unfoldingWord 05 - Lonyi Ocioroti
Контур: Genesis 16-22
Сценарий нөмірі: 1205
Тіл: Lopit
Аудитория: General
Жанр: Bible Stories & Teac
Мақсат: Evangelism; Teaching
Киелі кітап үзіндісі: Paraphrase
Күй: Approved
Сценарийлер басқа тілдерге аудару және жазу үшін негізгі нұсқаулар болып табылады. Оларды әр түрлі мәдениет пен тілге түсінікті және сәйкес ету үшін қажетінше бейімдеу керек. Пайдаланылған кейбір терминдер мен ұғымдар көбірек түсіндіруді қажет етуі немесе тіпті ауыстырылуы немесе толығымен алынып тасталуы мүмкін.
Сценарий мәтіні
Nafa eiba Abramo ha Sarai da Kanan, arrasa isieja wuana ŋasi tomon obe hito. Eijo Sarai noŋorwo Abram hijo do honyie, "Obe Hollum lawak hisio iyohooi hito. Iyane emarwak naŋ, innaŋ pit hanaŋ Hagar. Teyemu inyieja daŋ heisiu hito da hanaŋ."
Ayemu Abram Hagar. Esiuni lenyi honye Ismail. Ahayini Sarai, ifa eira ŋasi inno Ismail tomon ho lohunik, Ette Hollum hinyiak hiro da Abram.
Ejio Hollum, "Ara naŋ Hollum lettok. Awu iso naŋ himora ho iyye." Ejurru Abramo afau. Enyiak Hollum lefe elimak Abram, "Era iso iyye amonye lo huwo daŋ. Esio iso naŋ de iyye he lenyirok hoi fau no Kanan hatara annohosie ajo naŋ ara a Hollum hosie mak. To got lenyirok. Luhe tahaŋ hoi."
"Noŋorwo hoi Sarai, esiu iso hito ette inyeja hira hito locoroti. Ifurek iso iyye inyeja Isako.Ehumak iso naŋ himora hanaŋ he inyeja. Otuni arace adoŋe nahittok. Ehumak iso naŋ Ishmail hatara adoŋe nahittok hati ehumak iso naŋ himora hanaŋ he Isako." Ette Hollum higair fure no Abram hijo hatara Abramo hijo, "Ara iso inyeja amonye lo huwo daŋ." Ojo no Sarai eloit hijo hatara Sara "ŋaini habu."
Dafar nyie egot Abramo luhe lamanya da haji honyie. Da halu ho hiŋa naboite ta nafa owuanari ŋasi inno Abramo hisihai naboite, ojo inno Sara ara tomona ho toŋwan, esiu Sara lenyi Abramo. Efurahini Isako iya lelimak Hollum isieja.
Nafa hara Isako oŋeye, ecem Hollum hiruk ne Abramo ejioo, "Yari lenyi hoi le Isako le loboite, totohoi inyeja hatara ahibuluci da hanaŋ." Ojoo Abramo ette baŋi Hollum ette ŋadiarak lenyi honyie.
Ta nafa eyari Abramo Isako amai nyie, holobe isejia eba de, "Efia inyeja, baba hoyek hunaŋ leita iyohoi tahu hati ker lelefwo lomudari hisiorita?" Etiraŋak Abramo ojoo, "Eiso iso Hollum lenyi hanaŋ."
Nafa eba isieja da mai nyie, efit Abramo Isako akafak Isako ahide altari etiferik. Ekaf demi hijo acuk. Ette Hollum hijo, "Towetai baŋa otohoi hoi hito le, egonyu naŋ baŋi hoi naŋ nyo ibe iyye eiyumo lenyi hoi de naŋ."
Afelu Abramo ker aŋati honye leriatak mwarak de tutur. Eiso Hollum ker hijo hatara ahisiori da mai he Isako. Omunohini Abramo ifa ette hiso ker lie ahisiori.
De ejoo Hollum da Abramo, "Iya ne iso iyye naŋ hirro innohoi daŋ ho lenyi hoi lia loboite. Acorok naŋ hijok iyye. Oluŋa iso woyo nohoi agalik haher nuhe te ido. Ta baŋi nohoi naŋ, woyojin tafau daŋ orumu iso jaha ne olotu towoyo nohoi."