Vanja, Yevelela Kuenda Kala Elivulu Li 7 Yesu - Ñala Haeye Onjovoli

Vanja, Yevelela Kuenda Kala Elivulu Li 7 Yesu - Ñala Haeye Onjovoli

Garis besar: From Luke and John. 24 sections. It has a picture book to go along with the recording.

Nomor naskah: 424

Bahasa: Umbundu

Tema: Sin and Satan (Judgement, Sin, disobedience); Christ (Resurrection of Jesus, Son of God, Saviour of Sinful Men, Birth of Christ, Death of Christ, Life of Christ, Authority); Eternal life (Salvation, Eternal / everlasting life); Character of God (Grace and Mercy, Nature, character of God, Word of God (the Bible), Power of God / Jesus); Living as a Christian (Worship, Second Birth, Peace with God, Forgiveness, Faith, trust, believe in Jesus, Spiritual Life, Christian values); Life event (Death); Bible timeline (Gospel, Good News); Problems (Sickness, Problems, troubles, worries)

Pengunjung: General

Gaya: Monolog

Jenis: Bible Stories & Teac

Tujuan: Teaching

Status: Publishable

Isi Naskah

Ulandu

Ulandu

Una wa tukuiwa Yesu, ocili eye Omola a Suku, (wa tumiwa la Suku) kuenda o tẽla oku eca komanu omuenyo ko pui? Oku citiwa kua Yesu, ovilimbu eye a linga, omuenyo waye, epinduko liaye kolofa kuenda olondaka viaye vi lekisa okuti ocili Eye eye Omola a Suku (wa tumiwa la Suku). Osimbu ove o yevelela kokasete aka, vanja oviluvialuvia vi sangiwa velivulu li kusukiliwa. Eci o yevelela ocisungo cilo, tuvula ociluvialuvia ci kuayimo.

Ociluvialuvia Ca 1: Oku Citiwa Kua Yesu

Ociluvialuvia Ca 1: Oku Citiwa Kua Yesu

Yoano 1:1-14; Luka 2:1-11

Vanja kociluvialuvia. Ci lekisa oñaña yokaliye kuenda ukãyi, okuti ina yoñaña la veyaye. Alume vakuavo vatatu, angombo. Vosi yavo va tulukila koñaña. Onduko yaye Yesu. Umue ulume wa kekama kolongolo kovaso a Yesu. Momo nye a ci lingila?
Ekoka liaco lieli liokuti Yesu eye oñaña ya kemala enene pokati koloñaña viosi vialume via citiwa. Osimbu Yesu ka citiwile, eye wa kala ale la Suku kocitumalo cimue ca tukuiwa ilu. Ovina viosi via lulikiwa la Yesu. Suku Espilitu, puãi wa limolehisa eye muele vu Yesu, una wa citiwa eci inaye handi ka kũlihile ulume. Espilitu lia Suku lia tava okuti caco eci ci tẽliwa, ci lingiwa. Espilitu liaco halio, lia kala vu Yesu Kilistu. Cosi eci ca lomboloka okuti Yesu U eye Suku. Yesu wa tunda kilu ha tu yovola kekandu kuenda oku tu lekisa ndomo tu linga omãla va Suku.

Ociluvialuvia Ca 2: Yesu O Pongolola Ovava Loku a Linga Ovinyu

Ociluvialuvia Ca 2: Yesu O Pongolola Ovava Loku a Linga Ovinyu

Yoano 2:1-11

Eci Yesu a kula, eteke limue wa enda kocipito cuvala. Olondonge viaye (vana vo kuama ocituke) kuenda inaye londuko Maliya va ile laye. Maliya wa kũlihile okuti Yesu Eye Omola a Suku, omo liaco, eci ovinyu via pua, eye wo ci sapuila. Noke eye wa popia lakuenje hati: "Cosi a popia lene ci lingi!" Ocipepi kua kala asanga epandu anene ovawe. Yesu wa popia lakuenje hati: "Yukisi asanga ovava." Kuenje ovo va ci linga. Noke eye wa popia lavo hati: "Kaliye suiko tumue, ka tu tuali ku mueleakulia." Ovava a pongoloka ovinyu vimue via velapo! Olondonge via Yesu via fetika oku limbuka okuti eye wa kala lunene u tunda ku Suku, kuenje vo kolela.

