangayari konta mo? Ya halita nin diyos, ha biblia, anhalitaen na ya no mati ya ampipaniwala, ya ispirito na ay mako do ha langit kalamo ni apo hisos. Ya pamilya mo boy aw-amigo nin ampipaniwala ha litrato ay malele pero aghila napadaeg ha kaw-kalelean la. Agtamo dapat malimo no lo mating kontamoy kamatiyan. Anlabyen tamo nin diyos boy inilibre tamo maibat ha kahalanan boy ayin anggawan ya kamatiyan. Hay ahe ampipaniwala ay ayin hilan asahan na pangako ha biyay ya ayin kaangawan na diyos. Ya biblia anhalitaen na ya hila ay makodo ha logal ya ayin anggawan ya kaparosahan. Ayri ka maipalako no hika ay mati?

Ika Tatlompo Boy Anem Ya Litrato: Ya Nawini Ni Apo Hisos

Ika Tatlompo Boy Anem Ya Litrato: Ya Nawini Ni Apo Hisos

Onan Korinto Labin Lowa Labin Lowa Anggan Tatlompo Boy Miha, Episo Apat Labin Mi

Kaganawan parti nin nawini ay main kanya-kanya nin anggaw-en. Hay mata ay panilek, ya toli ay panlenge, ya bebey ay panhalita boy pamangan. Kaganawan parti nin nawini ay ampagkamiha nin gawa no ya mihay parti nin nawini ay main antanamen o hakit, ya boo nawini ay ampag-irap. Anhalitaen nin diyos ya kaganawan ampipaniwala ay mimihay nawini ya an-ingaten iglesiya. Hi apo hisos ya olo nin nawini. Ya diyos ay anggumawa do ha ampipaniwala ya ampanggawa nin ikahampat , bilang ha pangihawang, pagkanta, mambi, panonoro, mambi nin pangangalaga, panulong ha kaparan tawo. No ya mihay ampaniwala ay agna nagawa ya tongkolin, ya kaganawan nin iglisiya ay mag-irap. Kaganawan ampipaniwala ay dapat mag-mimiha ta emem maparangalan ya diyos boy paghilbiyan ya bawat miha.

Ika Tatlompo Boy Pito Ya Litrato: Magkamihaha Panhohomamba

Ika Tatlompo Boy Pito Ya Litrato: Magkamihaha Panhohomamba

Hibriyo Mapo Lowampo Boy Lima, Onan Korinto Labin Miha Lowampo Boy Tatlo Anggan

Hay ampipaniwala ha diyos ay permin ampititipon ta emen maghamba ha diyos. No ampititipon hila ay ampitoto hila nin halita nin diyos, magdahal boy magkanta nin pamomori ha diyos. Ampangkanta hila nin bawbagay ya kailangan ha gawaen par ha diyos. Intoro ni apo hisos ha ampipanhomonol kona ya dapat lan gaw-en ta emen maihipan la ya kamateyan. Makit bayri ha litrato ya hila ay ampilalamon mangan. Hay tinapay ya angkanen la ay ampangepaihip nin nawini ni apo hisos hin nati ya ha koroh. No ampipam-minom hila, angkaihipan la ya daya ni apo hisos ya nantolo do ha koroh ta emen hila mailigtas ha kahalanan. Hitamo simpre ay dapat magkamiha mititipon ta emen maihipan ya kamateyan ni apo hisos. Ha ombayri paraan anggan hiya ay magbiran oman.

Ika Tatlompo Boy Waloy Ya Litrato: Hay Pagbira Ni Hisos

Ika Tatlompo Boy Waloy Ya Litrato: Hay Pagbira Ni Hisos

Howan Labin Apat Miha Anggan Tatlo, Onan Tisalonika Apat Labin Tatlo Anggan Lima

Lomateng ya allo hi apo hisos ay magbira ha lota maibat ya ha langit. Habay to ya pangako na. Agla an-asawan ya bigla magbira hi apo hisos. Hay ampi paniwala ya nikati ay mabiyay oman ta homambal kona. Do ha angki kabiyay ay maikilamo konla. Magkamiha hilan homambal ko ni apo hisos ha kalawakan. Hila ay makalamona ha langit nin ayin anggawan. Hay ahe ay ampaniwala ay mikabalag ha lota. Hila ay mipag-irap lano ha okomen nin diyos. Agtamo tanda ya pagbira ni apo hisos, kaya dapat tamon pirmin nakahanda boy manginggan kona. Nakahanda ka wari nin hambalin hi apo hisos no hiya ay lomateng hapaeg?

