unfoldingWord 21 - Pathienin Messia Pêk A Tiem
![unfoldingWord 21 - Pathienin Messia Pêk A Tiem](https://static.globalrecordings.net/300x200/z24_Jer_36_02a.jpg)
სკრიპტის ნომერი: 1221
Ენა: Hmar
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z01_Ge_03_08.jpg)
A tira inthokta khan, Pathienin Messia hung tir a tum ta hrim a nih. Messia hung tir ding thu tiem hmasatak chu Evi le Adam kuoma a nih. Evi thlaa inthoka mi hung pieng chun rûl lu chu a suknawi ding a nih ti’n Pathienin a thu a tiem a. Evi thlêmtu rûl chu Setan a nih. Thutiem umzie chu hung ding Messia chun Setan chu a hne let dêr ding tina nih.
![](https://static.globalrecordings.net/300x200/z01_Ge_22_01.jpg)
Pathienin Abraham kuomah amaa inthokin khawvêla hnamtin la thawvengin malsawmin um an tih tiin thu a tiem a. Hi malsawmna hi hung ding Messia in hnamtin ta ding sandamna lampui a hung hawngna ding hi a nih.
![](https://static.globalrecordings.net/300x200/z02_Ex_20_02.jpg)
Pathienin Mosie kuomah Mosie anga zawlnei dang ka hung inngîr ding a ni ti’n thu a tiema. Hi hi khom hi hung ding Messia chanchin a thutiem tho kha a nih.
![](https://static.globalrecordings.net/300x200/z10_2Sa_09_03.jpg)
Pathienin David kuomah Messia chu David thlaa inthok ngeia hung pieng ding a ni ti’n thu a tiem a.
![](https://static.globalrecordings.net/300x200/z24_Jer_36_02.jpg)
Pathienin zawlnei Jeremi hmangin Israelhai kuoma a thutiem ang kha ni lo, Thutiem Thar a siem ding thu a tiema. Thutiem Thar a chun Pathienin an lungrilah dân thupêkhai chu ziek a ta, mihai chun Pathien hre tang an ta, anni chu a mihai hung ni tang an ta, an suolnahai ngaidam tang a tih. Messia chun Thuthlung Thar chu a siemthar ding a nih.
![](https://static.globalrecordings.net/300x200/z24_Jer_36_02a.jpg)
Pathien zawlneihai khoma hung ding Messia chu zawlnei, thiempu le lal ni kop a ti an tih. Zawlnei chu Pathien thuhai hre a, Pathien thuhai chu mihai kuoma puongdartu a nih. Hung ding Messia chu zawlnei famkim a ni ding a nih.
![](https://static.globalrecordings.net/300x200/z11_1Ki_06_01.jpg)
Thiempu chu mihai ta dinga an suolnahai ngaidam dinga Pathien kuoma inthawina inhlân pêk tu a nih. Thiempuhai chun Pathien kuomah mihai ta dingin an trongtrai bawk hlak. Hung ding Messia ruokchu thiempu laltak niin Pthien kuomah ama ngei chu inthawina famkim in an hlân ding a nih.
![](https://static.globalrecordings.net/300x200/z66_Re_21_02.jpg)
Lal chu lalram chunga lalm mipuihai chunga rorêltu a nih. Hung ding Messia chu a thlatu David lalthrungphaa thrungin laltak ning a ta, chatuonin khawvel pumpui chungah inlal a ta, ringum takin ro rêl a ta, thu tlûkna indik siem kumkhuo tang a tih.
![](https://static.globalrecordings.net/300x200/z42_Lk_02_02.jpg)
Pathien zawlneihai chun hung idng Messia chanchin hi kong tinrêngin an hril lawk a, zawlnei Malaki chun Messia a hung hma chun zawlnei ropui tak a hung hmasa ding a nih tiin a lo hril lawk a. Isai chun messia chu nunghâk thienghlima inthoka pieng ding a ni thu a lo hril lawka. Mika chun Messia chu Bethlehem khuoa a pieng ding a thu a hril bawk a.
![](https://static.globalrecordings.net/300x200/z42_LK_04_22.jpg)
Isai chu Messia chu Galili ramah um a ta, lungril rimsihai le intânghai suokna ding le salhai kuoma zalênna dingin thlamuongna thu hril a tih. Isai bawk chun Messia chun dam nawhai sukdam a ta, nasêthai le, mitdelhai dam, trawngtheinawhai le kebaihai khom sukdam a ti a lo ti bawk a.
![](https://static.globalrecordings.net/300x200/z42_Lk_04_17.jpg)
Isai bawk chun Messia chu a sanbovin theidain um a ta, hnawlin um bok a tih a ti a. Zawlnei danghai khoma, Messia thattuhai chun a silfênhai insemin, thrum vawr an ta, a ruolpan inmantir bawk a tih an tih. Zakari chun a ruolpa chun ama chu an mantir theina dingin tangka 30 lang a tih tiin a lo hrillawk bok a.
![](https://static.globalrecordings.net/300x200/z42_Lk_23_14.jpg)
Zawlneihai khoma Messia thi ding dân an lo hril lawk seng a. Isai chun chil sâk khumin nuizat siemnân hmang an ta, vuong an tih a lo ti a. Chun a nakah sun an ta, thinglêrah khaiin a thi ding a ni thu khom a lo hril lawk bawk a.
![](https://static.globalrecordings.net/300x200/z42_Lk_23_21.jpg)
Messia chu suol nei lova, mi famkim a ni ding a nih. Mihai suolna laa hremna tuorin a thi ding a nih. A tuorna lei chun mihriemhai le Pathien inkâr a chun inremna intlun a tih. Hi hi lei hin Messia vuok nawia a um chu Pathien lawm zawng a nih.
![](https://static.globalrecordings.net/300x200/z43_Jn_20_06.jpg)
Messia thi ding thu chau puong lovin Pathienin thinaa inthawkin a kei tho nawk ding a nih tiin zawlneihai chun an lo hril lawk a. Messia thina le a thonawkna lei chun Pathienin sandamna lampui a lo siemna chu sukkim ni tang a ta, Thuthlung Thar an tran ding an tah.
![](https://static.globalrecordings.net/300x200/z41_Mk_13_07.jpg)
Messia hungna ding thu hi zawlneihai kuomah Pathienin thiltam takin a lo inentira chu Messia kha a la hung el nawh a. Hril lawkna tawp tieng kum 400 nêka tam a fe hnungin, a hun bi a hung kim chun Pathienin Messia chu khawvêla hin a hung tir chau a ni kha.