Ociluvialuvia Ca 3: Yesu O Vangula La Nikondemo

Ociluvialuvia Ca 3: Yesu O Vangula La Nikondemo

Yoano 3:1-36

Eteke limue ulume umue wa tukuiwa Nikondemo weya oku vangula la Yesu kondaka yovilimbu eye a linga kuendavo kueci ci tiamela ku Suku. Nikondemo wa kala ombiali haeye ulongisi wa kemala ki Isaleli. Eye wa yeva okuti Yesu o tẽla oku linga ovilimbu pamue ovikomo. Eye wa kũlihile okuti Yesu wa tunda ku Suku. Yesu wa popia laye hati: "Mopia love siti, Ocili, ocili, omunu ka tẽla oku mola usoma wa Suku, te wa citiwa evali." Nikondemo wo tambulula hati: "Omunu o tẽla ndati oku citiwa nda ukulu ale?" Yesu wo tambulula hati: Eci oñaña yi citiwa la inaye, yi kasi lomuenyo wetimba. Mumosi haimo, omunu te o citiwa le espilitu, ha kala lomuenyo we Espilitu.,"
Yesu wa lekisa okuti ka ci tẽla oku citiwa ndomo tua ika oku citiwa.
Omunu o sukilavo oku citiwa evali lupange wEspilitu li Kola lia Suku.
Espilitu li Kola li lekisa omanu akandu avo loku va kuatisa oku siapo olonjila viavo viosimbu kuenda ovohembi a Satana. Ovo va ka fetika oku kuama (ocipango ca Suku) (pamue oku sanjuisa Suku). Noke va ka kũliha okuti Yesu o popela wosi U kolela.
Omo liaco, wosi o kolela ocili kuenda o pokola ku Yesu Kilistu, wa citiwa evali. Ava va kolela va kala oloneke ka vi pui, momo Espilitu lia Suku li kala vokuavo. Puãi vosi ka va kolela Yesu, va ka kala ocipãla la Suku oloneke ka vi pui, kuenje lalimue eteke va ka tẽla iñila kovailu.

Ociluvialuvia Ca 4: Ombiali Yi Kekamela Kolomayi Via Yesu

Ociluvialuvia Ca 4: Ombiali Yi Kekamela Kolomayi Via Yesu

Yoano 4:46-54

Ulume o kasi vociluvialuvia cilo wa enda ungende wa lua ha sangi Yesu. Eye wa kala ombiali yimue ya kemãla ca lua. Omolaye wa kala kivelo vioku fa, kuenje eye weya ku Yesu loku u livondela hati: "A Ñala enju osimbu omolange handi ka file." Yesu wo tambulula hati: "Kuende, omolove o kasi lomuenyo." Ulume wa kolela Yesu, kuenje wa enda konjo. Osimbu handi a kala loku enda, akuenje vaye vo sanga londaka yokuti omolaye o kasi lomuenyo. Ombambi ya sia omola eci muele Yesu a popia hati: "Omolove o kala lomuenyo." Ulume kumue lonjo yaye yosi va kolela Yesu."

Ociluvialuvia Ca 5: Ombeyi Kociva

Ociluvialuvia Ca 5: Ombeyi Kociva

Yoano 5:1-47

Vo Yelusalãyi mua kala ociva. Omanu va kolelele okuti kolonjanja vimue, omunu watete iñila vociva kovaso yoku tumoha kuovava o sanga ekayo. Ulume umue wa kala loku vela eci ci soka akui atatu kanyamo kanyamo ecelãla. Yesu wo muila konele yociva, kuenje wo pula hati: "O yongola oku kaya?" Ulume wa tambulula hati: "A Ñala si kuete u o ñapa lonjanga vociva eci ovava a tumuha." Kuenje Yesu wa popia laye hati: "Votoka, tikula ula wove, kuende." Vonjanja yaco muele ulume haico a sakuiwa. Omanu vamue va temela Yesu, momo wa sakula veteke li Esambata, eteke limue li likasi halio li kola lia Suku. Eli lia kala eteke va Yundeya va puyoka kovopange avo eteke leteke ha va fendela Suku. Ulume wa enda, kuenje wa sapuila va Yundeya okuti Yesu eye wo sakula, puãi ovo ka va yonguile oku kolela Yesu.

Elinga liekayo lia lekisa okuti Yesu wa kala lomoko kuenda lunene wa Suku woku sakula veteke eye a panga pamue voloneke viosi, kuendavo veteke li Esambata.

