unfoldingWord 25 - Saitan pora Jisu ke Porikha Kurise
![unfoldingWord 25 - Saitan pora Jisu ke Porikha Kurise](https://static.globalrecordings.net/300x200/z40_Mt_04_04.jpg)
მონახაზი: Matthew 4:1-11; Mark 1:12-13; Luke 4:1-13
სკრიპტის ნომერი: 1225
Ენა: Nagamese
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z40_Mt_04_01.jpg)
Jisu laga baptisma hoa logote, Pobitro Aatma tai ke jongol te loijaise. Aru chalis din aru rati tok Jisu ta-te thakise. Utu homoite Jisu ekubi nakhaikena thakise, aru Saitan tu Jisu ke porikha kuribole ahise.
![](https://static.globalrecordings.net/300x200/z40_Mt_04_02.jpg)
Poila, Jisu ke Saitan pora koise, “Jodi apuni Isor laga Chokora ase koile apuni khabole itu pathorkhanke ruti banabi!”
![](https://static.globalrecordings.net/300x200/z40_Mt_04_03.jpg)
Hoilebi Jisu Saitan ke koise: “Isor laga kotha te ineka likhikena ase, ‘Manukhan jinda thakibole khali ruti he khaikena nohoe, hoilebi Isor taikhan ke ki kotha koiase, utu sob taikhan manikena thakibole lage!’”
![](https://static.globalrecordings.net/300x200/z40_Mt_04_04.jpg)
Tetia Saitan Jisuke Mondir laga sobse ucha jagate loijaise. Tai Jisuke koise: “Jodi apuni Isor laga Chokora ase koile, iyate pora nijeke nichete girabi, kilekoile Isor laga kotha ineka likhikene ase: ‘Isor tai laga duthkhanke pathaikene apunike dhurilobo aru apunilaga theng pathor pora jokhom nahobo.’”
![](https://static.globalrecordings.net/300x200/z40_Mt_04_05.jpg)
Hoilebi Saitan pora koa-a kotha Jisu ektabi kuranai. Aru Jisu tai ke koise: “Isor sob manukhan ke koi ase: “Apuni laga Isorke porikha nakuribi!”
![](https://static.globalrecordings.net/300x200/z40_Mt_04_06.jpg)
Tetia Saitan pora Jisuke prithibi laga rajyo sob dikhaise. Itu rajyokhan sob kiman takot ase aru kiman dhuni ase itu sob dikhaise. Tai Jisu ke koise; “Ami apuni ke itukhan sob dibo, hoilebi apuni ami laga age-te jhukikena amike puja kuribi.”
![](https://static.globalrecordings.net/300x200/z40_Mt_04_07.jpg)
Jisu jawab dise: “Ami usor pora jaijabi Saitan! Isor laga kothate likhikene ase, ‘Isor ke he puja koribi aru khali tai ke he adar dibi.”
![](https://static.globalrecordings.net/300x200/z40_Mt_04_08.jpg)
Saitan pora Jisuke porikha korise hoilebi Jisu ta-te giri janae, aru Saitan harikena jai jaise. Itu pichete sworgoduthkhan ahikena Jisu ke modot ku rise.