unfoldingWord 19 - ຜູ້ປະກາດພຣະຄຳຂອງພຣະເຈົ້າ
![unfoldingWord 19 - ຜູ້ປະກາດພຣະຄຳຂອງພຣະເຈົ້າ](https://static.globalrecordings.net/300x200/z09_1Sa_10_02.jpg)
მონახაზი: 1 Kings 16-18; 2 Kings 5; Jeremiah 38
სკრიპტის ნომერი: 1219
Ენა: Lao
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z09_1Sa_10_02.jpg)
ໃນປະຫວັດສາດຂອງອິດສະລາເອນ ພຣະເຈົ້າໄດ້ສົ່ງຜູ້ປະກາດພຣະຄຳຫຼາຍຄົນມາຫາພວກເຂົາ. ຜູ້ປະກາດພຣະຄຳຈະໄດ້ຍິນຖ້ອຍຄຳຂອງພຣະເຈົ້າ ແລ້ວກໍນຳເອົາຖ້ອຍຄຳນັ້ນໄປບອກໃຫ້ປະຊາຊົນທຸກຄົນ
![](https://static.globalrecordings.net/300x200/z11_1Ki_18_01.jpg)
ເອລີຢາກໍເປັນຜູ້ປະກາດພຣະຄຳຄົນໜຶ່ງໃນຊ່ວງທີ່ອາຮາບເປັນກະສັດປົກຄອງອານາຈັກອິດສະລາເອນ. ອາຮາບເປັນຄົນຊົ່ວ ເພາະລາວໄດ້ບອກໃຫ້ປະຊາຊົນນະມັດສະການພະປອມທີ່ຊື່ວ່າ ພະບາອານ. ເອລີຢາເວົ້າກັບກະສັດອາຮາບວ່າ, “ນັບຈາກນີ້ອານາຈັກອິດສະລາເອນຈະບໍ່ມີຝົນຫຼືນ້ຳໝອກ ຈົນກວ່າເຮົາຈະສັ່ງໃຫ້ມີຝົນຕົກ.”ແລະ ນັ້ນເຮັດໃຫ້ກະອາຮາບໃຈຮ້າຍຫຼາຍ.
![](https://static.globalrecordings.net/300x200/z11_1Ki_17_01.jpg)
ພຣະເຈົ້າບອກໃຫ້ເອລີຢາໜີໄປອາໄສຢູ່ໃກ້ແມ່ນ້ຳໃນຖິ່ນແຫ້ງແລ້ງກັນດານເພື່ອລີ້ກະສັດອາຮາບທີ່ຕ້ອງການຂ້າເພິ່ນ. ທຸກໆເຊົ້າແລະທຸກໆແລງພຣະເຈົ້າໃຫ້ນົກຄາບເຂົ້າຈີ່ແລະຊີ້ນມາໃຫ້ເອລີຢາ. ກະສັດອາຮາບແລະກອງທັບຂອງເພິ່ນໄດ້ຊອກຫາເອລີຢາແຕ່ພວກເຂົາກໍບໍ່ພົບ. ໄພແລ້ງຮຸນແຮງຫຼາຍຈົນໃນທີ່ສຸດແມ່ນ້ຳກໍແຫ້ງລົງ.
![](https://static.globalrecordings.net/300x200/z11_1Ki_17_05.jpg)
ສະນັ້ນເອລີຢາຈິ່ງເດີນທາງໄປຍັງປະເທດທີ່ຢູ່ໃກ້ຄຽງ.ແມ່ໝ້າຍແລະລູກຊາຍຂອງນາງໃນປະເທດນັ້ນມີອາຫານທີ່ເກືອບຈະໝົດແລ້ວເພາະໄພອຶດຢາກໃນປະເທດນັ້ນ ແຕ່ພວກເຂົາກໍຍັງເບິ່ງແຍງເອລີຢາ ແລ້ວພຣະເຈົ້າກໍຊົງຈັດຕຽມໃຫ້ກັບພວກເຂົາໂດຍບໍ່ໃຫ້ແປ້ງແລະນ້ຳມັນໃນໄຫໝົດຈັກເທື່ອ. ພວກເຂົາມີອາຫານກິນຈົນຜ່ານພົ້ນໄພອຶດຢາກ. ເອລີຢາໄດ້ພັກຢູ່ທີ່ນັ້ນເປັນເວລາຫຼາຍປີ
![](https://static.globalrecordings.net/300x200/z11_1Ki_18_02.jpg)
ຫຼັງຈາກ 3 ປີເຄິ່ງ, ພຣະເຈົ້າບອກໃຫ້ເອລີຢາກັບຄືນໄປຍັງອານາຈັກອິດສະລາເອນແລະໄປເວົ້າກັບກະສັດອາຮາບວ່າລາວກຳລັງຈະສັ່ງໃຫ້ຝົນຕົກອີກຄັ້ງ. ເມື່ອກະສັດອາຮາບເຫັນເອລີຢາ ເພິ່ນຈິ່ງເວົ້າວ່າ, “ເຈົ້າມາແລ້ວຫວາ! ເຮັດໃຫ້ເກີດຄວາມຍາກລຳບາກ!” ເອລີຢາຕອບວ່າ, “ທ່ານນັ້ນແຫຼະ ເປັນຜູ້ເຮັດໃຫ້ເກີດຄວາມຍາກລຳບາກ! ທ່ານໄດ້ປະຖິ້ມພຣະເຈົ້າຢາເວ, ອົງເປັນພຣະເຈົ້າທີ່ແທ້ຈິງ ແລະໄປນະມັດສະການພະບາອານ. ຈົ່ງນຳປະຊາຊົນອິດສະລາເອນທຸກຄົນໄປຍັງພູເຂົາກາເມນ!”