Ociluvialuvia Ce 6: Yesu O Tekula Eci Ci Pitahãla 5000 Komanu

Ociluvialuvia Ce 6: Yesu O Tekula Eci Ci Pitahãla 5000 Komanu

Yoano 6:1-15, 25-28, 35; Mateo 14:19; Marko 6:41

Omanu valua va yeva okuti Yesu o tẽla oku sakula olombeyi, kuenje eteke limue owiñi wa lua wo kuama kocitumalo cimue culika. Pana okuti ekumbi lia enda, veteke liaco halio, Yesu wa pula olondonge viaye hati: "Tu landa pi olombolo okuti va lia?" Umue polondonge viaye wa tambulula hati: "Kulo kuli ukuenje umue o kuete olombolo vitãlo viosevata kuenda otulosi tuvali, puãi vi tẽla nye pokati kava va lua ndava?"
Yesu wa tumalisa omanu. Wa kuata olombolo kuenda otulosi, kuenje wa vi panduila ku Suku. Noke wa timbula ombolo lolosi, kuenje wa vi eca komanu ndeci va yongola. Hẽla liaco owiñi lopo wa kuama Yesu. Noke eye wa popia lavo hati: "Mopia lene siti: Ocili ocili, ka vu sandela omo wa moli ovilimbu, te omo wa li olombolo, yu we kuti. Ko ka likavisili okulia ku nyoleha, te okulia ku kala ta komuenyo ko pui, oku Mololamu a wihi." Yesu wa kala loku lilombolola eye muele. Eye wa popiavo hati: "Ame ndimbolo yomuenyo. U iya kokuange ka kuata onjala, lu o ñolela ka yevi vali enyona."

Ociluvialuvia Ce 7: Yesu Endela Kilu Liovava

Ociluvialuvia Ce 7: Yesu Endela Kilu Liovava

Yoano 6:16-21; Mateo 14:22-32

Eci Yesu a mala oku tekula owiñi wa va sandula. Noke wa enda komunda kulika ha likutilila ku Suku. Olondonge via limba vowato oku yoka ociva cinene. Kua tẽkava, kuenje kua moleha ehunguhungu lia lua kokalunga. Noke Yesu weya kokuavo endela kilu liovava. Ovo va sima vati ocilũlu kuenje va kala lusumba wa lua. Yesu wa popia lavo hati: "Ame. Ko ka yokoki." Eye wa inila kumue lavo vowato, kuenje haico ehunguhungu lia imuha.

Eci ci lekisa vali onjanja yikuavo kolondonge kuenda kokuetu okuti unene wa Suku u talavayela vu Yesu.

Ociluvialuvia Ce 8: Yesu O Sakula Ulume Omeke

Ociluvialuvia Ce 8: Yesu O Sakula Ulume Omeke

Yoano 9:1-41, 8:12; 1 Yoano 1:7

Kua kala omunu umue wa citiwa omeke. Olondonge via Yesu via sima hati eye wa citiwa omeke omo liekandu liolonjali viaye. Puãi Yesu wa va lomboluila hati ulume wa citiwa omeke oco upange wa Suku u lekisiwile vomuenyo waye. Eye wa siyila posi kuenje wa tama onata lovate. Wa kapa onata vovaso omeke. Kuenje Yesu wa popia laye hati: "Kuende ka puse vociva ca Siloma, ca lomboloka citi "Catumiwa" Ulume wa pokola ku Yesu. Wa ile, wa ka pusile, yu wa tiuka konjo, o lete.

Va lua pokati ketu tulomeke vielomboloko liolonjila via Suku. Puãi Yesu wa popia hati: "Ame ndicinyi coluali. U o ñuama ka endela vali vowelema, puãi o kala locinyi comuenyo." Ca sonehiwavo citi, "Puai nda tu endaila vocinyi, ndeci eye a kasi vocinyi, tu kuete ongongela pokati ketu, kuenje osonde ya Yesu Omolaye, yi tu yelisa kakandu osi."

