unfoldingWord 19 - Zawlneihai
![unfoldingWord 19 - Zawlneihai](https://static.globalrecordings.net/300x200/z09_1Sa_10_02.jpg)
მონახაზი: 1 Kings 16-18; 2 Kings 5; Jeremiah 38
სკრიპტის ნომერი: 1219
Ენა: Hmar
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z09_1Sa_10_02.jpg)
Israelhai chanchin inziekna popo sûnga hin Pathienin zawlneihai a tir ti ei hriet. Pathiena inthokin zawlneihai hin thu an hmu a, Pathien thuchahai chu mipui kuoma an hril hlak.
![](https://static.globalrecordings.net/300x200/z11_1Ki_18_01.jpg)
Israel lalrama Ahab an lal laia zawlnei um chu Elija a nih. Ahab chu lal suol tak a na, mihai chu Pathien tehlêm, Baal an ti chu be dinga infui pawrtu a nih. Elija chun Ahab kuoma, “Ka thu naw chun Israel rama ruo le daidaw tla naw hrim hrim a tih” a ta. Chu thu chun Ahab chu a suk lungsenta em em a.
![](https://static.globalrecordings.net/300x200/z11_1Ki_17_01.jpg)
Pathienin Elija chu thlalêra vadungte ruoma inbi hmag dingin a hril a. Zîngkâr zât le zântieng zâtin a fâk ding bei le sa pe dingin vatehai a tir ding thu a hril bawk a. Ahab le a sipaihai chun Elija chu an zonga, ana chu an zong hmu zo naw a. Khaw inthrâl chu a nasa êm leiin vadung tuihai chu an hung kang zo ta a.
![](https://static.globalrecordings.net/300x200/z11_1Ki_17_05.jpg)
Chuleichun Elija chu ram dang tieng a fe ta a. Trâm chu a na êm leiin hmeithai pakhat le a naupa chun fâk ding an tlasam deu thaw el ta a. Nisienkhom Elija chu an lo ngaisaka an beiphit bêl le sahriek bûr hai chu a ruok nawna dingin le a kang nawna dingin Pathienin a ngaisak zui pei a nih.
![](https://static.globalrecordings.net/300x200/z11_1Ki_18_02.jpg)
Kum thum le a chanve hnunga chun, Pathienin Elija kuomah Israel rama kîr nawk dingin a hrila, chun ruo a sûr nawk ding ti thu khom Ahab hril dingin a ti bawk a. Ahab in Elija a hmu nawk chun, “Nang i ni maw, buoina siemtu pa!” a ti a. Elija khom chun, “Buoina siemtu i nih! Pathien tak i nghatsana, tuhin baal i biek a. Tuhin Israel mipui popo Karmel Tlângah hung thruoi vong rawh,” a ta.
![](https://static.globalrecordings.net/300x200/z11_1Ki_18_03.jpg)
Israel mipui, Baal thiempu 450 hai thrangsain Karmel Tlângah an hung khawm a, mipuihai kuoma chun Elija chun, “lung awpinkaiin ieng chen am in umding a na? Lalpa chu Pathien a ni chun, ama chu zui inla, a rong bawl ro! Chun Baal chu pathiena in ngai chun ama rong bawl unla, zui ro!” a ta.
![](https://static.globalrecordings.net/300x200/z11_1Ki_18_04.jpg)
Chuongchun Elija chun Baal zawlneihai kuomah, “Bawngchal that unla, inthawina inhlân ro, nisienlakhom mei chu sêm chok lovin, kei khoma chuongang tak chun thaw vêng ka tih. Chuongchun, meia hung dontu Pathien chu Pathien tak ni raw seh” a ta. Chuongchun Baal thiempuhai chun inthawina chu an buotsaia, mei ruok chu an sêm nawh.
![](https://static.globalrecordings.net/300x200/z11_1Ki_18_05.jpg)
Chuongchun Baal zawlneihai chu Baal kuoma an trongtraia, “O Baal, mi hung don raw khai!” an ta. Sûnnithlâkin an trongtraia, an khêka, chemte dâmin an pang an insun pawp a, ana chu Baal chun an khêkri chu a dawn nawh.
![](https://static.globalrecordings.net/300x200/z11_1Ki_18_07.jpg)
Zântieng a hung ni chun, Elija khoma Pathien kuoma inthawina an hlân ve ta a. Tuibêl lien tak tak sawm le pahni sip tui chu sahai, thinghai le maichâm bul le a sîra hnuoi chen a hu dap hmakhat chu tuiin maichâm chu a buok khum a.
