Si Kristo Kanta Panalo

May gusto ako ipa ingana? Sa kanmu mag isip uno ti usa ka mag sarig? Siguro mayamu yi kam nadnugan mga sagot sa katunda pag paingana. Dapat ay usa lang kay sagot tunda pag paingana, inda ay masampakan sa bagaw Diyos. Ti usa ka tawo nu mag sarig sa kan Hesus siya ti usa ka anak Diyos,
Magsarig diman siya sa sinugu Diyos ti panginoon Hesus ti taga pag ligtas sanlibutan hanggan kanta mga kasalanan. Magsarig diman siya sakan Kristo hanggan kay pagkamatay sa krus pagkalawoy tulo ka sirang ay nabuhi maan. Ti usa ka magsarig ay magbukas kay tagipusuon hampay mangulian maan si Hesus sa kay buhi.

Siguro gusto nimo magsarig, dapat ay mag kakurian kawo mag sunud sa sugo Diyos. Mayamo yi kanmo binwat mayad dapat ay pirmi kawo mag katalo ag masuko yi kawo. Dapat ay nag parargo waydi kanmo buwat daut. Ag unman yi waydi kawo may udas magbarita bagaw Diyos sa iba tawo, udyi waydi kawo magkanta para mag dayaw sa kanmo puso, udyi mag akitan mga tawo si Kristo sa kanmo buhi ag udyi magpangulian si Kristo sa kanmo puso mag ramig yi kita sa kanta magsarig sa Diyos.

Dahil pinabay-anan nita ti kasalanan ti maghari sa kanta puso, ti kasalanan yi kanta pag diyoson balaw si Hesus. Siguro ay udyi nimo pag paniwalaan ti Diyos sa kanmo tanan buwat inda ay kasalanan. Patar-ari, may mayad pagbarita ako sa kanmo nu kawo tutuo mag sarig hanggan gusto nimo bumalik sa tutuo pagsunud hanggan pagsamba sa kanmo puso. Ag gusto aw nimo mangulian maan si Kristo sa kanmo puso? Pagtawag lang hanggan pag darangin, pag patlikud hanggan pagsisi sa tanan kam binwat daut. Si Hesus ay banal, ag tapat, kita ay patawadon hanggan linison niya ti tanan nita kasalanan. Ag bumalik maan siya hampay mangulian sa kanta puso.

Ho, si Hesus ay sa langit yi, dapat ay kanta bilog ulian niya Banal Espirito. Pagkatapos namatay ni Hesus sa Krus, siya ay nabuhi uman. Ipinakakit sitay si Hesus ay nanalo sa kasalanan ag kamatayan.
Nakan ngani kawo ay pinatawad, nilinis, pinalpasan sa gusto mabuhi sa kanmo sadili. Dahil si Hesus mag pangulian yi sa kanmo puso, gusto ni Hesus pun-un niya kawo pag mahal. Hampay kay pabulusan maan niya kita pag mahal hanggan sa iba tawo. Mga udwaya mag kilala sa kahusayan ag pag mahal Diyos. Si Hesus ti Diyos! Si Hesus kanta Panginoon! Si Hesus kanta buhi!

Unman nita kaya mag buwat mayad, unman nita kaya masunud sa kay mga sugo nu sa panab-anan lang nita sadili kusog. Nu bay magpaniwala kita sakan Hesus, kita ay iribri ag awatan niya. Nakan ngani pagsarig kita sa kanya siya ay maghari yi sa kanta puso. Si Hesus namatay sa Krus hampay kita mabawi sa tanan nita mga kasalanan. Buluntad gid ipinakaun kay sadili buhi para sa kanta, hampay kita makatanggap bag-o pag kabuhi.

Nu kita nag salan danga magkay_a magpakarani sa Diyos paghagad patawad sakan Hesus nangako sa kanta nu pag akuon nita kanta kasalanan siya ay Banal ag matadlung patawadon gid duraun ti kasalanan sa kay Banal Dugo.

Mag pasalamat kita pirmi ag magdayaw sa kanya si Hesus kanta panalo. Nu kita magparargo magsarig sa kanya pakan-an kita niya panalo sa sirang-sirang. Ibahan kita niya sa labanan sa kanta mga kaaway hanggan sa kasalanan. Si Hesus ti Diyos! Si Hesus kanta Panginoon! Si Hesus kanta buhi! Si Hesus kanta panalo!