unfoldingWord 44 - Pedro emi Juan kuwẽma etakrã kbe’e watallãngipe
![unfoldingWord 44 - Pedro emi Juan kuwẽma etakrã kbe’e watallãngipe](https://static.globalrecordings.net/300x200/z44_Ac_03_02.jpg)
მონახაზი: Acts 3-4:22
სკრიპტის ნომერი: 1244
Ენა: Ache
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z44_Ac_03_02.jpg)
Etakrã kreybu Pedro emi Juan oma prellambatype. Gogi ĩmbu rypyllã prellambaty pecheaty djãwẽ, wechãma etakrã kbe’e watallãngipe, go buta puka rekobu.
![](https://static.globalrecordings.net/300x200/z44_Ac_03_03.jpg)
Pedro maĩ reko watallãngidji, gobu inama: “Cho rekollã buta, djepe mewã. Cho mẽwerã djepe cho bue rekogi. Jesu bykuapyrepe puã emi wata kua!”
![](https://static.globalrecordings.net/300x200/z44_Ac_03_05.jpg)
Bitallãpe, Apã Wachu kuwẽma go kbe’e watallãngipe, gobu gogi wata roma emi prema Apã Wachupe. Ache wywy go prellambaty toka pua chã opo roma.
![](https://static.globalrecordings.net/300x200/z44_Ac_03_06.jpg)
Ache tãrã wywy ekõma, go kbe’e kuwẽmbyregipe wechãwã. Pedro inama gogi wywype: “Buerã pendje chã opo cherã, go kbe’epe kuwẽ buare? Ore idjape kuwẽllãwe ore chidja rupi emi bue djapo gatu rupi. Go nongallã, Jesu chidja rupi emi gogi kua gatu buare Jesudji, go kbe’epe kuwẽmbyre.”
![](https://static.globalrecordings.net/300x200/z44_Ac_03_07.jpg)
“Pendje rõ inama Roma ymachidjagipe, Jesupe pychowã. Pendje rõ djukama go manollãndy meandygipe, Apã Wachu rõ puãma idjape manowe byche puare. Pendje kuallãmbu djepe, pendje djapowe rupi wẽma Apã Wachu inawe nonga profeta wywy kiupawepe, go Mesia reko buchãmbyrã emi manowerã. Go buare kowebu wedja ga mondo pendje bue buchã djapowe, emi djewy Apã Wachu rekuaty, pendje bue buchã djapowedji kuwẽmbyrã.”
![](https://static.globalrecordings.net/300x200/z44_Ac_04_01.jpg)
Go prellambaty ymachidjagi wywy prandjã buchã Pedro emi Juan djawuwedji. Go buare pychyma go mirõngipe emi pypyma tapy djãwãllãpe. Tãrã ache rõ kua gatuma Pedro kiuwe. Go kbe’e wywy rõ ipo wachu (5.000) ache tãrã Jesu kuere mudjãndygi kowebu.
![](https://static.globalrecordings.net/300x200/z44_Ac_04_02.jpg)
Duwe kreybu go Judio ymachidjagi wywy eruma Pedro emi Juanpe go pa’i ymachidja wachugi emi duwe pa’i ymachidjagi wywy chã ruwa. Gogi pranduma Pedro emi Juanpe: “Mawe nonga chidja rupi pendje kuwẽma go kbe’e watallãngipe?”
![](https://static.globalrecordings.net/300x200/z44_Ac_04_04.jpg)
Pedro djawu pepyma: ”Go kbe’e pendje chã ruwa kuwẽmbyre Jesu chidja rupi. Go rõ go Mesia! Pendje rõ pychoare Jesupe wyra wachapyredji, Apã Wachu rõ puawe emi idjape manowe byche puare! Pendje rõ kua djuellã idjadji. Ĩllã duwe ape, Jesu etakrãeche chidja rupi rõ ache wywype kuwẽmbyrã!”
![](https://static.globalrecordings.net/300x200/z44_Ac_04_06.jpg)
Go ymachidjagi wywy chã opoma, go Pedro emi Juan djawu buare krymba gatupe. Gogi wywy kua gatuma, go mirõ kbe’e rõ kbe’e bue parapyredji kuallãndy. Go wywy kuama, go mirõngi rõ Jesu kuere mudjãre. Gogi wywy djawu puybu Pedro emi Juanpe, wedjama owã.