unfoldingWord 10 - ໄພພິບັດ 10 ຢ່າງ
![unfoldingWord 10 - ໄພພິບັດ 10 ຢ່າງ](https://static.globalrecordings.net/300x200/z02_Ex_08_06.jpg)
მონახაზი: Exodus 5-10
სკრიპტის ნომერი: 1210
Ენა: Lao
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z02_Ex_10_04.jpg)
ໂມເຊ ແລະ ອາໂລນ ໄດ້ໄປຫາກະສັດຟາໂລ ແລະ ບອກວ່າ: ນີ້ແມ່ນຄໍາເວົ້າຂອງພະເຈົ້າແຫ່ງອິດສະລາເອນກ່າວ: “ຈົ່ງປ່ອຍປະຊາຊົນຂອງເຮົາໄປ”, ແຕ່ຟາໂລບໍ່ເຊື່ອຟັງທີ່ພະເຈົ້າບອກ. ແທນທີ່ຈະປ່ອຍປະຊາຊົນອິດສະລາເອນໄປ, ແຕ່ກັບບັງຄັບເຂົາເຮັດວຽກໜັກກ່ວາເກົ່າ.
![](https://static.globalrecordings.net/300x200/z02_Ex_10_06.jpg)
ກະສັດຟາໂລປະຕິເສດທີ່ຈະປ່ອຍປະຊາຊົນອິດສະລາເອນໄປ, ດັ່ງນັ້ນພະເຈົ້າໄດ້ເຮັດໃຫ້ເກີດໄພພິບັດໃຫຍ່ 10 ຢ່າງໃນເອຢິບ. ຈາກໄພພິບັດດັ່ງກ່າວ, ພະເຈົ້າຢາກສະແດງໃຫ້ກະສັດຟາໂລເຫັນວ່າ ພະອົງຊົງມີລິດອໍານາດຍິ່ງໃຫ່ຍກ່ວາກະສັດຟາໂລ ແລະ ພະເຈົ້າຂອງເອຢິບ.
![](https://static.globalrecordings.net/300x200/z02_Ex_07_04.jpg)
ພະເຈົ້າໄດ້ເຮັດໃຫ້ແມ່ນໍ້ານາຍກາຍເປັນເລືອດ, ແຕ່ກະສັດຟາໂລບໍ່ຍອມປ່ອຍປະຊາຊົນອິດສະລາເອນໄປ.
![](https://static.globalrecordings.net/300x200/z02_Ex_08_02.jpg)
ພະເຈົ້າໄດ້ສົ່ງກົບລົງມາເຕັມເມືອງເອຢິບ. ຟາໂລໄດ້ຂໍໃຫ້ໂມເຊໄລ່ກົບອອກຈາກເມືອງເອຢິບ, ເມື່ອກົບຕາຍໝົດ, ກະສັດຟາໂລກໍ່ຍັງໃຈແຂງກະດ້າງ ແລະ ບໍ່ຍອມປ່ອຍປະຊາຊົນອິດສະລາເອນໄປຈາກເອຢິບ.
![](https://static.globalrecordings.net/300x200/z02_Ex_08_06.jpg)
ດັ່ງນັ້ນພະເຈົ້າໄດ້ສົ່ງຝູງຮີ້ນ. ຫຼັງຈາກນັ້ນພະເຈົ້າກໍ່ຍັງສົ່ງຝູງເຫຼືອກ. ກະສັດຟາໂລໄດ້ຂໍໃຫ້ໂມເຊ ແລະ ອາໂລນໄລ່ໄພພິບັດດັ່ງກ່າວອອກໄປແລ້ວຈະປ່ອຍຊາວອິດສະລະເອນອອກຈາກເອຢິບ. ເມື່ອໂມເຊອະທິຖານຕໍ່ພະເຈົ້າ, ພະເຈົ້າຈຶ່ງເຮັດໃຫ້ຝູງເຫຼືອກດັ່ງກ່າວໝົດໄປຈາກເອຢິບ, ແຕ່ກະສັດຟາໂລຍັງສືບຕໍ່ໃຈແຂງດື້ດຶງບໍ່ຍອມປ່ອຍປະຊາຊົນອິດສະເອນໃຫ້ເປັນອິດສະລະ.
