unfoldingWord 20 - Sal tanna leh kir lehna
![unfoldingWord 20 - Sal tanna leh kir lehna](https://static.globalrecordings.net/300x200/z12_2Ki_25_07.jpg)
მონახაზი: 2 Kings 17; 24-25; 2 Chronicles 36; Ezra 1-10; Nehemiah 1-13
სკრიპტის ნომერი: 1220
Ენა: Mizo
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z11_1Ki_13_01.jpg)
Israel lalram leh Juda lalram te chu Pathian lakah an lo sual ta a. Pathianin Sinai tlânga an hnêna a thuthlung chu an lo bawhchhe ta a. An sual sima amah chibai bûk leh tura hrilh tûrin Pathianin an hnênah a zawlneite a tîr a, nimahsela, an awih duh lo va.
![](https://static.globalrecordings.net/300x200/z12_2Ki_15_04.jpg)
Chuvangin, Pathianin lalram pahnihte chu hremin, an hmelmaten a an hneh a rêmti ta a. Assuria lalram thiltithei leh nunrawng tak chuan Israel lalram chu a hneh ta a ni. Assuria te chuan Israel lalrama mi tam takte chu an that a, thil hlu tinrêngte chu an la a, a ram chhung hmun tâm tak chu an hal ta a.
![](https://static.globalrecordings.net/300x200/z12_2Ki_17_03.jpg)
Assuariate chuan hruaitu zawng zawngte, mi hausa te, leh mi themthiamte chu an khalhkhawm a, Assuria ramah an hruai ta a. An thah bâng Israel mi rethei tak tak te chauh Israel lalramah chuan an châmbâng ta a.
![](https://static.globalrecordings.net/300x200/z12_2Ki_17_04.jpg)
Tin, Assuariate mite chuan Israel lalram lo din tawhna ah chuan ramdang mite an awmtîr a. Chung ramdang mîte chuan khawpui chhe tawhte chu an din ṭha leh a, Israel lo la chambangte chu nupui pasalah te an nei a. Israel mi, ramdang mi nupuia neite thlah kal zel te chu Samari mi tih an lo ni ta a ni.
![](https://static.globalrecordings.net/300x200/z12_2Ki_22_01.jpg)
Juda lalrama awmte chuan Israel lalrama awmtena Pathian an rîn loh avang leh a thu an awih loh avanga Pathianin a hrem dan te chu an lo hria a. Nimahsela, milemte, Kanaan mite pathiante pawh, an la be rêng thova. Pathian chuan anmahni zilh turin zawlneite a tîr a, nimahsela, an awih duh chuang lova.
![](https://static.globalrecordings.net/300x200/z12_2Ki_15_02.jpg)
Assuria miten Israel lalram an tihchhiat atanga kum 100 vel a ral hnu chuan, Pathianin Babulon lal, Nebukadnezzara chu Juda lalram do turin a tir ta a ni. Babulon chu lalram thiltithei tak a ni a. Juda lal chuan Nebukadnezzara sal a awm leh a hnena kumtin sum ṭhahnem tak pek a remti ta a ni.
![](https://static.globalrecordings.net/300x200/z12_2Ki_25_05.jpg)
Nimahsela, kum rei vak lo hnuah chuan, Juda lalram chu Babulon lakah a hel ta a. Tichuan, Babulon mite chu an rawn kir leh a, Juda lalram chu an bei ta a. Jerusalem khawpui chu an la a, Temple chu an tichhia a, khawpui leh Temple a ro zawng zawng chu an la vek a.
![](https://static.globalrecordings.net/300x200/z12_2Ki_25_04.jpg)
Juda lal chu a hel avanga amah hremna turin Nebukadnezzara sipaite chuan lal fapate chu lal hmaah chuan an tihlum ta a, tichuan, amah pawh a mit an tihdelsak a. Chumi zawhah chuan, lal chu Babulon tânina thih thlênga tâng turin an hruaichhuak ta a.
![](https://static.globalrecordings.net/300x200/z12_2Ki_25_07.jpg)
Nebukadnezzara leh a sipaite chuan Juda lalrama mi zawng zawng deuhthaw chu Babulonah an hruai ta a, mi rethei bêr bêr te chauh chu thlai chingtu atan an hnutchhiah ta a ni. Hemi hun, Pathian mîten tihluihnaa Ramtiam an chhuahsan hun hi, Saltan lai tia hriat a ni.
![](https://static.globalrecordings.net/300x200/z26_Eze_02_02.jpg)
Pathian chuan an sualna avangin ramdangah awmtîr mahsela, anmahni leh a thutiamte chu a theihnghilh lo va. Pathian chuan a mîte chu ngaihvenin an hnênah a zawlneite hmangin thu a la sawi chhunzawm reng a. Kum sawmsarih hnuah Ramtiama an la kîr leh tûr thu a tiam a.
![](https://static.globalrecordings.net/300x200/z27_Da_06_01.jpg)
Kum sawmsarih vel hnuah chuan, Persia lal Kuran Babulon mite chu a hneh a, tichuan, Persia lalram chuan Babulon lalram chu a rawn luahlan ta a. Israel mite chu Judate tia hriat an lo ni ta a, an zinga a tam zawkte chu Babulonah an damchhûngin an awm ta a. Juda mi upa tawh tak tlêmte te chauhvin Juda ram chu an la hre reng a.
![](https://static.globalrecordings.net/300x200/z15_Ezr_01_01.jpg)
Persia lalram chu ram chak tak nimahsela, a ram lak mipuite chungah chuan zah a ngai thei thung a. Kura chu Persia lal a nih hnu rei lo tê ah Juda mi tupawh Juda rama kîr leh duh apiang Persia ram an chhuahsan theihna tur thupêk a chhuah ta a. An hnenah Temple sak ṭhat lehna tur sum pawh a pe bawk a! Tichuan, kum sawmsarih chhung sala an tân hnuin, Juda mi tlemte ho khat chu Juda ram Jerusalemah chuan an kîr leh ta a ni.
![](https://static.globalrecordings.net/300x200/z16_Ne_03_01.jpg)
Mipuiten Jerusalem an lo thlen chuan, Temple leh khawpui bangte chu an din ṭha leh a. Hnamdangten an chungah ro la rêl hrih mahse, Ramtiamah chuan an chêng leh ta a, Temple ah Pathian chibai an bûk leh thei ta a ni.