unfoldingWord 29 - Мейірімсіз қызметші туралы әңгіме
概要: Matthew 18:21-35
スクリプト番号: 1229
言語: Kazakh
観客: General
目的: Evangelism; Teaching
Features: Bible Stories; Paraphrase Scripture
状態: Approved
スクリプトは、他の言語への翻訳および録音の基本的なガイドラインです。スクリプトは、それぞれの異なる文化や言語で理解しやすく、関連性のあるものにするために、必要に応じて適応させる必要があります。使用される用語や概念の中には、さらに説明が必要な場合や、完全に置き換えたり省略したりする必要がある場合もあります。
スクリプトテキスト
Бір күні Петір Исадан: “Ұстаз, егер бауырласым маған қарсы күнә жасай берсе, оны неше рет кешіруім керек? Жеті ретке дейін бе?” — деп сұрады. Иса: “Жеті рет емес, жеті қайтара жетпіс ретке дейін,” — деп жауап берді. Мұнымен Иса әрдайым кешіру керектігі туралы айтқысы келді. Кейін Иса мына әңгімені айтып берді:
“Құдай Патшалығындағы жағдай мынаған ұқсас: Бір патша қызметкерлерінен қарызын алмақшы болады. Бір қызметкер екі жүз мың жылдық жалақыға қарыз екен.
Қызметші бұл қарызын өтей алмағандықтан, патша: “Қарыздарын төлеу үшін, мына кісіні және оның отбасын құлдыққа сатыңдар”, — дейді.
Сонда қызметші патшаның алдына тізерлеп отырды да, былай жалбарына бастады: “Өтінемін, сәл күте тұрыңызшы, мен сізге қарызымның бәрін төлеймін”. Патша қызметшісін аяп кетті. Ол оның барлық қарызын кешіріп, оны босатып жібереді.
Қызметкер далаға шыққанда, оған қарыз болған қызметтес жолдасын кездестіреді. Қарызы төрт айлық жалақыға тең болатын. Қызметкер оны ұстап алып: “Маған қарызыңды дәл қазір қайтар!” — деп талап етті.
Қарыздар жолдасы аяғына жығылып: “Маған сәл уақыт бере гөр, қарызымның бәрін қайтарамын” — деп жалынды. Бірақ қызметкер оны қарызын төлегенше түрмеге жапқызады.
Болған оқиғаны көрген басқа қызметшілер қатты наразыланды. Олар патшаға барып, болған оқиғаның бәрін айтып береді.
Сонда патша әлгі қызметшіні шақырып алып: “Әй, зұлым қызметші! Сен менен өтінгендіктен мен сенің қарызыңды кешірдім емес пе? Сенің де солай істеуің керек еді ғой!” Сонда қаһарланған патша, қызметшіні қарызын толық өтегенше түрмеге жапқызады.”
Иса былай деді: “Сендер де бауырластарыңды шын жүректен кешірмесеңдер, әрқайсыларыңмен Менің Көктегі Әкем де солай істемек”