unfoldingWord 42 - Jisasi Inarumpac Yeweken Uremi
Контур: Matthew 28:16-20; Mark 16:12-20; Luke 24:13-53; John 20:19-23; Acts 1:1-11
Сценарий нөмірі: 1242
Тіл: Gadsup
Аудитория: General
Мақсат: Evangelism; Teaching
Features: Bible Stories; Paraphrase Scripture
Күй: Approved
Сценарийлер басқа тілдерге аудару және жазу үшін негізгі нұсқаулар болып табылады. Оларды әр түрлі мәдениет пен тілге түсінікті және сәйкес ету үшін қажетінше бейімдеу керек. Пайдаланылған кейбір терминдер мен ұғымдар көбірек түсіндіруді қажет етуі немесе тіпті ауыстырылуы немесе толығымен алынып тасталуы мүмкін.
Сценарий мәтіні
Jisasi yewekem pukintinke ukukanin nurami, wenic disaipoliuc kinke kantani acdec taunifaci wenoyo. Yeni weni Jisasinkac ampamonin ukani tewano. Ye inde tasasim waintaino tireni indenoyofo wemi areno. Anasiuci teni weni ayumi pani wenon tirani, yen yindum munkukarac iyem meno.
Jisasi yewapac yeremi yen namac kukandem wewamifo, wemi onaic iyemeno. Yeni tewayonuc kani indauranini, kamore nuran acnaempac Jerusalempac Jisasin enac uankayon ampamonin ukani tameno, Yeni anamuru waintan namac aseni Jerusalempaci ampamakeninu kani iyen indikemin tire tenoyo.
Afo Jisasi anufaren yen Koctin awaya yofainanim wainta wan tiyimemi. Yewekem profetiuci acnani teyomi, yofainanim wainta anawisic mandem pucemi kandac manawac nuran acnaempac ukukananin nani temi. Yekanda wararan indireyom makuy acdekac oraomi ayufunkemi.
Mini wainta kanda Jisasi yen namac wanowan indaurami eyon temi. Ayinkac yunan naran anufami, Jisasi breti mandemi Koctimpac tusu tiremi kicdemi. Akakaukami mana Jisasim wemi tire omare indirami mikake kafakemi.
Ye wainta kanda teni, "Jisasim wamino! Micnim mukami weni Koctin awaya takenin nuci tinduni yunkewam mino!" Akakaukami yeweke Jerusalempac oreni disaipoliuc tiyimeni, "Jisasi ayumi weno! Mayauni wemi oneko!"
Disaipoliuc we ase wami, Jisasi akakaukami ye wan dumukin afotafic emi temi, "Nanayin ikenkim wano!" Disaipoliuc waminon tire indirami, Jisasi temi, "Newaraci pekekaci kantar indirieka? Onako tiyanuc namac tikaruc namake. Wanuc iyen teni dukekunac ukam wu dukenono." Weni yunan amin narar yindaini, yunkakan kauyan kicdireni amemi nemi.
Jisasi temi, "Teni ikenan teci umacden andanda tenani Koctin awayasimi weninac ampamino. "Afo yenyic indin diyini Koctin awaya amankac mareno. Jisasi temi, "Peyukami tantemino manda kinke kunden tasasinanim wainta anawisic mandem, pucemi kandac manawac nuranic inami pukintinke ukukantemino."
"Koctin awayani afan yo kinkac waci tantemino tentic disaipoliuci omanan afotapac dani umacde yindum waecdami numo daon yinkanteno. Yeni Jerusalemiken kukandeni umacdempac wanta wakuyintinkac wintenono. Ikeni miniuci onakec indikamino."
Foti nuran anduntimi, Jisasi wenic disaipoliuc kaci amucnayaci afotafic emi. Mana yaci 500 wac yeankakan iniya waintauc kaci mana nuram manan afotafic emi. Amucna asapataci wenic disaipoliuc weni ayum pa weninan yocyikaremi Koctinic inarun nan tiyimemi.
Jisasi wenic disaipoliuc tiyimemi, "Umacden eram mana makakac namac inarumpac namac temi timikemino. Afo orec umacden wakusinkena iniya wainta tentic yokam waintauc uyinkarekaci, Tentifon namac wen Akac namac Acyunaun acnan yiwitin nom manyinkarec umacdem wayani ikenkac tekuna wac awakuroko. Omareka indeko teni umacden yamuci iken namaci wanteko.
Jisasin foti nuran wenic pukintinke ukukanin acnaempaci, wenic disaipoliuc tiyimemi, "Jerusalempac wanaci tentifo wenic eran yimino Acyunaum ikenaroc kundake." Jisasin inarumpac yereren urewami konan yen yukankac dacdemi. Jisasi Koctin ayankukampac kumantemi umacden andandauckac dafitemi.