unfoldingWord 31 - Jisasi Non Amucnaroc Wemi
![unfoldingWord 31 - Jisasi Non Amucnaroc Wemi](https://static.globalrecordings.net/300x200/z40_Mt_14_23.jpg)
ರೂಪರೇಖೆಯನ್ನು: Matthew 14:22-33; Mark 6:45-52; John 6:16-21
ಸ್ಕ್ರಿಪ್ಟ್ ಸಂಖ್ಯೆ: 1231
ಭಾಷೆ: Gadsup
ಪ್ರೇಕ್ಷಕರು: General
ಪ್ರಕಾರ: Bible Stories & Teac
ಉದ್ದೇಶ: Evangelism; Teaching
ಬೈಬಲ್ ಉಲ್ಲೇಖ: Paraphrase
ಸ್ಥಿತಿ: Approved
ಸ್ಕ್ರಿಪ್ಟ್ಗಳು ಇತರ ಭಾಷೆಗಳಿಗೆ ಅನುವಾದ ಮತ್ತು ರೆಕಾರ್ಡಿಂಗ್ಗೆ ಮೂಲ ಮಾರ್ಗಸೂಚಿಗಳಾಗಿವೆ. ಪ್ರತಿಯೊಂದು ವಿಭಿನ್ನ ಸಂಸ್ಕೃತಿ ಮತ್ತು ಭಾಷೆಗೆ ಅರ್ಥವಾಗುವಂತೆ ಮತ್ತು ಪ್ರಸ್ತುತವಾಗುವಂತೆ ಅವುಗಳನ್ನು ಅಗತ್ಯವಿರುವಂತೆ ಅಳವಡಿಸಿಕೊಳ್ಳಬೇಕು. ಬಳಸಿದ ಕೆಲವು ನಿಯಮಗಳು ಮತ್ತು ಪರಿಕಲ್ಪನೆಗಳಿಗೆ ಹೆಚ್ಚಿನ ವಿವರಣೆ ಬೇಕಾಗಬಹುದು ಅಥವಾ ಬದಲಾಯಿಸಬಹುದು ಅಥವಾ ಸಂಪೂರ್ಣವಾಗಿ ಬಿಟ್ಟುಬಿಡಬಹುದು.
ಸ್ಕ್ರಿಪ್ಟ್ ಪಠ್ಯ
![](https://static.globalrecordings.net/300x200/z40_Mt_14_20.jpg)
Jisasi wenic disaipoliuc tiyinkani woutikin unkumandeni yeyakac ena ofac wirarani weno. Weni pawakemi anasi wanta tiyinkani yenyimakimpac wami yereren anufac inantirani uremi. Weyakac umben inantewami marokun ayufunkemi.
![](https://static.globalrecordings.net/300x200/z40_Mt_14_22.jpg)
Jisasi pa mana ofac wen inantem wani wenic disaipoliuc yeyakac weni non acwanapac oromi ayufunkemi. Mini acnami erarure ena ofac wirani indenofo sisowani erarukam memi non awekarami anon ukararic memi. Mikin ye acnan erarure mecyan ofac winayonic iyen eno.
![](https://static.globalrecordings.net/300x200/z40_Mt_14_23.jpg)
Jisasi inantiman kiparemi disaipoliuc wapac wemi. Non amukaci akan daremi ye woutikim wapaci antecdem wemi!
![](https://static.globalrecordings.net/300x200/z40_Mt_14_24.jpg)
Disaipoliuc Jisasin onareni wami onecumpen tireni anom pekaricmeno. Jisasi indini anonic ure pekami yararen tiyimemi, "Iye pekako teni Jisasim weko!"
![](https://static.globalrecordings.net/300x200/z40_Mt_14_26.jpg)
Pita ukukaeken Jisasin aremi, "Iyeno, ewante taranac eni weonafac nonkac tikandarec wono." Jisasi tamemi, "Yiricmana onon!"
![](https://static.globalrecordings.net/300x200/z40_Mt_14_27.jpg)
Afo Pita woutikinke non amucnaroc kun ukukemi Jisasinkac okan dukemi we wapac kukandem wemi. Non amukac kipakac oremi wen okan Jisasinkac dukakenin ecemi non ukaren yewapac onewami sisowani eran yiricemi.
![](https://static.globalrecordings.net/300x200/z40_Mt_14_29.jpg)
Pekani Pitankin uwikami kukandemi nompin kumemi. Mikinke waduremi ificden temi, "Iyeno, tofaono!" Jisasi we wankac oremi mikinkena kun difitaeken demi tamemi, "Enic andum munkir anda kipa wam wainta wanamino, nacirarac amucna indiric ewa."
![](https://static.globalrecordings.net/300x200/z40_Mt_14_30.jpg)
Jisasiuc Pita kanda woutikin undaomi non ukarakenina sisowayakenin akaukami kipemi. Disaipoliuc mini onareni anonicureni yinducdeno. Jisasim mantiankeni teno, "Pukaukami, eni Koctin akakukami wanamino."