unfoldingWord 44 - Etilib Peturu ho Yoani hemimomojoni

unfoldingWord 44 - Etilib Peturu ho Yoani hemimomojoni

개요: Acts 3-4:22

스크립트 번호: 1244

언어: Lopit

청중: General

장르: Bible Stories & Teac

목적: Evangelism; Teaching

성경 인용: Paraphrase

지위: Approved

이 스크립트는 다른 언어로 번역 및 녹음을위한 기본 지침입니다. 그것은 그것이 사용되는 각 영역에 맞게 다른 문화와 언어로 조정되어야 합니다. 사용되는 몇 가지 용어와 개념은 다른 문화에서는 다듬어지거나 생략해야 할 수도 있습니다.

스크립트 텍스트

Ta far nobo, Peturu ho Yoane ofu ifa ahaji imojit. Nafa eliaha isieja to hoi no haji imojit, ette isieja egonyu oŋura emimojo orobiyaha.

Owolo Peturu oŋura lia ette hijo, “Obe naŋa awon ho innak orobiyaha inno esio naŋ to hoi. Hati esio iso naŋ iye hiroo inno owuon dahanaŋ. To fure no Yesu ahide inno.”

To kwak, etilib Hollum oŋura, ette inyeja hitiara loto n ojo hidofe esiu ette hitahwuo Hollum. Huwo illafa to bur no hekumori no haji imojit taya.

Ette iluluŋ no huwo kwak-kwak afanu riŋa tihoni lafa etilib Peturu. Ette Peturu hijo to hosie, "Nyo etaya itai libe no tihoni ille? Obe iyohoi etilib inyeja to ŋolon no iyohoi kuya to libo nohoi. Hati, ara to ŋolon no Yesu ojo to hiruk no esio Yesu to hitilibo no tihoni ille.”

"Iye lia lafa elimak eitok lo Ruma hoto tohoi Yesu? Etohoi itai hegioroni lo waran, etidietu Hollum inyeja to ye. Obe itai hada eyien hirro inno egiama iye, hati hilimu to igiemiti lehum iye isieja innia Hollum etihutek hekilak hijo, odioto iso hetulwahani ette ye. Hati iyania, ibusak hiyeta itiyite to Hollum anyar elilau hiyeta innahatai ade."

Ejoria ifa etok lo haji no imojit to hiram nafa ojo Peturu ho Yoane. Ette eniefu isieja ette esionok isieja to Kijan. Hati eruk ifa huwo arai saye no peturo, Ojo iluluŋ no huwo illafa eruk to Yesu obo rori many 5000.

To holoŋ nobo, Ette etok lo Judei eyani Peturu ho Yoani ahosiere ho-hetimojok leitok ojo hidofe ilak edaha ille mojo ette isieja hifi Peturu ho Yoane hijo, “To nari holo nia etilibori itai oŋura lia?”

Etiraŋ Peturu isieja, “Tihoni ille oweta to hosiere hatai olibo to ŋolon no Yesu Hetilahani. Esihok itai Yesu, hati enyiak Hollum etibuhu inyeja to waran no ebo itai inyeja, hati obe nobo hoi iluahit. Hati ara to golon no Yesu!”

Elafuho ifa ettaha hijo Peturu ho Yoane ero to hiŋere ojo hidofe obe owuon ho baŋi nyo egonyu isieja hijo ara huwo ilia huwo jia obe hidofe ehien. Hati ogilu isieja hijo owuon ifa huwo ilia ho Yesu. Hati etilafuk isieja Peturu ho Yoane, ette ebusak isieja hefi.

관련정보

생명의 말씀 - GRN 은 성경에 기반한 구원과 그리스도인의 삶에 대한 수천개의 오디오 복음 메시지를 가지고 있습니다.

무료 다운로드 - 여기에서 다운로드 가능한 여러 언어로 된 주요 GRN 메시지 스크립트, 그림 및 기타 관련 자료를 찾을 수 있습니다.

GRN 오디오 도서관 - 전도와 기본 성경 가르침을 위한 자료는 mp3, CD, 카세트 테이프 형태로 사람들의 필요와 문화에 맞추어졌습니다. 녹음은 성경이야기, 전도 메시지, 말씀 읽기, 노래를 포함하여 다양한 스타일로 구성되었습니다.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?