![](https://static.globalrecordings.net/300x200/z02_Ex_09_02.jpg)
ຕໍ່ມາພະເຈົ້າໄດ້ເຮັດໃຫ້ສັດລ້ຽງທຸກໂຕຂອງປະຊາຊົນເອຢິບລົ້ມປ່ວຍ ແລະ ຕາຍຈົນໝົດ. ແຕ່ກະສັດຟາໂລກໍ່ຍັງໃຈແຂງ ແລະ ບໍ່ຍອມປ່ອຍປະຊາຊົນອິດສະລະເອນໄປ.
![](https://static.globalrecordings.net/300x200/z02_Ex_09_03.jpg)
ພະເຈົ້າບອກໂມເຊປ່ອຍຂີ້ເຖົ່າໃນອາກາດຕໍ່ໜ້າຟາໂລ. ເມື່ອລາວເຮັດແບບນັ້ນ, ພະຍາດຜິວໜັງຮ້າຍແຮງກໍ່ເກີດຂຶ້ນ ກັບ ປະຊາຊົນເອຢິບທຸກຄົນ, ແຕ່ຍົກເວັ້ນປະຊາຊົນອິດສະລາເອນ. ພະເຈົ້າເຮັດໃຫ້ກະສັດຟາໂລໃຈແຂງຂຶ້ນກ່ວາເກົ່າ ແລະ ຟາໂລກໍ່ບໍ່ປ່ອຍປະຊາຊົນອິດສະລາເອນໄປ.
![](https://static.globalrecordings.net/300x200/z02_Ex_09_04.jpg)
ຫຼັງຈາກນັ້ນພະເຈົ້າກໍ່ເຮັດໃຫ້ເກີດຝົນໝາກເຫັບທີ່ເຮັດໃຫ້ພືດຜົນຂອງຊາວເອຢິບຖືກທໍາລາຍໝົດ ແລະ ທຸກຄົນທີ່ອອກຈາກບ້ານຈະຕາຍໝົດ. ກະສັດຟາໂລຈຶ່ງເອີ້ນໂມເຊ ແລະ ອາໂລນມາຫາແລ້ວກ່າວວ່າ: ເຮົາມີບາບ. ເຈົ້າຈົ່ງພາປະຊາຊົນຂອງເຈົ້າອອກຈາກເມືອງເຮົາໄປ. ດັ່ງນັ້ນ ໂມເຊຈຶ່ງອະທິຖານກັບພະເຈົ້າແລ້ວຝົນໝາກເຫັບກໍ່ເຊົາຕົກລົງມາຈາກທ້ອງຟ້າ.
![](https://static.globalrecordings.net/300x200/z02_Ex_09_07.jpg)
ແຕ່ກະສັດຟາໂລກໍ່ເຮັດບາບອີກຄັ້ງ, ລາວບໍ່ຍອມປ່ອຍຊາວອິດສະລາເອນໄປ ແລະ ຍັງສືບຕໍ່ໃຈແຂງກະດ້າງ.
![](https://static.globalrecordings.net/300x200/z02_Ex_09_08.jpg)
ພະເຈົ້າຈຶ່ງເຮັດໃຫ້ເກີດຝູງຕັກແຕນເຕັມໄປທົ່ວເມືອງເອຢິບ. ຝູງຕັກແຕນໄດ້ກີນພືດຜົນທີ່ໝາກເຫັບທໍາລາຍບໍ່ໝົດ.
![](https://static.globalrecordings.net/300x200/z02_Ex_10_08.jpg)
ແລ້ວພະເຈົ້າໄດ້ສົ່ງຄວາມມືດຫຼັງຈາກສາມມື້ສຸດທ້າຍ. ມັນມືດຫຼາຍຈົນປະຊາຊົນເອຢິບບໍ່ສາມາດອອກຈາກບ້ານເຂົາໄດ້. ແຕ່ບ່ອນທີ່ຊາວອິດສະລາເອນຢູ່ແມ່ນແຈ້ງສະຫວ່າງ.
![](https://static.globalrecordings.net/300x200/z02_Ex_10_09.jpg)
ຫຼັງຈາກເກົ້າໄພພິບັດທີ່ພະເຈົ້າໄດ້ສົ່ງມາສູ່ເອຢິບ, ກະສັດຟາໂລຍັງຄົງປະຕິເສດທີ່ຈະປ່ອຍປະຊາຊົນອິດສະລາເອນເປັນອິດສະລະ. ນັບຕັ້ງແຕ່ຟາໂລບໍ່ເຊື່ອຟັງ, ພະເຈົ້າວາງແຜນຈະສົ່ງໄພພິບັດອັນສຸດທ້າຍທີ່ຈະເຮັດໃຫ້ກະສັດຟາໂລປ່ຽນແນວຄິດ.