unfoldingWord 19 - Bhao-badikhan
![unfoldingWord 19 - Bhao-badikhan](https://static.globalrecordings.net/300x200/z09_1Sa_10_02.jpg)
მონახაზი: 1 Kings 16-18; 2 Kings 5; Jeremiah 38
სკრიპტის ნომერი: 1219
Ენა: Nagamese
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z09_1Sa_10_02.jpg)
Isor hodae Israel jatikhan karne tai laga bhaubadikhan pathai thakise. Bhaubadikhan pora Isor laga kotha hunikena, itu kotha manukhan ke janai di thakise.
![](https://static.globalrecordings.net/300x200/z11_1Ki_18_01.jpg)
Elijah bi ekjon bhaubadi thakise, jetia Ahab Israel rajyo te raja thakisile. Ahab bisi papi manu thakise. Tai pura manukhan ke misa laga isor Baal ke puja kuribo dibole kosis kurise. Itu nimite Elijah pora raja Ahab ke koise Isor pora manukhan ke sajai dibole. Tai koise: “Israel rajyo te borkhon pani nagiribo aru hawa-laga-pani bi nathakibo, jetia tok ami nakobo!” Itu kotha pora Ahab bisi khong hoikena tai Elijah ke morai dibole faisla kuriloise.
![](https://static.globalrecordings.net/300x200/z11_1Ki_17_01.jpg)
Itu nimite Isor pora Elijah ke ekta jongol te jaikena Ahab pora lukai jabi koise. Elijah ekta jongol te jaise, aru ekta dhara te jaise jun tu Isor pora taike jabi koise. Hodae phojir aru sam te, chiriakhan pora Elijah nimite khabole ruti aru mangsokhan anidi thakise. Itu homoete Ahab aru tailaga sipoikhan Elijah ke bisari thakise, hoilebi taikhan taike bisaribole paranai.
![](https://static.globalrecordings.net/300x200/z11_1Ki_17_05.jpg)
Pani nagiria nimite, olop pichete utu dhara bi sukhi jaise. Itu nimite, Elijah usorte thaka dusra desh te jai jaise. Utu desh te bisi dukhia mota-morija-a ekta maiki thakise. Tai laga ekta chokora bi thakise. Taikhan logote khabole nathaka hoijaise, kilekoile kheti te ekubi na-ula nimite. Hoilebi, utu maiki pora Elijah ke bisi bhal pora saise, aru Isor pora tai aru tai laga chokora nimite khabole di thakise, aru tailaga dekshi pora kitiabi ata khotom nahoe, aru tailaga borton pora tel khotom nahoekena thakise.
![](https://static.globalrecordings.net/300x200/z11_1Ki_18_02.jpg)
Tin sal adha pichete, Isor pora Elijah ke koise tae arubi borkhon pani pathabo. Tae Elijah ke Israel laga rajyo te jaikene Ahab logote kotha kobole koise. Itu nimite Elihjah Ahab logote jaise. Jetia Ahab taike dikhise, tai koise: “Apuni iyate ase, bisi digdar dia manu!” Elijah pora jawab dise: “Apuni ase jun digdar di ase! Apuni Jehovah ke pahorise. Tai he Isor ase hoilebi apuni Baal ke puja kuri ase. Itia apuni Israel rajyo te thaka manukhan sob ke Carmel pahar te anibi!”
![](https://static.globalrecordings.net/300x200/z11_1Ki_18_03.jpg)
Aru Israel laga sob manukhan Carmel pahar uporte jaise. Junkhan Baal laga kotha manukhan logote punchia ase utu khan bi ahise. Taikhan Baal laga bhaubadikhan asile. Taikhan milaikena 450 asile. Elijah pora manukhan ke koise: “Apunikhan laga bhabona kiman deri tok bodli kuri thakibo? Judi Jehovah Isor ase, taike puja kuribi. Hoilebi judi Baal he Isor ase koile, taike puja kuribi!”
![](https://static.globalrecordings.net/300x200/z11_1Ki_18_04.jpg)
Tetia Elijah pora Baal laga bhaubadikhan ke koise: “Ekta bhoisi ke maribi aru katikena mangso loikena puja kura jagate bolidan kuribi, hoilebi itu ke jui nadibi. Ami bi pichete ineka kuribo, aru ami mangso dusra puja kura jagate rakhibo. Tetia judi Isor pora jui pathaise koile, apunikhan tai he Isor ase koikena janibo.” Aru Baal laga bhaubadikhan bhoisi ke bolidan kurise hoilebi itu ke jui dianai.
![](https://static.globalrecordings.net/300x200/z11_1Ki_18_05.jpg)
Tetia Baal laga bhaubadikhan Baal ke prathna kurise; “Amikhan ke hunibi, Baal!” Pura din taikhan jor pora hala korikena prathna kurithakiae aru chaku pora nijor ke bi kati se hoilebi Baal pora eku jawab dianai aru jui pathai dianai.