![](https://static.globalrecordings.net/300x200/z11_1Ki_18_03.jpg)
ປະຊາຊົນອິດສະລາເອນໝົດທຸກຄົນລວມທັງຜູ້ປະກາດພຣະຄຳຂອງພະບາອານຈຳນວນ 450 ຄົນ ມາຍັງພູເຂົາກາເມນ. ເອລີຢາເວົ້າກັບປະຊາຊົນວ່າ, “ດົນປານໃດພວກທ່ານຈິ່ງຈະປ່ຽນຄວາມຄິດຂອງພວກເຈົ້າ? ຖ້າພຣະເຈົ້າຢາເວຊົງເປັນພຣະເຈົ້າ ກໍຈົ່ງຮັບໃຊ້ພຣະອົງ! ແຕ່ຖ້າບາອານເປັນພະຂອງພວກເຈົ້າ ຈົ່ງຮັບໃຊ້ມັນຊະ!”
![](https://static.globalrecordings.net/300x200/z11_1Ki_18_04.jpg)
ແລ້ວເອລີກໍເວົ້າກັບຜູ້ປະກາດພຣະຄຳຂອງພະບາອານວ່າ, “ຈົ່ງຂ້າງົວເພື່ອຖວາຍເປັນເຄື່ອງບູຊາ ແຕ່ຢ່າຈຸດໄຟເຜົາ ແລ້ວເຮົາກໍຈະເຮັດຢ່າງດຽວກັນ. ພຣະເຈົ້າທີ່ຕອບຮັບການຖວາຍດ້ວຍໄຟຈະເປັນພຣະເຈົ້າທີ່ແທ້ຈິງ.” ສະນັ້ນພວກປະໂລຫິດຂອງພະບາອານຈິ່ງຈັດຕຽມເຄື່ອງຖວາຍບູຊາ ແຕ່ພວກເຂົາບໍ່ຈຸດໄຟ.
![](https://static.globalrecordings.net/300x200/z11_1Ki_18_05.jpg)
ຈາກນັ້ນບັນດາປະໂລຫິດຂອງພະບາອານກໍເລີ່ມອະທິຖານຕໍ່ພະບາອານວ່າ, ໂອ້ຈົ່ງຟັງພວກຂ້ານ້ອຍດ້ວຍເທີ້ນ ພະບາອານເອີ້ຍ!” ພວກເຂົາອະທິຖານຕະຫຼອດທັງວັນ ທັງມີບາງຄົນເອົາມີດປາດຕົວເອງ, ແຕ່ກໍຍັງບໍ່ໄດ້ຮັບຄຳຕອບຫຍັງເລີຍ.
![](https://static.globalrecordings.net/300x200/z11_1Ki_18_07.jpg)
ໃນຕອນແລງ ເອລີຢາໄດ້ຈັດຕຽມເຄື່ອງຖວາຍບູຊາຕໍ່ພຣະເຈົ້າ. ແລ້ວລາວກໍບອກກັບປະຊາຊົນໃຫ້ຖອກນ້ຳຈຳນວນ12 ໄຫໃຫຍ່ ໃສ່ເທິງເຄື່ອງບູຊາຈົນເຮັດໃຫ້ຊີ້ນ, ໄມ້ ແລະແມ່ນແຕ່ພື້ນດິນອ້ອມຮອບແທ່ນບູຊານັ້ນປຽກໝົດ.