Ociluvialuvia Ce 9: Yesu O Kovonga Lasaru Kolofa

Ociluvialuvia Ce 9: Yesu O Kovonga Lasaru Kolofa

Yoano 11:1-46

Kua kala ulume umue onduko yaye Lasalu, Eye wa vela ca lua. Va mukãyi vaye vavali, Maliya la Mata va tuma ondaka ku Yesu hati: "A Ñala, u o sole o vela." Eci Yesu a yeva Ondaka wa popia hati: "Okuvela oku hakuokufako puãi kulamba wa Suku okuti Mõla a Suku o muilako ulamba."
Yesu wa sola Lasalu kuenda va mukãyi vaye vavali. Yesu puãi ka endele kokuaye lonjanga. Te lika kovaso yoloneke vivali oco a popia lolondonge viaye hati: "Lasalu wa fa, kuenje, mekonda liene, nda sanjuka omo sia kaleko, oco vu kolele. Puãi tu endi kokuaye."
Eci Yesu eya, Lasalu wa kala veyambo ci soka oloneke vikuãla.
Va mukai vaye va kala loku lila omo Yesu keyile oku u sakula, puai Yesu wa popia la Mata hati: "Manjove o laika oku pinduka vali." Eye wa popiavo hati, "Ame ndipinduko haime ndimuenyo. U o ~nolela, nda~no o fa, o kala lomuenyo, kuenda u wosi o kasi lomuenyo kuenda o ~nolela lalimue eteke a fa. Eci o ci kolela?" Noke wa handeleka omanu omanu va kalako oku tuvula eyambo.
Kuenje wa vilikiya Lasalu hati :"A Lasalu, tundamo" Lasalu wa tundamo, puãi haimo a kalela luwalo wo veyambo.

Ociluvialuvia Ce 10: Yesu O Fila Kekulusu

Ociluvialuvia Ce 10: Yesu O Fila Kekulusu

Yoano 18:1 - 19:42

Yesu wa lekisa lovilimbu eye a linga okuti eye eye omola a Suku. Asongui va Yudea vo kuatela onya kuenje va yonguile oku wipa. Yesu wa sapuila olondonge viaye okuti Eye eye o fila akandu omanu vosi. Eyi oyo lika onjila Eye a sanga yoku nena vali alume, lakai kuenda omala ku Suku. Yuda umue polondonge via Yesu wo pakula kuava Yudea lolombongo (30 kolopalata). Veya va kuata Yesu. Petulu lolondonge vikuavo va tila lusumba. Asongui va va Yudea va tuala Yesu kekanga, puai ka vo sangele leko limue. Puai ovo va liyula vati: "A valeliwe! A valeliwe!" Noke Yesu vo nena kovaso owi~ni. Ovo va kalukavo hati: "A ipaiwe! A ipaiwe! A valeliwe!" Kuenje om~ola wocili wa Suku wa ipaiwa. Olondingaivi vivali via fila kumue laye. Ovo va tambula ekangiso liovovi aivo muele, puai Yesu lalimue eteke a lingile cimue civi, wa fa ndocilumba covakandu omanu vosi, kuenje ove lame haimo tu kasivo vetendelo liomanu vosi.

Yesu eye lika ocilumba Suku a tava ha fila ovakandu etu.

Ociluvialuvia Ce 11: Maliya La Yesu Keyambo

Ociluvialuvia Ce 11: Maliya La Yesu Keyambo

Yoano 19:38 - 20:18

Umue pokati koloñame via Yesu wa tukuiwa Yosefe wa pinga etimba lia Yesu. Lio wihiwa, kuenje eye wa li langeka veyambo limue liokaliye a li tungilile eye muele. Yosefe wa tiñulula ewe limue linene keñililo lieyambo. Keteke liatatu Maliya Mangandala wa enda keyambo. Ewe lia tiñuluhako. Maliya Mangandala wa fetika oku lila. Eye wa petamako, kuenje wa vanja veyambo. Etimba lia enda. Angelo vavali va tumãla apa pa kala etimba lia Yesu. Eci Maliya a vanja kolonele, wa mola omunu o tãyiko, puãi eye ka kũlihile okuti Yesu. Yesu wa pula Maliya hati: "Okãyi, nye o lilila? O sanda elie?"Maliya wa sima hati ukuacumbo, kuenje wo pula hati, pi wa kapa etimba lia Yesu?. Kuenje Yesu wa popia laye hati "A Maliya!" Kuenje eye wa limbuka okuti Yesu. O kasi lomuenyo! Yesu wa popia laye hati:"Kuende ku vamanji, ka popie lavo huti, Ñala hati: 'Ndonda ku Tate kuenda ku Isiene, ndonda ku Suku yange kuenda ku Suku yene.'"Vamanji" ca lomboloka olondonge viaye.

