unfoldingWord 30 - ईसू हर पाँच हजार ला खवाईस
Schema: Matthew 14:13-21; Mark 6:31-44; Luke 9:10-17; John 6:5-15
Numero di Sceneggiatura: 1230
Lingua: Surgujia
Pubblico: General
Scopo: Evangelism; Teaching
Features: Bible Stories; Paraphrase Scripture
Stato: Approved
Gli script sono linee guida di base per la traduzione e la registrazione in altre lingue. Dovrebbero essere adattati come necessario per renderli comprensibili e pertinenti per ogni diversa cultura e lingua. Alcuni termini e concetti utilizzati potrebbero richiedere ulteriori spiegazioni o addirittura essere sostituiti o omessi completamente.
Testo della Sceneggiatura
ईसू हर प्रेरित मन ला परचार करे बर अऊ सिखाए बर दूसर दूसर गाँव में भेजीस। जे घरी ओमन ईसू ठन फेर आईंन, तो ओमन अपन काम कर बारे में ईसू ला बताईन। तेकर ईसू हर ओमन के नेवता देहीस की ओमन ओकर संगे झील कर ओ पार बिसोय बर एगोठ सुनसान जगहा में जाये। ओकरले ओमन डोंगा में बईठके झील कर ओपार चले गईंन।
लेकिन ढ़ेरेच लोग मन देखिन, की ईसू अऊ ओकर चेला मन डोंगा में जाथें। एकरेले लोग मन झील कर धरि में कूद के झील कर ओपार डोंगा ले आगू पहुँचीन। ईसू अऊ ओकर चेला जे घरी ओजग पहुँचीन, एक बड़खा अकन भीड़ आगू ले पहुंच के ओमन ला अगुरत रहिंन।
भीड़ में सवांघिन अऊ लईका कर छोंएड़ 5, 000 हजार सवांघ रहींन। लोग मन कर ऊपरे ईसू हर सोगे होईस। बिगर चरवाहा कर भेंड़ मन कस ईसू हर ए लोग मन ला समझिस। एकरले ओहर ओमन के सिखाईस अऊ जेमन दुखलिहा रहिन ओमन ला चंगा करिस।
जे घरी सांझ कर जुआर होईस, चेला मन ईसू जग कहिन " अब ढ़ेरेच अबेर होए गईस हवे अऊ एजग कोईच गांव नईये। लोग मन ला भेज देआ की ओमन जाए के काहीं खाए सकें। "
लेकिन ईसू हर चेला मन ला कहीस “तुहींमन ओमन के खाये बार देवा।”ओमन कहींन, “एकस हमरे कईसे कएर सकत ही? हमर जग खाली पाँच ठन रोटी अऊ दुई गोट मछरी हवे।
ईसू हर चेला मन ला कहीस भीड़ कर लोग मन ला घास में पचास पचास कर पाएत में बईठावा।
तेकर ईसू हर पाँच गोट रोटी अऊ दुई गोट मछरी ला लेहीस अऊ सवरग कती ला देखिस, अऊ खाना बर परमेसवर कर धन्यवाद करिस।
फेर ईसू हर रोटी ला टोरिस अऊ मछरी ला टुटकाईस। ओहर ए टुटका ला चेला मन ला देहिस की ओमन लोग मन ला परोसे। चेला मन खाना ला बाँटते गईन अऊ खाना नई सिराईस अऊ सबेच झन खायेके अघाये गईंन।
तेकर पिछू, चेला मन बांचल खाना ला जुटाईन अऊ व बारह पथिया भरीन। सबेच खाना हर पाँच गोट रोटी अऊ दुई गोट मछरी ले आईस।