unfoldingWord 33 - Lo Neitu Chanchin
概要: Matthew 13:1-23; Mark 4:1-20; Luke 8:4-15
スクリプト番号: 1233
言語: Hmar
観客: General
ジャンル: Bible Stories & Teac
目的: Evangelism; Teaching
聖書の引用: Paraphrase
状態: Approved
スクリプトは、他の言語への翻訳および録音の基本的なガイドラインです。スクリプトは、それぞれの異なる文化や言語で理解しやすく、関連性のあるものにするために、必要に応じて適応させる必要があります。使用される用語や概念の中には、さらに説明が必要な場合や、完全に置き換えたり省略したりする必要がある場合もあります。
スクリプトテキスト
Nikhat chu Isu dîl panga chun a thrunga, mipui tamtakhai chu an chûktira. Mipui an tam em leiin Isu chu longa a chuonga, chutaka inthok chun thu a hril ta a.
Isu chun hi chanchin hi a hril ta a, “Lo neitu chu bu chi the dingin a fe suok a. Bu chi a the lai chun, a thren lam sîra a tla a, chunglêng vatehai an hunga, an hung thlân zo ta a.”
“A thren chu pielthlêng chung, hnuoi inphânna lai an tla a, hnuoi a sa naw leiin a mawng ta nghâl a. Nisienlakhom nisa a hung insâng chun, emvuoiin an uma, zung inthûk tak kei an um naw leiin em vuoiin an uma, an thi ta el a.”
“A thren chu hlo hlingnei lai an tla a, hlinghaiin an dîp hmang ta leiin rah rim an insuo ta naw a.”
“Thlaichi threnkhat chu hnuoi thratna hmuna an tla a. An mawng a, an inthrang liena an ra ta a, a lêt 30 dam, a lêt 60 dâm, a lêt 100 dâmin an hung pung tawl ta a. Tukhom hrietna dinga na nei chun hre raw seh!” tiin.
Chu chanchin chun thruoihruoihai chu a sukbuoi a, a ngaina an hriet ta naw a. Chuongchun Isu’n a hrilfie a. “Thlai chi chu Pathien Thu a nih. Thlai chi lam sîra tlahai chu mipui Pathien Thu hre a, a ngaina hre si lo an na, khawhri, Setan a hunga, thu chu a lâk hmang pêk a nih.”
“Thlai chi pielthlêng chunga tla chu mipui, Pathien Thu chu hre a, lawm taka pawmhai ang hi an nih. Nisienlakhom rinumna amanih, suknomnatna amanih a hung pha, mi puitling an la ni naw leiin an tlu nghâl el hlak.”
“Hlo hlingnei laia thlai chi tlahai chu, mi Pathien Thu chu hre a, ring nghâl el hlakhai ang hi an nih. Nisienlakhom hun a hung fe peia, Pathien an hmangaina chu khawvêl lungkhamna le hausakna le, khawvêl damsûng inhawitinain a dîp ral hlak. Inchûktirna an hriet khan ra an suo naw a nih.”
“Thlaichi hnuoi thratna hmuna tla chun min Pathen Thu a hriet a, a ringa, ra an suo hlak a nih,” a ta.