![](https://static.globalrecordings.net/300x200/z11_1Ki_18_08.jpg)
Chu zo chun Elija chu a trongtaia, “Aw Lalpa, Abraham Pathien, Isak Pathien le Jakob Pathien, vawisûn hin Israel Pathien I ni le I siehlaw hril khop lo ka ni hi mi hung inhriettir rawh. Hi mipuihai hin Pathien tak I nih ti an hriet theina dingin mi hung dawn rawh” tiin Pathien a ngêna.
![](https://static.globalrecordings.net/300x200/z11_1Ki_18_09.jpg)
Thawk khat lo chun, vâna inthokin mei a hung tlaa, sahai, thinghai le lungpuihai le maichâm vela hnuoi hu chenin a kâng fai el a. Mipuiin chuong chu an hmu chun, hnuoia an bawk phêka, “Lalpa chu Pathien a nih! Lalpa chu Pathien a nih”! an ti a.
![](https://static.globalrecordings.net/300x200/z11_1Ki_18_10.jpg)
Chu phing chun, Elija chun “Baal zawlneihai kha man unla, pakhat khom insuo naw ro”! a ta. Chuongchun mipuihai chun Baal zawlneihai chu an mana. Elija chun a thruoi hmang a, a that tawl ta a.
![](https://static.globalrecordings.net/300x200/z11_1Ki_18_11.jpg)
Chun Elija chun lal Ahab kuoma, “Khawpui tieng chu kîr vak rawh, ruo sûrin nang a ti che,” a ta. Chuonghcun, vân a hung innîm nghâla, ruo chu nasatakin, ruopui vânawnin a hung sûra. Pathienin khawinthrâl chu a suktawpa, Pathien tak a ni zie a suk lang ta a nih.
![](https://static.globalrecordings.net/300x200/z12_2Ki_05_02.jpg)
Elija hnunga chun a zawlnei dingin Pathienin Elisa chu a thlanga. Elisa hmang hin Pathienin thilmak tamtak a thaw a. Thilmak thawlai a pakhat, Naaman, hmêlmahai hotu, vun tieng natna invoi, kuomah a tlunga, Elisa chanchin a lo hriet a, chuonghcun a fe a, Elisa chu sukdam dingin a ngên a. Elisa chun Jordan Vadunga voisari van phûm dingin a lo hril a.
![](https://static.globalrecordings.net/300x200/z12_2Ki_05_10.jpg)
A tîr chun Naaman chu a lung a sena, chuongang thil chu thilthaw invêtthlâk nia ngaiin a thaw nuom naw a. Nisienkhom, a nakie chun a ngaidân chu a thlenga, Jordan Vadunga chun voisari a van phuma, a voisarina a van phûm chun, a vunhai chu an lo dam hieu tawla! Pathienin a sukdam pêk a nih.
![](https://static.globalrecordings.net/300x200/z11_1Ki_20_03.jpg)
Zawlnei dang khom tamtak an um a. Mipuihai kuoma chun milem biek bânsana, mihai kuoma indikna le zangaina in hmutir lem dingin an hril a. Zawlneihai chun mipuihai kuomah an suolnahai sima, nun thra an hung chîng naw chun, Pathien rorêlna an chungah hung tlung a ta, a hrem tawl el ding a nih tiin an hril lawk a.
![](https://static.globalrecordings.net/300x200/z24_Jer_38_02.jpg)
Hun tamtak sûng chu mipuihai chun Pathien an ngaisak nawh. Voi tamtak el zawlneihai an sawisakin a châng le an that tawl a. Trum khat chu Jeremia kha tui um nawna tuisunsuo sûngah an thlâka, thi dingin an mâksana. Tuisunsuo mawnga chirdiek a chun a pil lût a, nisienkhom lalin a lunginsiet leiin a thi hmain a kei suok nawk a nih.
![](https://static.globalrecordings.net/300x200/z32_Jon_03_01.jpg)
Mipuiin anni chu an hmêl huot zing sa khoma, zawlneihai chun Pathien ta dingin a rawng an la bawl pei a. An suol an sim naw chun Pathienin a la sukbo tawl vong ding a nih tiin mipuihai chu an inthri lawk zinga, chu khêla chun Pathien Naupa, Messia a hung ding ti thutiem kha mipui an hrilnawn zing bawk a.