unfoldingWord 19 - अगमजानी मन
![unfoldingWord 19 - अगमजानी मन](https://static.globalrecordings.net/300x200/z09_1Sa_10_02.jpg)
მონახაზი: 1 Kings 16-18; 2 Kings 5; Jeremiah 38
სკრიპტის ნომერი: 1219
Ენა: Surgujia
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z09_1Sa_10_02.jpg)
इसराईल कर पूरा बीतल कहनी में परमेसवर हर ओमन कर मंझारे अगमजानी मन ला भेजिस। अगमजानी मन परमेसवर जग ले जे संदेस ला सुने रहीन ओ संदेस ला आदमी मला सुनावत रहीन।
![](https://static.globalrecordings.net/300x200/z11_1Ki_18_01.jpg)
जे घरी इसराईल में अहाब राजा राएज करत रहिस। ते घरी एलिय्याह अगमजानी रहिस। अहाब एक बदमास आदमी रहिस अऊ ओहर आदमी मन ला मनाईस कि बाल नाव कर झुठा ईशवर कर आराधना करें। एलिय्याह हर अहाब जग कहिस जब ले में नई कहू तबले इसराईल में पानी नई बरस ही न ओस परही। ए गोइठ ला सुन के अहाब ढ़ेरे गुस्साए गईस।.
![](https://static.globalrecordings.net/300x200/z11_1Ki_17_01.jpg)
परमेसवर हर एलिय्याह जग कहिस “अहाब जग ले लूकाए जा काबर की ओ तोके ला मारे बर करत हवे”। ओहर सुनसान जंगल में एकठे झरना जग रहे लागीस। रोज दिन बिहनहा अऊ संझा कऊँअ हर ओकर जग रोटी अऊ मांस लानत रहीस। अहाब अऊ ओकर सिपाही मन एलिय्याह ला खोजत रहीन लेकिन नई पाईन। अकाल हर इतना जबरजस रहिस कि झरना कर पानी हर भी अटाये गईस।.
![](https://static.globalrecordings.net/300x200/z11_1Ki_17_05.jpg)
फेर एलिय्याह एकठे परोसी गाँव में गईस ऊहा एकठे विधवा सवांघिन अऊ ओकर बेटा रहत रहीन। अकाल कर चलते ओमन जग दाना पानी जम हर सिराऐ गए रहिस। लेकिन ओमन एलिय्याह कर ध्यान रखिन, परमेसवर हर एकस बुता करिस कि ओमन जग आटा अऊ तेल कर भाडा हर कभो खाली नई होईस। पूरा अकाल भर ओमन जग खाना खायेबर रहिस, एलिय्याह हर ऊहाँ चटिक बछर ले रहिस।.
![](https://static.globalrecordings.net/300x200/z11_1Ki_18_02.jpg)
साढ़े तीन बछर कर पाछु, परमेसवर हर एलिय्याह जग कहिस तैं इसराइल कर राज में फेर के आये जा अऊ अहाब जग गोठियाओ काबर कि परमेसवर हर फेर से पानी ला बरसाही। जे घरी आहाब हर एलिय्याह ला देखिस त ओहर कहीस “ऐ बदमास तैं इहां हवस”। एलिय्याह हर कहिस “तैं बदमास हवस, तैं यहोवा ला जेहर सच्चा परमेसवर हवे। ओला छोड़ देहे हवस अऊ बाल देवता कर आरधना करत हवस। इसराईल कर जम लोग मन ला कार्मेल पहार में जुटा”।
![](https://static.globalrecordings.net/300x200/z11_1Ki_18_03.jpg)
इसराईल कर जम झन कार्मेल पहार में आईन अऊ बाल कर ४५० अगमजानी मन भी आइन। एलिय्याह हर लोग मन जग कहिस कि “कब तक अपन मन ला बदलत रहिया अगर यहोवा परमेसवर हवे त ओकर सेवा करा अऊ यदि बाल ईश्वर हवे त ओकर सेवा करा”।
![](https://static.globalrecordings.net/300x200/z11_1Ki_18_04.jpg)
एलिय्याह हर बाल कर अगमजानी मन ला कहिस कि “एकठे बकरा ला मारा अऊ ओला बलिदान कर रूप में चढ़ावा लेकिन ओमे आगी मत लगईहा। महू वैसने करहूँ अऊ जे ईश्वर हर सवरग ले आगी उतार ही वही हर सच्चा परमेसवर हो ही। ते घरी बाल कर याजक मन बलिदान चढ़ाईन लेकिन आगी नई लगाईन।
![](https://static.globalrecordings.net/300x200/z11_1Ki_18_05.jpg)
फेर बाल कर अगमजानी मन बाल देवता जग बिनती करिन “हे बाल हमर सुन”। पूरा दिन ओमन प्राथर्ना करिन अऊ गुहार करिन अऊ अपन आप ला छुरी ले काट के लहू लहान होए गईन, लेकिन ओमन ला कांही उत्तर नई मिलिस।
![](https://static.globalrecordings.net/300x200/z11_1Ki_18_07.jpg)
