unfoldingWord 11 - Mukti-Jatra
Njelaske nganggo bentuk garis: Exodus 11:1-12:32
Nomer Catetan: 1211
Basa: Nagamese
Pamirsa: General
Genre: Bible Stories & Teac
Tujuane: Evangelism; Teaching
Kutipan Kitab Suci: Paraphrase
Status: Approved
Catetan minangka pedoman dhasar kanggo nerjemahake lan ngrekam menyang basa liya. Iki kudu dicocogake yen perlu supaya bisa dingerteni lan cocog kanggo saben budaya lan basa sing beda. Sawetara istilah lan konsep sing digunakake mbutuhake panjelasan luwih akeh utawa malah diganti utawa diilangi.
Teks catetan
Isor pora Moses aru Aaron ke Pharaoh logote pathaise taikhan pora Israel laga manukhan ke Egypt desh pora ulaikena loijabole nimite. Taikhan Pharao ke hosiar kuribole kotha koise, judi tae Israel laga manukhan ke jabole dea nae, titia tae logot pora suru korikena Egypt manukhan laga dangor chokorakhan, aru noukarkhan laga dangor chokorakhan aru goru-chaguli laga poila jonom hoa mota bachakhan sob morijabo. Pharaoh toh taikhan koa sob hunise hoilebi tai biswas korianai aru Isor laga kotha mania nai.
Hoilebi Isor ke junkhan biswas kure, taikhan nimite Isor pora taikhan laga dangor bachakhan namoribole ekta rasta dikhaise. Ekta-ekta manu tae laga ghor-manukhan nimite ekta bhal bhera laga bacha bisarikena maribole koise.
Aru sob Israel manu laga ghor laga khurite utu janwarlaga khun lagabi koise. Utu laga mongsokhan jolaikena he khabole koise. Aru taikhan ke khamir nadhalia ruti logote mongsokhan joldi-joldi khabole koise. Aru itu hoa logote, taikhan sob Egypt charikena jabole taiari korilobi koise.
Isor pora taikhan ke ki koise, Israel laga manukhan thik ineka he kurise. Rati laga majote Egypt-te jiman dangor-chokorakhan ase taikhan sobke Isor moraidise.
Israel laga manukhan laga ghor dorja uporte khun dikhikena Isor utu ghor laga bhitorte naghusikena jabo. Bhera laga khun khori uporte lagai dei nimite taikhan sob bachibo.
Egypt manukhan Isorke biswas nakore aru tae laga koa kothakhan ekta bi namane. Itu nimite Isor taikhan laga ghor uporte par kura nai. Aru Egypt te sob pora dangor chokorakhan ke Isor pora moraidise.
Egypt te dangor chokorakhan sob morise, Pharaoh laga chokora pora loikene jailte-bon thakakhan tok. Pura Egypt-desh te jor-jor pora mon bikhaikena kandibole awajkhan hunibole paise, kilekoile sob ghorte dangor ula chokorakhan morise.
Utu ratite he Pharaoh Moses aru Aaron ke matise aru koise; ‘‘Israel manukhan loikena ami laga desh charikena itia-itia jaijabi!’’ Egypt laga manukhan bi Israel laga manukhanke joldi-joldi Egypt charikena jai-jabole koise.