unfoldingWord 44 - بطرس و يوحنا يشفوا الشحاد
![unfoldingWord 44 - بطرس و يوحنا يشفوا الشحاد](https://static.globalrecordings.net/300x200/z44_Ac_03_02.jpg)
მონახაზი: Acts 3-4:22
სკრიპტის ნომერი: 1244
Ენა: Arabic, Sudanese: Khartoum
აუდიტორია: General
ჟანრი: Bible Stories & Teac
მიზანი: Evangelism; Teaching
ბიბლიური ციტატა: Paraphrase
სტატუსი: Approved
სკრიპტები არის ძირითადი სახელმძღვანელო სხვა ენებზე თარგმნისა და ჩაწერისთვის. ისინი საჭიროებისამებრ უნდა იყოს ადაპტირებული, რათა გასაგები და შესაბამისი იყოს თითოეული განსხვავებული კულტურისა და ენისთვის. ზოგიერთ ტერმინს და ცნებას შეიძლება დასჭირდეს მეტი ახსნა ან ჩანაცვლება ან მთლიანად გამოტოვება.
სკრიპტის ტექსტი
![](https://static.globalrecordings.net/300x200/z44_Ac_03_02.jpg)
في يوم من الايام، بطرس و يوحنا مشوا للهيكل. وكان في راجل مشلول قاعد في باب الهيكل بشحد قروش.
![](https://static.globalrecordings.net/300x200/z44_Ac_03_03.jpg)
بطرس عاين لراجل الكسيح وقال: "انا ما عندي اي قروش عشان نديك. لكن انا بديك الحاجة العندي. في اسم يسوع قوم وامشي!"
![](https://static.globalrecordings.net/300x200/z44_Ac_03_05.jpg)
طوالي، الله شفي الراجل الكسيح. بقي يمشي و ينطط حول المكان ويسبح الله. الناس الكانوا في ساحة الهيكل استغربوا.
![](https://static.globalrecordings.net/300x200/z44_Ac_03_06.jpg)
مجموعة كبيرة من الناس جوا بسرعة عشان يشوفوا الراجل الاتشفى ، بطرس قال ليهم: "الزول ده معافى، لكن ما تستغربوا في ده. نحنا ما شفيناه بقوتنا او عشان نحنا بنكرم الله. في الواقع يسوع شفي الراجل ده بقوته، لانو نحنا بنؤمن في يسوع".
![](https://static.globalrecordings.net/300x200/z44_Ac_03_07.jpg)
"انتو ياهو قلتوا للحكومة الرومانية انو يقتلوا يسوع. انتو قتلتوا الزول البدي الحياة لاي زول. لكن الله قومو من الموت. انتو ما فهمتوا الحاجة الكنتو بتعملوا فيه، لكن لمن عمتلوا الحاجات القالوا الانبياء بقي حقيقة. قالوا: المسيا حيتعذب و حيموت. الله خلي ده يحصل بالطريقة دي. عشان كده هسي توبوا و ارجعوا لله عشان هو حيغسل خطاياكم".
![](https://static.globalrecordings.net/300x200/z44_Ac_04_01.jpg)
لمن قادة الهيكل سمعوا بطرس و يوحنا، هم كانوا منصدمين. عشان كده قبضهم و ختوهم في السجن. لكن ناس كتار امنوا بالكلام القالو بطرس. عدد الرجال الامانوا بيسوع تقريبا ٥٠٠٠ .
![](https://static.globalrecordings.net/300x200/z44_Ac_04_02.jpg)
في اليوم التاني، قادة اليهود جابوا بطرس و يوحنا للكاهن الاعلي و رجال الدين التانين. وبرضو جابوا الراجل الكان اتشفي. وسالوا بطرس و يوحنا، بياتو قوة انتو شفيتوا الراجل الكسيح ده؟"
![](https://static.globalrecordings.net/300x200/z44_Ac_04_04.jpg)
بطرس جاوبهم: "الراجل الواقف قدامكم ده اتشفى بقوة يسوع المسيح. انتو صلبتوا يسوع، لكن الله قومو للحياة تاني! انتو رفضتوه، لكن مافي اي طريقة للخلاص الا من خلال قوة يسوع!"
![](https://static.globalrecordings.net/300x200/z44_Ac_04_06.jpg)
القادة كانوا منصدمين لانو بطرس ويوحنا اتكلموا بشجاعة. هم شافوا انو رجال عادين ما متعلمين. لكن بعد اك اتذكروا انو الرجال ديل كانوا مع يسوع. عشان كده قالوا ليهم: "نحن بنعاقبكم شديد لو قدمتوا اي رسالة لناس عن يسوع". بعد ما قالوا حاجات كتير زي ده، خلو بطرس و يوحنا يمشوا.