![](https://static.globalrecordings.net/300x200/z11_1Ki_18_07.jpg)
Baal laga bhaubadikhan pura din hobole nisina Baal ke prathna kuri thakise. Aru taikhan rukhi jaise. Tetia Elijah pora Isor ke puja kuribole laga jaga dusra te bhoisi laga mangso rakhise. Itu pichete tai manukhan ke barohta dangor daba te pani anikena itu mangso, khuri aru mati upor sob te thik pura bhijai dibi koise.
![](https://static.globalrecordings.net/300x200/z11_1Ki_18_08.jpg)
Itu pichete Elijah prathna kurise: “Jehovah, Abraham, Isak aru Jakob laga Isor, aji amikhan ke dikhai dibi apuni he Israel laga Isor ase aru ami apuni laga noukar ase koikena. Ami ke jawab dibi ineka hoilehi itu manukhan sob pora apuni he Isor ase koikena janibo.”
![](https://static.globalrecordings.net/300x200/z11_1Ki_18_09.jpg)
Achanak akash pora jui giri se. Itu jui pora mangso, khuri, pathorkhan, mati aru itu usorte thakia pani khan sob jolai dise. Jetia manukhan itu dikhise, taikhan laga ghutna te girikena koise: “Jehovah he Isor ase! Jehovah he Isor ase!”
![](https://static.globalrecordings.net/300x200/z11_1Ki_18_10.jpg)
Tetia Elijah koise: “Baal laga bhaubadikhan ekjon kebi polabole nadibi!” Aru manukhan pora Baal laga bhaubadikhan ke dhurikena loijaise aru sob ke morai dise.
![](https://static.globalrecordings.net/300x200/z11_1Ki_18_11.jpg)
Tetia Elijah pora raja Ahab ke koise: “Itia apuni laga ghor te wapas jabi, kilekoile joldi borkhon pani giri bole ase.” Bisi joldi akash te kala hoi jaise aru bisi dangor borkhon pani giribole suru hoise. Jehovah pora pani-nathakia laga homoe par kuribo dise. Itu pora tae he Isor ase koikena dikhaise.
![](https://static.globalrecordings.net/300x200/z12_2Ki_05_02.jpg)
Jetia Elijah tae laga kam khan khotom kurise, Isor pora Elisha koikena ekta dusra manu ke tai laga bhaubadi kuribole nimite chani loise. Isor pora Elisha ke cholaikena bisi dangor aru asurit kamkhan kurise. Ekta asurit kam Namaan logote bi kurise. Tai dusman laga sipoi-foj laga senapati thakise, aru taike bisi bia chamara laga bimar thakise. Namaan pora Elisha laga kotha hunise, aru tai Elisha logote jaikena taike bhal kuri dibi koise. Elisha pora Namaan ke Jordan nodi te jaikena sat bar nijorke pani bhitorte ghusabi koise.
![](https://static.globalrecordings.net/300x200/z12_2Ki_05_10.jpg)
Namaan bisi khong hoise. Tai itu koribole mana nai, kilekoile tai nimite itu bisi dimag nathaka laga kam nisina lagise. Hoilebi pichete tai mon bodli kurise. Tai Jordan nodi te jaikena sat bar nijer ke pani te ghusai se. Jetia tai sat bar pichete pani upor te ulai se, Isor pora tai laga bimar bhal hoijaise.
![](https://static.globalrecordings.net/300x200/z11_1Ki_20_03.jpg)
Isor pora arubi dusra bhaubadi bisi Israel manukhan logote pathaise. Taikhan sob pora manukhan ke taikhan murti puja kuri thaka rukhai dibi koise. Aru taikhan ekjon-dusra-jon logote ki bhal ase itu kuribi koise aru morom kuribi koise. Bhaubadikhan manukhan ke pap kam sob charikena Isor laga kotha manibi koithakise. Judi manukhan pora itu kuranai koile, Isor pora taikhan galti ase koikena taikhan ke sajai dibo.
![](https://static.globalrecordings.net/300x200/z24_Jer_38_02.jpg)
Bisi bar, manukhan Isor laga kotha mananai. Taikhan bhaubadikhan ke bisi bia pora cholai se aru kunba ke moraidise. Ek bar taikhan bhaobadi Jeremiah ke sukha ko-a ekta te hali kene moribole rakhi dise. Tai ko-a laga nichete mati thaka bhitor te ghusi jaise. Hoilebi raja tai ke bisi morom hoijaise aru tailaga noukarkhan ke koikena Jeremiah namora age-te taike ko-a pora tanikena baharte ulabi koise.
![](https://static.globalrecordings.net/300x200/z32_Jon_03_01.jpg)
Manukhan taikhan ke bisi ghin korilebi, bhaubadikhan Isor laga kotha taikhan ke bisi koi thakise. Taikhan manukhan ke hosiar kurise judi taikhan laga pap laga maphi manganai koile, Isor taikhan ke khotom kuridibo. Taikhan pora manukhan ke Isor pora Masiha pathabole thaka laga kosom taikhan laga mon-te rakhibi koise.