unfoldingWord 13 - عهد الله مع اسرائيل
គ្រោង: Exodus 19-34
លេខស្គ្រីប: 1213
ភាសា: Arabic, Sudanese: Khartoum
ទស្សនិកជន: General
ប្រភេទ: Bible Stories & Teac
គោលបំណង: Evangelism; Teaching
សម្រង់ព្រះគម្ពីរ: Paraphrase
ស្ថានភាព: Approved
ស្គ្រីបគឺជាគោលការណ៍ណែនាំជាមូលដ្ឋានសម្រាប់ការបកប្រែ និងការកត់ត្រាជាភាសាផ្សេង។ ពួកគេគួរតែត្រូវបានកែសម្រួលតាមការចាំបាច់ដើម្បីធ្វើឱ្យពួកគេអាចយល់បាន និងពាក់ព័ន្ធសម្រាប់វប្បធម៌ និងភាសាផ្សេងៗគ្នា។ ពាក្យ និងគោលគំនិតមួយចំនួនដែលប្រើអាចត្រូវការការពន្យល់បន្ថែម ឬសូម្បីតែត្រូវបានជំនួស ឬលុបចោលទាំងស្រុង។
អត្ថបទស្គ្រីប
بعد ما الله قاد الاسرائيليين عبر البحر الاحمر ، قادهم فى البرية لجبل اسمه سيناء . ده نفس الجبل الموسى شاف فيه الشجرة المشتعلة . الناس عملوا خيامهم تحت الجبل .
قال الله لموسى وكل الشعب الاسرائيلى ، "انتو لازم تطيعونى دائما و تحفظوا العهد العملتو معاكم .لو انتو عملتوا ده. حتكونوا لى ملك خاص، مملكة كهنة و امة مقدسة".
لمدة تلاتة ايام الناس جهزوا انفسهم عشان الله يجى قريب منهم . بعد داك الله نزل فوق راس جبل سيناء . لمن هو جاء ، كان فى رعد ، برق ، دخان و اصوات بوق عالية . بعد داك موسى طلع فوق الجبل براه .
بعد داك الله عمل عهد مع الشعب. وقال ، "انا يهوه ، الهكم. انا خلصتكم من ان تكونوا عبيد فى مصر . ما تعبدوا اله تانى".
ما تعملوا اصنام وما تعبدوها ، لانو انا يهوه لازم اكون الهكم بس . ما تتكلوا باسمى بالباطل .اتاكدوا انو تحفظوا يوم السبت مقدس . بطريقة تانى ، اعملوا كل اشغالكم فى ستة ايام اليوم السابع هو يومكم ترتاحوا و تذكرونى .
احترم ابوك وامك . ما تقتل . ما تزنى . ما تسرق . ما تكذب . ما تشتهى مراة قريبك و بيته وكل حاجة فيه .
وبعد داك الله كتب الوصايا العشرة على لوحتين من الحجر و اداهم لموسى . الله برضو ادى الشعب ناموس و قوانيين تانية كتيرة عشان يتبعوها . الله وعد انو حيبارك الشعب و يحميهم لو هم طاعوا الناموس ده . لكن قال حيعاقبهم لو ما اطاعه .
الله برضو كلم الاسرائيليين عشان يعملوا خيمة واسعة ، خيمة الاجتماع . و كلمهم كيف يعملوا الخيمة دى بالتحديد وياتو حاجات البختوا جواها . و قال ليهم يعملوا ستارة كبيرة عشان تفصل الخيمة الى غرفتين ، و الله حبيجى و يكون فى الغرفة وراء الستارة هناك . كان مسموح بس لرئيس الكهنة يدخل الى الغرفة الفيها الله .
كمان الشعب لازم يعملوا مذبحة قدام خمية الاجتماع . اى زول ما اطاع ناموس الله كان لازم يجيب بهيمة فى المذبحة . و بعد داك الكاهن يذبحو و يحرقو على المذبحة كذبيحة لله . الله قال دم البهيمة حيغطى الخطية الزول ده . بالطريقة ده ، الله ما حيشوف الخطية داك تانى . والزول ده بيكون "طاهر" فى عين الله. الله اختار اخو، موسى هارون و نسله عشان يكونوا كهنة ليه .
الشعب كلهم اتفقوا يطيعوا القوانيين الكان الله اداه ليهم ، هم اتفقوا عشان يكونوا شعب لله وحده و يعبدوه بس .
موسى بقى فى راس جبل سيناء لايام كتيرة ، كان بتكلم مع الله ، لكن الشعب تعبوا من انتظاره عشان يرجعهم ليهم ، و بعد داك جابوا دهب لهارون و سالوه يعمل ليهم صنم عشان يعبدوا بدل من الله . و بالطريقة دى هم اخطاوا شديد ضد الله .
هارون عمل صنم من دهب فى شكل عجل ، الشعب بدوا يعبدوا الصنم بطريقة غريبة و قدموا ليه ذبائح ! ، الله كان زعل منهم شديد ، وكان عايز يدمرهم ، لكن موسى طلب من الله ما يدمرهم و الله سمع صلواته وما دمرهم .
فى النهاية موسى نزل من جبل سيناء و كان شايل لوحتين من الحجر الكتب فيه الله الوصايا العشرة ، بعد داك هو شاف الصنم و كان زعلان شديد وكسر الالواح .
بعد دالك موسى كسر الصنم لدقيق و دفق الدقيق فى الموية و خلى الناس يشرf, . الله رسل وباء ومات منهم كتير .
موسى عمل الواح حجرية جديدة للوصايا العشرة و ليبدل بيها الالواح الكان كسرها . بعد داك طلع الجبل تاني و صلى انو الله يغفر لشعب . والله سمع لموسى و غفر ليهم ، موسى نزل من الجبل بالوصايا العشرة فى الواح جديدة . بعد داك الله قاد الاسرائيليين من جبل سيناء تجاه ارض الموعد .