unfoldingWord 14 - التيهان فى البرية
![unfoldingWord 14 - التيهان فى البرية](https://static.globalrecordings.net/300x200/z05_De_31_04.jpg)
Útlínur: Exodus 16-17; Numbers 10-14; 20; 27; Deuteronomy 34
Handritsnúmer: 1214
Tungumál: Arabic, Sudanese: Khartoum
Áhorfendur: General
Tegund: Bible Stories & Teac
Tilgangur: Evangelism; Teaching
Biblíutilvitnun: Paraphrase
Staða: Approved
Forskriftir eru grunnleiðbeiningar fyrir þýðingar og upptökur á önnur tungumál. Þau ættu að vera aðlöguð eftir þörfum til að gera þau skiljanleg og viðeigandi fyrir hverja menningu og tungumál. Sum hugtök og hugtök sem notuð eru gætu þurft frekari skýringar eða jafnvel skipt út eða sleppt alveg.
Handritstexti
![](https://static.globalrecordings.net/300x200/z04_Nu_21_02.jpg)
الله انتهى من كلامه مع الإسرائيليين عن كل الناموس المفروض يطيعوا بسبب عهده معهم . بعد داك قادهم بعيد من جبل سيناء . هو داير يشيلهم لارض الموعد . الارض دى كان اسمها كنعان . الله مشى قدامهم فى شكل عمود من السحابة وهم تبعوه .
![](https://static.globalrecordings.net/300x200/z05_De_04_01.jpg)
الله وعد ابراهيم ، اسحاق و يعقوب بانو حيدي ارض الموعد لنسلهم ، لكن كان فى مجموعات كتيرة من الناس ساكنين هناك . اسمهم الكنعانيين . و الكنعانيين ما كانوا بعبدوا ولا بطيعوا الله . هم عبدوا الهة كاذبة و عملوا حاجات شريرة كتيرة .
![](https://static.globalrecordings.net/300x200/z05_De_00_05.jpg)
الله كلم الاسرائيليين ، "بعدما تمشوا ارض الموعد ، لازم تتخلصوا من كل الكنعانيين الهناك، ما تعملوا معاهم سلام ولا تعرسوا منهم . لازم تدمروا كل اصنامهم نهائيا . لو انتو ما اطعتونى ، نهايتكم حتعبدوا اصنامهم بدل ما تعبدونى".
![](https://static.globalrecordings.net/300x200/z04_Nu_13_02.jpg)
لمن الاسرائيليين وصلوا حدود كنعان، موسى اختار اتنا عشر راجل ، واحد من كل قبائل اسرائيل ، اداهم توجيهات يمشوا و يتجسسوا عن الارض و يشوفوها عاملة كيف. و برضو يتجسسوا على الكنعانيين و يشوفوهم كيف كانوا قويين ولا ضعيفين .
![](https://static.globalrecordings.net/300x200/z04_Nu_13_05.jpg)
الاتنا عشر راجل مشوا لكنعان لمدة اربعين يوم و رجعوا. و كلموا الشعب ، "الارض خصبة شديد و المحاصيل كتيرة !" ولكن عشرة من الجواسيس قالوا، "المدن قوية شديد و الناس عمالقة. لو هاجمناهم ، اكيد بهزمونا و بقتلونا !" .
![](https://static.globalrecordings.net/300x200/z04_Nu_13_07.jpg)
طوالى الجاسوسين كالب و يشوع ، قالوا ، "صحيح انو ناس كنعان طوال و قويين ، لكن اكيد بنهزمهم ! لانو الله حيقاتل معانا !" .
![](https://static.globalrecordings.net/300x200/z04_Nu_13_06.jpg)
لكن الشعب ما سمعوا لكالب و يشوع . وبقوا زعلانين من موسى و هارون وقالوا "ليه انتو جيبتونا فى المكان الصعب ده ؟مفروض نقعدوا فى مصر . لو دخلنا الارض ، بنموت فى المعركة ، و الكنعانيين حيخلوا نسوانا و اولادنا يكونوا عبيد". الشعب دايرين يختاروا قائد تانى يرجعهم لمصر .