![](https://static.globalrecordings.net/300x200/z11_1Ki_18_08.jpg)
ແລ້ວເອລີຢາກໍອະທິຖານຕໍ່ພຣະເຈົ້າວ່າ, “ຂ້າແດ່ພຣະເຈົ້າຢາເວ, ພຣະເຈົ້າຂອງອັບຣາຮາມ,ອີຊາກແລະຢາໂຄບ, ຂໍພຣະອົງຊົງສຳແດງໃຫ້ພວກເຮົາເຫັນໃນມື້ນີ້ວ່າພຣະອົງຊົງເປັນພຣະເຈົ້າຂອງອິດສະລາເອນ ແລະ ຂ້າພະອົງກໍເປັນຂ້າໃຊ້ຂອງພຣະອົງ. ຂໍພຣະອົງຊົງຕອບຂ້າພະອົງ ເພື່ອຄົນທັງຫຼາຍຈະໄດ້ຮູ້ວ່າພຣະອົງຊົງເປັນພຣະເຈົ້າທ່ຽງແທ້.”
![](https://static.globalrecordings.net/300x200/z11_1Ki_18_09.jpg)
ໃນທັນໃດນັ້ນ, ກໍມີໄຟຕົກລົງມາຈາກທ້ອງຟ້າ ແລະໄໝ້ຊີ້ນ, ໄມ້, ກ້ອນຫີນ ກັບພື້ນດິນ ແລະໄໝ້ແມ່ນແຕ່ນຳ້ທີ່ຂຸດອ້ອມແທ່ນບູຊານັ້ນ. ເມື່ອປະຊາຊົນເຫັນເຊັ່ນນີ້, ພວກເຂົາກໍກົ້ມລົງຈຳພື້ນດິນ ແລະກ່າວວ່າ, “ຢາເວ ຜູ້ຊົງເປັນພຣະເຈົ້າ! ຢາເວ ຜູ້ຊົງເປັນພຣະເຈົ້າ!” ຫຼັງຈາກນັ້ນ,
![](https://static.globalrecordings.net/300x200/z11_1Ki_18_10.jpg)
ເອລີຢາກໍກ່າວວ່າ, ຢ່າປ່ອຍໃຫ້ຜູ້ທຳນວາຍຂອງພຣະບາອານລອດໄປໄດ້ແມ່ນແຕ່ຄົນດຽວ!” ປະຊາຊົນກໍພາກັນນຳເອົາພວກຜູ້ທຳນວາຍຂອງພຣະບາອານອອກໄປຈາກທີ່ນັ້ນ ແລະຂ້າພວກເຂົາຖິ້ມເສຍ.
![](https://static.globalrecordings.net/300x200/z11_1Ki_18_11.jpg)
ແລ້ວເອລີຢາກໍເວົ້າກັບກະສັດອາຮາບວ່າ, “ຈົ່ງຟ້າວກັບຄືນໄປໃນເມືອງດຽວນີ້ ເພາະຝົນກຳລັງຈະຕົກ.” ໃນບໍ່ດົນທ້ອງຟ້າກໍເລີ່ມມືດລົງ ແລະຝົນກໍເລີ່ມຕົກຢ່າງໜັກ. ພຣະເຈົ້າຢາເວຊົງເຮັດໃຫ້ໄພອຶດຢາກນັ້ນໝົດໄປແລະຊົງພິສູດໃຫ້ເຫັນວ່າພຣະອົງຊົງເປັນພຣະເຈົ້າທີ່ທ່ຽງແທ້.
![](https://static.globalrecordings.net/300x200/z12_2Ki_05_02.jpg)
ຫຼັງຈາກສະໄໝຂອງເອລີຢາຈົບລົງ, ພຣະເຈົ້າໄດ້ເລືອກເອົາຊາຍຄົນໜຶ່ງຊື່ ເອລີຊາເພື່ອເປັນຜູ້ປະກາດພຣະຄຳຂອງພຣະອົງ. ພຣະເຈົ້າໄດ້ຊົງກະທຳການອັດສະຈັນຜ່ານເອລີຊາ. ໜຶ່ງໃນການອັດສະຈັນນັ້ນໄດ້ເກີດຂຶ້ນກັບນາອາມານ ຜູ້ເປັນຜູ້ບັນຊາການກອງທັບຂອງສັດຕູ. ລາວເປັັນພະຍາດຂີ້ທູດທີ່ທຸກທໍລະມານຫຼາຍ. ລາວໄດ້ຍິນເລື່ອງຂອງເອລີຊາ ລາວຈິ່ງໄປຂໍໃຫ້ເອລີຊາຮັກສາລາວ. ເອລີຊາຈິ່ງໄດ້ບອກໃຫ້ນາອາມານໄປຈຸ່ມຕົວຂອງລາວເອງລົງໃນແມ່ນ້ຳຈໍແດນ7ຄັ້ງ.
