unfoldingWord 23 - ईसू कर जनम
![unfoldingWord 23 - ईसू कर जनम](https://static.globalrecordings.net/300x200/z42_Lk_02_05.jpg)
Útlínur: Matthew 1-2; Luke 2
Handritsnúmer: 1223
Tungumál: Surgujia
Áhorfendur: General
Tegund: Bible Stories & Teac
Tilgangur: Evangelism; Teaching
Biblíutilvitnun: Paraphrase
Staða: Approved
Forskriftir eru grunnleiðbeiningar fyrir þýðingar og upptökur á önnur tungumál. Þau ættu að vera aðlöguð eftir þörfum til að gera þau skiljanleg og viðeigandi fyrir hverja menningu og tungumál. Sum hugtök og hugtök sem notuð eru gætu þurft frekari skýringar eða jafnvel skipt út eða sleppt alveg.
Handritstexti
![](https://static.globalrecordings.net/300x200/z40_Mt_01_03.jpg)
मरियम कर एकठे धर्मी आदमी युसूफ कर संगे मंगनी होए गए रहिस। जे घरी ओहर सुनिस कि मरियम हर आसापती हवे, ओ जानत रहिस कि ऐ लईका हर ओकर ना लागे। ओहर मरियम ला लज्जित करेबर नई करत रहिस। तेकरले ओहर मरियम ला क्ले क्ले छोड़े बर करत रहिस। एकस करे कर आगु एगोठ सवरग दूत हर आए के ओकर सपना में गोठियाईस।
![](https://static.globalrecordings.net/300x200/z40_Mt_01_04.jpg)
सवरग दूत हर कहिस “युसुफ, मरियम ला अपन परानी बनाए ले झइन डराओ। ओ लईका जेहर मरियम कर पेट भीतरि हवे ओहर पवितर आतमा कती ले हवे।ओहर एकठे लईका ला जनम देहि ओकर नाव ईसू धरबे, जेकर मतलब हवे यहोवा बचाथे। काबर कि ओहर अपन लोग मन ला ओमन कर पांप ले बचाही।
![](https://static.globalrecordings.net/300x200/z40_Mt_01_05.jpg)
एकरले यूसुप हर मरियम जग बिहाओ करिस, अऊ ओके अपन घर में परानी बनाए के ले लानीस। जबले लईका ला जनम नई देहे रहीस तब ले ओहर अपन परानी जग नई गईस।
![](https://static.globalrecordings.net/300x200/z42_Lk_02_01.jpg)
जे घरी मरियम कर लईका कर जनम होए कर समय आईस, ते घरी रोमी शासन जम झन ला आगियां देहीस कि ओमन अपन अपन पुरखा कर शहर में जाए के जनगणना में नाव लिखवाए बर जाए। यूसुप अऊ मरियम हर ढ़ेरे दुरिहा ले रेंगत रेंगत नासरत ले बेतलेहेम में गईन काबर कि ओमन कर पुरखा दावूद बेतलेहेम शहर कर रहिस।
![](https://static.globalrecordings.net/300x200/z42_Lk_02_02.jpg)
जे घरी ओमन बेतलेहेम पहुचीन, ते घरी ओमन कर रहे बर कोई जगहा नई भेटाईस। ओमन के एकठे कोठा में जगहा मिलीस जिहा जरू मन ला बांधत रहीन। लईका कर जनम ऊहा होईस। ओकर दाई हर ओके ओही जग सुताईस काबर कि ओमन जग अऊ कोई जगहा नई रहिस। ओमन लईका कर नाव ईसू धरीन।
![](https://static.globalrecordings.net/300x200/z42_Lk_02_03.jpg)
ओही राएत के चटिक चरवाओ मन ओजग कर दाड में रहीन अऊ अपन भेड मन कर पहरा करत रहीन। एकेच धाएर ले एकठे बरत सवरग दूत ओमन कर आगु प्रगट होईस। ओमन डराए गईन। सर्वग दूत हर कहिस “झईन डरावा, काबर कि मैं तुमन बर सुघर खबर लाने हवो। मसीहा प्रभु कर जनम बेतलेहेम शहर में होए गईस हवे।
![](https://static.globalrecordings.net/300x200/z42_Lk_02_04.jpg)
तुमन जा अऊ ओ लईका ला खोजा। तुमन ओके कपड़ा में लपेटल एकठे चरनी में पइहा। एकेच धाएर बदरी में ढ़ेरे अकन सवरग दूत मन प्रगट होइन। ओमन परमेसवर कर स्तुति एक्स कही के करत रहीन कि “सवरग कर परमेसवर ला महिमा मिले अऊ भुइया में लोग मन ला सान्ती जेमन उपर ओहर दया करथे।”
![](https://static.globalrecordings.net/300x200/z42_Lk_02_05.jpg)
चरवाओ मन ओ जगहा में पहुचीन जिहा ईसू रहिस। अऊ ओमन ओके एकठे चरनी में पाईन जइसने सवरग दूत हर ओमन ला कहे रहिस ओमन ढ़ेरे फुला होइन। मरियम भी ढ़ेरे खुस रहिस। चरवाओ मन अपन खेत में आए गईन जिहा ओमन कर भेड मन रहीन। अऊ जे जाएत ला ओमन देखे रहीन अऊ सुने रहीन ओकर बर ओमन परमेसवर कर स्तुति करत रहीन।
![](https://static.globalrecordings.net/300x200/z40_Mt_02_01.jpg)
तनिक समय कर पाछु, पूरब देश कती ले चटिक ज्ञानी मन आए रहिन। काबर कि ओमन एकठे सुघर अकन तरईया ला बदरी में देखे रहीन। ओमन के पता चले रहिस कि यहूदी मन कर एकठे नावा राजा कर जनम होए गईस हवे। ए राजा ला देखे बर ओमन ढ़ेरे दुरिहा ले सफर करत आए रहीन। ओमन बेतलेहम में आइन अऊ ईसू अऊ ओकर दाई दाऊ कर घर ला खोएज दारिन।
![](https://static.globalrecordings.net/300x200/z40_Mt_02_07.jpg)
ज्ञानी मन ईसू ला ओकर दाई कर संगे देखिन अऊ ओमन गोडे गिर के ईसू कर आरधना करिन। ओमन ईसू बर ढ़ेरे कीमति भेट लाने रहीन। फेर ओमन अपन घरे चल देहिन।