Ika Tatlompo Boy Siyam Ya Litrato: Pamomonga

Ika Tatlompo Boy Siyam Ya Litrato: Pamomonga

Matiyo Pito Labin Lima Anggan Lowampo, Galasiya Lima Lowampo Boy Lowa Anggan Low

Ha poon nin kayo diha litrato ya angkakit ya malake ya bunga. No hitamo ay homonol koni apo hisos hay ispirito nin diyos ay ang gomawa kontamo ta emen tamo mamonga. Anhalitaen nin bibliya ya hay bunga nin ispiriton nin diyos ay panlalabi, kahiglawan, kapayapaan, matiyaga, maganday kalooban, kahampatan, mag-inmatapat, kaamoan boy pagpipigil. Hinalita ni apo hisos hiko ya poon nin obas. Hikawo ya haw-hanga. No hikawo ay manatili kongko boy hiko komoyo, hikawo ay mamonga nin malake", hay nati ya hanga ay ahe makapamonga. Hila ay potolen ta poolam. Labay ni apo hisos do ha ampipanhomonol kona ay mamonga nin malake. Habayti ay maparangalan ya diyos boy makatolong ha taw-tawo.

Ika Apattapo Ya Litrato: Pagsasaksi

Ika Apattapo Ya Litrato: Pagsasaksi

Matiyo Lowampo Boy Walo Labin Walo Anggan Lowampo, Gawa Miha Walo

Hinalita ni apo hisos do ha ampipanhomonol kona ay mako hila ha law-logal ta ibalita la ha taw-tawo tongkol kona. Hay maniwala kona ay makaligtas ibat ha kahalanan, ha a-an anggan kaparosahan boy kamatiyan. No hika ay ampaniwala, hika ay dapat tomolong ha kanayon ta emen mapaniwala boy maintindiwan nin kanayon ya maganday balita. Hay banal ya ispirito nin diyos ay mambi nin kakhawan nakem ta emen mabiyay ka boy maghalita para kona. Gamitin mo bayti ya libro ya main litrato ta emem maibalita ha kanayon ya natotowan mo. Ha paraan ya habayti malaki ay taw-tawo ya pakarani ta emem matandaan la ya kapetegan tongkol ha diyos boy taga pagligtas, hi apo hiso kristo.

관련정보

무료 다운로드 - 여기에서 다운로드 가능한 여러 언어로 된 주요 GRN 메시지 스크립트, 그림 및 기타 관련 자료를 찾을 수 있습니다.

The Good News 시청각 자료 - 시청각 자료는 창조부터 예수님까지의 성경 개요를 제시하는 40장 그림으로 구성되었고, 그리스도 삶에 대한 구원 메시지와 기본적인 가르침을 다루고 있으며 1,300 개 이상 언어로 제공 됩니다.

GRN 시청각 자료 활용 하기 -파트1: 복음 공유를 쉽게 - 이 글은 사역에 사용될 수 있는 다양한 GRN 시청각 자료에 대해 소개합니다.

GRN 시청각 자료 활용하기-파트2: 더 많이 배우기 - 이 글은 어떻게 사람들이 이야기로부터 배우는지, 그리고 왜 이야기에 많은 주석이 없는지에 대한 이유에 대해 추가적으로 설명 합니다.

GRN 오디오 도서관 - 전도와 기본 성경 가르침을 위한 자료는 mp3, CD, 카세트 테이프 형태로 사람들의 필요와 문화에 맞추어졌습니다. 녹음은 성경이야기, 전도 메시지, 말씀 읽기, 노래를 포함하여 다양한 스타일로 구성되었습니다.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?