बेर बूडत घरी एलिय्याह हर परमेसवर बर बली चढ़ाईस। फेर ओहर ओमन जग कहिस कि “बारह ठे बड़खा बड़खा गंघरी में पानी लाएन के बलिदान कर ऊपरे रिकोए देवा” की शिकार अऊ लकरी अऊ बेदी कर चारो कोनहा कर भुईया हर कनचा हो जाऐ।
![](https://static.globalrecordings.net/300x200/z11_1Ki_18_08.jpg)
फेर एलिय्याह हर बिनती करिस कि “हे यहोवा, अब्रहाम, इसहाक अऊ याकूब कर परमेसवर आएज हमके देखा कि इसराईल में तैं ही परमेसवर हवस अऊ मैं तोर दास हवों। मोके उत्तर दे कि लोग मन जाएन जाए कि सच्चा परमेसवर तैं ही हवस।
![](https://static.globalrecordings.net/300x200/z11_1Ki_18_09.jpg)
एकच दाएर बदरी ले आगी गिरीस। पूरा शिकार, लकरी, अऊ भुईया अऊ बेदी कर चारो कोनहा कर पानी ला झुरवाऐ देहीस। जे घरी लोग मन एला देखिन त भुईया में गिर के कहे लागीन “यहोवा परमेसवर हवे। यहोवा परमेसवर हवे”।
![](https://static.globalrecordings.net/300x200/z11_1Ki_18_10.jpg)
ते घरी एलिय्याह हर कहिस “बाल कर अगमजानी में ले कोई झइन बांचे। एकरले लोग मन बाल अगमजानी मन ला धएर धएर के दुरिहा ले गईन अऊ ओमन के माएर दारीन।
![](https://static.globalrecordings.net/300x200/z11_1Ki_18_11.jpg)
फेर एलिय्याह हर अहाब जग कहिस कि तैं झटेच के अपन राएज में फिर जा काबर कि अब पानी बरसे वाला हवे। झट के बदरी हर करिया होए गईस अऊ ढ़ेरे जोर से पानी बरसे लागीस। यहोवा हर अकाल ला ख़तम करिस अऊ ए साबित करिस कि मैं ही सच्चा परमेसवर लागो।.
![](https://static.globalrecordings.net/300x200/z12_2Ki_05_02.jpg)
एलिय्याह कर पाछु, परमेसवर हर एलिशा नाव कर आदमी ला चूनिस कि ओहर परमेसवर कर अगमजानी बने। परमेसवर हर एलिशा कर चलते कई मधे कर चमत्कार करिस। एकठे नमान नाव कर आदमी संग चमतकार होईस जेहर दुश्मन कर सेना पती रहिस। ओके भयंकर चमड़ी कर रोग रहिस। ओहर एलिशा कर बारे में सुनिस अऊ ओहर एलिशा जग चंगाई पाए बर आईस। एलिशा हर ओके कहिस कि तैं यरदन नदि में सात दाएर डुबकी लगा।
![](https://static.globalrecordings.net/300x200/z12_2Ki_05_10.jpg)
आगु नमान हर गुस्साए गईस अऊ डुबकी लगाए बर नई करत रहिस। काबर कि ओके एहर मुर्खता लागत रहिस। लेकिन ओहर पाछु अपन मन ला बदलीस अऊ यरदन नदि में सात दफे डुबकी लगाईस। सातवा दफे डुबकी लगा के पानी ले बहीर निकलिस ते घरी ओकर चरम रोग एक दम से खत्म हो गए रहिस। परमेसवर हर ओके चंगा करिस।
![](https://static.globalrecordings.net/300x200/z11_1Ki_20_03.jpg)
परमेसवर हर अऊ नगदेच अगमजानी मन ला भेजिस। ओमन लोग मन जग कहिन कि “मूर्ति कर आराधना करे बर बंद करें, अऊ करुणा अऊ नियाव कर काम करे। भविस वक्ता मन लोग मन ला चेताईन कि ओमन बुराई ले हट के परमेसवर कर आगियां नई मानही त परमेसवर हर ओमन ला दोसी पाए के ओमन ला सराएप देहि।
![](https://static.globalrecordings.net/300x200/z24_Jer_38_02.jpg)
ढ़ेरेच लोग मन परमेसवर कर आगियां ला नई मानिन। ओमन अगमजानी मन कर संगे बुरा बरताओ करिन अऊ कभो कभो ओमन के माएर दारीन। एक दफे यिर्मयाह अगमजानी ला एकठे झुरा कुआँ में मरे बर बोएझ देहे रहीन अऊ ओहर कुआँ कर भीतर माटी में फंस गए रहिस। लेकिन राजा हर ओकर उपर दया करके अपन सिपाही मन ला आगियां देहीस कि यिर्मयाह ला मरे ले पाहिले ओके कुआँ ले बहरी निकाएल लेवा।.
![](https://static.globalrecordings.net/300x200/z32_Jon_03_01.jpg)
अगमजानी मन परमेसवर कर वचन ला बताते गईन। लेकिन लोग मन ओमन के नई पतियावत रहीन। ओमन लोग मन ला चेतावनी देहिन कि यदि ओमन अपन पांप ला नई मान ही त परमेसवर चलते नाश होए जाही। ओमन लोग मन ला परमेसवर कर जबान कर गोईठ कर सुरता करवाईन कि परमेसवर कर मसीहा आए वाला हवे।