unfoldingWord 20 - Sal Intângna le Kîr Nawkna
![unfoldingWord 20 - Sal Intângna le Kîr Nawkna](https://static.globalrecordings.net/300x200/z12_2Ki_25_07.jpg)
მონახაზი: 2 Kings 17; 24-25; 2 Chronicles 36; Ezra 1-10; Nehemiah 1-13
სკრიპტის ნომერი: 1220
Ენა: Hmar
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z11_1Ki_13_01.jpg)
Israel le Juda hnamhai chu Pathien laka an suol veve a. Sinai Tlânga an kuoma Pathien thuthlung kha an bawsiet veve a nih. Suol sima Pathien be nawk dingin inthri lawk dingin Pathienin zawlneihai a tir nawka chu, an ngai thlâk nuom nawh.
![](https://static.globalrecordings.net/300x200/z12_2Ki_15_04.jpg)
Chuongchun an hmêlmahaiin a sukboral theina dingin Pathienin hnam pahnihai chu a hrem veve ta a. Israel chu Assuria sorkarin hrât le nunrawngtak chun a suk boral a. Assuria sipaihai chun Israel mihai, tamtak el an that a, thil hluhai chu an lâk pêka, an ramhai khom an rawsiet pêk a nih.
![](https://static.globalrecordings.net/300x200/z12_2Ki_17_03.jpg)
Assuria sipaihai chun an thruoituhai popo, mi neinung le hausahai, le kut themthiemhai popo chu an mana, Assuria ramtieng an thruoi a. Mirethei zuol le trawmkailo ruol po, that mahlahai chu chu Israel rama chun an maksan a.
![](https://static.globalrecordings.net/300x200/z12_2Ki_17_04.jpg)
Assuria sipaihai chun Israel ram hluo dingin ramdang mihai an hung thruoia. Puotieng mihai chun khawpui suksiet ta hai chu an bawlthra, Israel mihai, sala thruoinawhai chu nuhmeiin an nei a. An thlahai chu Samari mi ei tihai hi an nih.
![](https://static.globalrecordings.net/300x200/z12_2Ki_22_01.jpg)
Juda lalrama mipuihai chun, Pathien ring lo le a thu zawm nuomlo, Israel ram, Pathienin a hrem chu an hmu a. Nisienlakhom anni khom chu Kanan mihai milem pathienhai chu an biek zinga. Pathienin anni inthria zil dingin zawlneihai a tir a.
![](https://static.globalrecordings.net/300x200/z12_2Ki_15_02.jpg)
Kum 100 vêl hnunga chun Assuria sipaihai chun Israel ram chu an suksiet vonga, Juda ram rûn dingin Pathienin Babulon lal Nebukadnezzar a tir nawk a. Babulon ram chu ram hrâttak le thilthawtheitak a nih. Juda lal chun kumtina sie tamtak pe ding le Nebukadnezzar siehlaw ni dingin an pêk lût ta a.
![](https://static.globalrecordings.net/300x200/z12_2Ki_25_05.jpg)
Judahai chu Babulon mihai laka chun an hel nawk nghâl a. Chuongchun Babulon miihai chu an hung inthok nawka, an hung bei nawk a. Jerusalem khuo chu an laka, Tempul an suksiet vonga, thil hlu popo an lâkhmang vong bok a.
![](https://static.globalrecordings.net/300x200/z12_2Ki_25_04.jpg)
Juda lal chu a hel leiin ama hrem dingin Nebukadnezzar sipai ruol chun, ama mithmua chun a naupasalhai chu an thata, an mithai khom an kheldawk pêk bok a. Chu zo chun lal chu Babulon khuo tieng lungina thi dingin, an thruoita a.
![](https://static.globalrecordings.net/300x200/z12_2Ki_25_07.jpg)
Nebukadzezzar le a sipaihai chun Juda mipuihai chu Babulon ram tieng an thruoia, pasieruolhai chau grep huon enkawltu dingin le lo neitu dingin an mâksana. Pathien hnam thlang, Israelhaiin Ram Tiem Ram an hluo theinaw hun sûng po chu sal intâng hun sûng ti a nih.
![](https://static.globalrecordings.net/300x200/z26_Eze_02_02.jpg)
Sala intâng hun sûng chu an suolna leia hremna nisienkhom pathienin a mihai le a thuthiemhai kha a thienghil chuong nawh. Pathienin a mihai chu a ngaisak zui zinga, a zawlneihai hmangin an kuoma thu a la hril zawm pei a. Kum 70 hnungah Ramtiem rama chun an la kîr nawk ding a ni tiin thu a la tiem zing a.
![](https://static.globalrecordings.net/300x200/z27_Da_06_01.jpg)
Kum 70 hnunga chun Persia lal, Kura chun Babulon ram chu a hung hne a. Persia mihai chu an hrâta chu mi zaidam hnam an nih. Israel mihai chu Judahai tia ko an ni ta a, tam tak chu Babulon ramah an um sawng ta. Upa ruol chauvin Juda ram kha an hriet fûk tah.
![](https://static.globalrecordings.net/300x200/z15_Ezr_01_01.jpg)
Kura a hung inlal hun sawtnawte hnunga chun a hmaa thil la um ngailo a hung um a. Judami, tu el khom Juda ram tienga kîr nawk nuomhai chu kîr nawk thei an ti tiin thupêk an suo a. Tempul bawl thrat nawkna ding tangka chen khom a pêk a! Sal intang hun kum 70 sûng a tawp chun Juda mi tlawmte chau chu Jerusalem tienga kîr nuom an um el a.
![](https://static.globalrecordings.net/300x200/z16_Ne_03_01.jpg)
Jerusalem an tlung chun, Tempul le kul banghai chu an siemthra a hnam dang awp dena hnuoia um la nihai sienkhom, Ramtiem rama chun an chêng thei nawk ta a, Tempul a chun Pathien an biek nawk thei ta a.