unfoldingWord 21 - Pathianin Messia pek a tiam
![unfoldingWord 21 - Pathianin Messia pek a tiam](https://static.globalrecordings.net/300x200/z24_Jer_36_02a.jpg)
სკრიპტის ნომერი: 1221
Ენა: Mizo
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z01_Ge_03_08.jpg)
A tîr te atangin Pathianin Messia rawn tîr tûrin rêm a lo ruat tawh a. Messia rawn tirh a nih tur thu hi Adama leh Evi hnênah tiam hmasak bêr a ni a. Pathian chuan Evi aṭangin chithlah a lo piang ang a, ani chuan rûl lu a la tithitling ang tih a lo tiam tawh a. Evi bumtu rûl kha Setana a ni a. Chu thutiam awmzia chu Messia chuan Setana chu a la hneh dawn tihna a ni.
![](https://static.globalrecordings.net/300x200/z01_Ge_22_01.jpg)
Pathianin Abrahama hnênah amah kaltlangin khawvela hnam tin an la thawven tûr thu a tiam a. He malsawmna hi nakinah Messia lo kal huna tihfamkim tûr a ni. Ani chuan khawvela hnam tin te chhandam an nih theihna tûr kawng a la siamsak dawn a ni.
![](https://static.globalrecordings.net/300x200/z02_Ex_20_02.jpg)
Pathian chuan Mosia hnenah hun lo la kal turah Mosia ang zawlnei dang a la rawn tirh tur thu a tiam a. Hei hi nakin huna lo kal tur Messia chungchanga thutiam dang chu a ni.
![](https://static.globalrecordings.net/300x200/z10_2Sa_09_03.jpg)
Pathian chuan Lal Davida hnenah a thlahte zinga mi pakhat chu Pathian mite chunga lal a lo la nih tûr thu leh kumkhuain ro a la rêl tûr thu a tiam a. Chumi awmzia chu Messia chu Davida thlah ngei a la ni ang tihna a ni.
![](https://static.globalrecordings.net/300x200/z24_Jer_36_02.jpg)
Pathianin zawlnei Jeremia kaltlangin Sinai tlanga Israelte hnêna a thuthlung ang ni lo, Thuthlung Thar a la siam tûr thu a tiam ta a. Chu thuthlung tharah chuan Pathianin a dan chu mite thinlungah a ziak ang a, mite chuan Pathian chu mimal takin an hre tawh ang a, a mîte an ni ang a, an sualte a ngaidam tawh bawk ang. Messia ngei chuan Thuthlung Thâr chu a rawn ṭan ang.
![](https://static.globalrecordings.net/300x200/z24_Jer_36_02a.jpg)
Pathian zawlneite pawh chuan Messia chu zawlnei, puithiam leh lal a nih tûr thu an sawi a. Zawlnei chu Pathian thu hria a, mipuite hnêna Pathian thu puangtu chu a ni a. Pathianin Messia a rawn tirh tura chu zawlnei fel famkim a ni ang.
![](https://static.globalrecordings.net/300x200/z11_1Ki_06_01.jpg)
Israel puithiamte chuan mite chu an sualna avanga hremna an tawrh tûr ai inthawina Pathian hnenah an hlan a. Puithiamte pawh chuan Pathian hnênah mipuite tân an ṭawngṭai ṭhin a. Messia chu Pathian hnêna amah leh amah inthawina famkim anga inhlan tur a nih avangin puithiam lalber tha famkim a ni tur a ni.
![](https://static.globalrecordings.net/300x200/z66_Re_21_02.jpg)
Lal chu lalram awptu leh mipui rorêltu a ni a. Messia chu lal sawisêlbo, a thlahtu Davida lalṭhutphaha la rawn ṭhu tûr chu a ni. Khawvelah kumkhuain ro a la rêl ang a, ro fel taka rêlin diktakin thuthlukna a siam dawn a ni.
![](https://static.globalrecordings.net/300x200/z42_Lk_02_02.jpg)
Pathian zawlneite chuan Messia chungchang dang tamtak an hrilhlawk bawk a. Zawlnei Malakia chuan Messia rawn kal hmain zawlnei ropui tak a rawn kal tûr thu a hrilhlawk a. Zawlnei Isaia chuan Messia chu nula thianghlim aṭanga rawn piang tûr a nih thu a hrilhlawk a. Zawlnei Mika chuan Bethlehem khua a a pian tûr thu a hrilhlawk a ni.
![](https://static.globalrecordings.net/300x200/z42_LK_04_22.jpg)
Zawlnei Isaia chuan Messia chu Galili ah a cheng ang a, thinlung lungchhiate a thlamuan ang a, sala mante hnênah zalenna thu a puang ang a, tânina tangte hnenah chhuahna thu a la puang ang tih a sawi a. Messia chuan damlo te leh bengngawngte, mitdêlte, ṭawngtheilo te, leh kal theilo te a tihdam tûr thu a hrilhlawk bawk a.
![](https://static.globalrecordings.net/300x200/z42_Lk_04_17.jpg)
Zawlnei Isaia chuan Messia chu chhan awm lova huat a nih tûr thu leh hnawl a nih tûr thu a hrilhlawk bawk a. Zawlnei dangte chuan amah thattuten a kawr tân ṭhum an la vawr tûr thu leh ama ṭhian ngeiin a la phatsan tûr thu an sawi lawk a. Zawlnei Zakaria chuan a ṭhian hnênah chuan Isua a phatsan manah tangka sawmthum an la pêk tûr thu a lo sawi lawk tawh bawk a ni.
![](https://static.globalrecordings.net/300x200/z42_Lk_23_14.jpg)
Zawlneite chuan Messia thih dân tûr an hrilhlawk bawk a. Isaia chuan miten chil an chhak ang a, an hmusit ang a, an la vuak tûr thu a hrilhlawk a. Thil sual engmah ti lo mahse, an chhun ang a, hrehawmna leh lungngaihna nasa tak tuara a la thih tûr thu a lo sawi lawk a ni.
![](https://static.globalrecordings.net/300x200/z42_Lk_23_21.jpg)
Zawlneite chuan Messia chu mi famkim, sual nei lo a nih tur thu an sawi a. Mite sualna avanga hremna chu tawrhsakin a la thî ang a. A tawrhna chuan Pathian leh mihringte inkarah inrêmna a thlen ang a. Hemi avang hian, Messia tih hrehawma awmtîr chu Pathian duhdan reng a nih thu an sawi a.
![](https://static.globalrecordings.net/300x200/z43_Jn_20_06.jpg)
Zawlneite chuan Messia chu a thi ang a, mithi zing aṭang a tho leh ang tih an lo hrilhlawk a. Messia thihna leh thawhlehna avângin Pathianin misualte chhandamna tûr leh Thuthlung Thar bul ṭanna tûra a rêmruatna chu a tipuitling thei tawh ang tiin an lo hrilhlawk a.
![](https://static.globalrecordings.net/300x200/z41_Mk_13_07.jpg)
Pathian chuan zawlneite hnênah Messia chungchang tam tak a puang a, nimahsela, chung zawlneite hunlai chuan Messia chu a lo la kal lo a ni. Hrilhlawkna hnuhnung ber puan a nih hnu kum 400 chuang a liam hnu chuan, a hûn teah, Pathianin Messia chu khawvêlah a la rawn tîr dawn a ni.