![](https://static.globalrecordings.net/300x200/z04_Nu_14_01.jpg)
لمن الشعب قالوا كده ، الله بقى زعلان شديد و جاء لخيمة الاجتماع و قال ، "انتو اتمردتوا ضدى ، عشان كده كلكم حتفضلوا تايهين فى البرية. و اى زول من عمر عشرين سنة لفوق بيموت هناك و ما حيدخل الارض بديكم ليها. فقط يشوع و كالب بيدخلوا فيه".
![](https://static.globalrecordings.net/300x200/z04_Nu_14_04.jpg)
لمن الشعب سمعوا الله قال كدا ، بقوا متاسفين لانهم اخطاوا . عشان كدا قرروا يهاجموا شعب كنعان . موسى حذرهم ما يمشوا لانو الله ما حيمشى معاهم ، لكن هم ما سمعوا .
![](https://static.globalrecordings.net/300x200/z04_Nu_14_05.jpg)
الله ما مشى معاهم للمعركة ، عشان كدا الكنعانيين هزموهم و ناس كتار منهم ماتوا . بعد داك الاسرائيليين رجعوا من كنعان . الاربعين سنة الجاى ، حيكونوا تايهين فى البرية .
![](https://static.globalrecordings.net/300x200/z02_Ex_16_06.jpg)
فى فترة الاربعين سنة الكان الاسرائيليين فيها تايهين فى البرية ، الله سدد احتياجاتهم و جاب ليهم رغيف من السماء اسمه "المن" . هو برضو رسل مجموعة من السلوى (طيور متوسطة الحجم) لمعسكراتهم عشان يكون عندهم لحم ياكله . خلال الفترة دى الله حفظ ملابسهم و نعلاتهم عشان ما تخرب .
![](https://static.globalrecordings.net/300x200/z02_Ex_15_03.jpg)
بطريقة معجزية الله خلى الموية تطلع من الحجر عشان يشربوا . لكن رغم ده كلو شعب اسرائيل اشتكوا و اتذمروا ضد الله و موسى . وبرضو الله لسه كان امين معاهم . هو تمم الوعد الكان وعد بيه ابراهيم ، اسحاق ، يعقوب ونسله .
![](https://static.globalrecordings.net/300x200/z05_De_00_07.jpg)
مرة تانية لمن الشعب كان ما عندهم موية ، الله قال لموسى ، "قول للحجر و الموية بتطلع منه" . لكن موسى ما اتكلم مع الحجر بدل ما يقول ضرب الحجر بالعصا مرتين . بالطريقة دى هو ما احترم الله . موية تطلع من الحجر لكل زول يشرب ، لكن الله كان زعلان من موسى . و قال ، "عشان عملت كده انت ما حتدخل ارض الموعد" .
![](https://static.globalrecordings.net/300x200/z05_De_31_04.jpg)
بعدما الاسرائيليين ضاعوا فى البرية لمدة اربعين سنة ، كل الكان اتمردوا ضد الله ماتوا ، بعد داك الله قاد الشعب لطراف ارض الموعد تانى . موسى كان بقى كبير شديد و الله اختار يشوع عشان يساعده فى قيادة الشعب . الله كمان وعد موسى انو يوم من الايام ، حيرسل للشعب نبى زى موسى .
![](https://static.globalrecordings.net/300x200/z05_De_32_02.jpg)
بعد داك الله كلم موسى يمشى لراس الجبل عشان هو يقدر يشوف ارض الموعد . موسى شاف ارض الموعد لكن الله ما سمح ليه يدخل . بعد داك موسى مات ، و الاسرائيليين حزنوا لتلاتين يوم . يشوع بقى قائدهم الجديد . يشوع كان قائد كويس لانو هو صدق و اطاع الله .