![](https://static.globalrecordings.net/300x200/z12_2Ki_05_10.jpg)
ໃນຕອນທຳອິດ ນາອາມານລ໊ກຈຮ້າຍຫຼາຍ ແລະ ບໍ່ເຮັດເພາະຄິດວ່າມັນເປັນການກະທຳທີ່ໂງ່ຈ້າ. ແຕ່ພາຍຫຼັງລາວກໍປ່ຽນໃຈແລະກັບໄປຈຸ່ມຕົວລົງໃນແມ່ນ້ຳຈໍແດນ7ຄັ້ງ. ເມື່ອລາວຂຶ້ນຈາກນ້ຳຄັ້ງສຸດທ້າຍ ຜິວຂອງລາວກໍສະອາດ.! ພຣະເຈົ້າໄດ້ຮັກສາລາວ
![](https://static.globalrecordings.net/300x200/z11_1Ki_20_03.jpg)
ພຣະເຈົ້າໄດ້ສົ່ງຜູ້ປະກາດພຣະຄຳຄົນອື່ນໆອີກຫຼາຍຄົນ. ພວກເຂົາບອກໃຫ້ປະຊາຊົນຢຸດນະມັດສະການຮູບເຄົາລົບ ແລະ ໃຫ້ເລີ່ມສະແດງຄວາມຍຸດຕິທຳແລະຄວາມເມດຕາຕໍ່ຄົນອື່ນ. ພວກຜູ້ປະກາດພຣະຄຳໄດ້ເຕືອນພວກປະຊາຊົນວ່າ ຖ້າພວກເຂົາຍັງບໍ່ເຊົາເຮັດຊົ່ວແລະຫັນກັບມາເຊື່ອຟັງພຣະເຈົ້າ, ພຣະເຈົ້າຈະຕັດສິນພວກເຂົາວ່າເປັນຄົນບາບ ແລະລົງໂທດພວກເຂົາ
![](https://static.globalrecordings.net/300x200/z24_Jer_38_02.jpg)
ຫຼາຍຕໍ່ຫຼາຍຄັ້ງທີ່ປະຊາຊົນບໍ່ຍອມເຊື່ອຟັງພຣະເຈົ້າ. ພວກເຂົາເຮັດສິ່ງທີ່ບໍ່ດີຕໍ່ບັນດາຜູ້ປະກາດພຣະຄຳ ແລະ ບາງຄັ້ງກໍເຖິງຂັ້ນຂ້າພວກເຂົາ. ມີຄັ້ງໜຶ່ງ, ຜູ້ປະກາດພຣະຄຳເຢເຣມີຢາຖືກໂຍນລົງໄປໃນນ້ຳສ້າງແລະປ່ອຍໃຫ້ຕາຍ. ລາວຈົມລົງໄປໃນຂີ້ຕົມກົ້ນນ້ຳສ້າງ ແຕ່ກະສັດຍັງມີຄວາມເມດຕາ ຈຶ່ງໄດ້ສັ່ງໃຫ້ຄົນຮັບໃຊ້ດຶງເອົາເຢເຣມີຢາຂຶ້ນມາຈາກນ້ຳສ້າງກ່ອນທີ່ລາວຈະຕາຍ.
![](https://static.globalrecordings.net/300x200/z32_Jon_03_01.jpg)
ພວກຜູ້ປະກາດພຣະຄຳຍັງສືບຕໍ່ເວົ້າແທນພຣະເຈົ້າ ເຖິງວ່າປະຊາຊົນຈະກຽດຊັງພວກເຂົາ. ພວກເຂົາເຕືອນປະຊາຊົນວ່າພຣະເຈົ້າຈະທຳລາຍພວກເຂົາຖ້າພວກເຂົາບໍ່ກັບໃຈ. ພຣະເຈົ້າຍັງຢ້ຳເຕືອນປະຊາຊົນເຖິງຄຳສັນຍາຂອງການສະເດັດມາຂອງພຣະເມຊີອາ.