Ociluvialuvia Ce 12: Yesu O Limolehisa Kolondonge Viaye

Ociluvialuvia Ce 12: Yesu O Limolehisa Kolondonge Viaye

Yoano 21:1-19

Osimbu Yesu ka tiukilile handi kilu wa linga ocikomo cikuavo. Uteke umue, vimue olondonge viaye via enda oku ka pipa, puãi ka va kuatele cimue. Tuli kuaca, omunu umue wa moleha kohulo yociva. Eye wa popia lavo oco va lowise pamue oku imbila awanda avo kondio yowato ha va kuata vimue olombisi. Ovo va pokola, kuenje va kuata olombisi via lua. Noke va limbuka okuti omunu wa vangula lavo Yesu. Ovo va nena olombisi viosi kongongo. Kuaco oko, Yesu wa va angiliyilile ale okulia. Eci va mala oku lia, eye wa vangula lavo. Petulu wa kalavo pokati kavo. Tete, Petulu wa tilile kumue lolondonge vikuavo cina Yesu a kuatiwa, kuenje noke eye wa likala Yesu. Yesu wa popia la Petulu hati: "Ñuame! "Eye wa handeleka Petulu hati: longisa omanu va Suku loku va tata kuenda oku va longisa oku kunda Ondaka Yiwa ya Yesu kuenda ndomo eye a fila akandu omanu vosi kuenda haeye wa yula Satana eci a pinduka kolofa.

Suku o yongola okuti omanu vosi va yeva eci ci tiamela ku Yesu Kilistu kuenda ovilimbu viaye oco ovo va kolele okuti Omola a Suku. U kuama, kuenje lovevo o popeliwa kuenda o kuata omuenyo ko pui.

Ulandu

Ulandu

Yesu eye upopeli wocili. Eye o tu popela kekandu kuenda kuvi kuenda o tu iha omuenyo kopui. Amako loku yevelela eci ci tiamela ku Yesu Kristu. Vanja kociluvialuvia ci kuayimo eci o yevelela ocisungo.

Ociluvialuvia Ce 13: Yesu O Longisa Olondonge Vivali

Ociluvialuvia Ce 13: Yesu O Longisa Olondonge Vivali

Luka 24:13-35

Va Yundeya va lua va lavokaile okuti va yovuiwa kuviali wa suvukiwile wolombiali via va Roma. Puãi caco eci hacoko Yesu eyilila kulo kilu lieve. Noke, va Yundeya yaco haivo, va pinga asongui va Roma ha va ipaya Yesu. Ove ivaluka ndomo asualali va Roma va ipaya Yesu poku u valela komindikiso kuna eye a fila.

Puãi kovaso yepinduko liaye kolofa, vavali pokati kolondonge viaye va kala loku enda kolonjo viavo. Vocitukulukila, Yesu wa moleha kokuavo. Ovo va simile vati ocingendeleyi; omo liaco vo lomboluila cosi ca pita voloneke vimue ka via luile. Kuenje Yesu wa va lomboluila eci Mose lovapolofeto vosi vakuavo va Suku va popia osimbu Vovisonehua kueci ci tiamela ku Yesu. Ovapolofeto va lombolola hati co sesamelele oku tala ohali kuenda oku fa. Ovo va popiavo vati eye o pinduka kolofa loku tumala kondio ya Isiaye kuna a ka vialela Usoma wa Suku oloneke ka vi pui. Koñolosi yaco eye wa tumala oku lia lolondonge viaco evi vivali. Poku timbula ombolo loku yeca kokuavo, ovaso avo a patuluka, kuenje vo limbuka.
Noke wa senguluka kovaso avo. Va enda ko Yelusãyi oku ka lomboluila olondonge vikuavo okuti ovo va mõla Yesu kuedavo okuti o kasi lomuenyo.

Tu yeveleli eci Eye muele Yesu a tu longisa oku upisa Vovisonehua.

Ociluvialuvia Ce 14: Omola Pokati Kolongulu

Ociluvialuvia Ce 14: Omola Pokati Kolongulu

Luka 15:11-20

Eteke limue, eci Yesu ka file handi, wa ta olusapo lulume umue wa kala lomala vavali valume. Umalehe waco wa popia la Isiaye hati:"Kovipako viepata nyiheko onepa yange."Isiaye wa va tepela ipako viaye kavali kavo. Umalehe wa enda kofeka yimue yocipãla. Eye wa pesela ipako viaye levi ka vi silivila. Noke kofeka yaco kueya onjala ya lua. Ukuenje lacimue co supilapo. Omo liaco, wa enda oku ka talavayela ulume ume wo tuma oku ka lisa olongulu. Ukuenje wa kuata onjala ya lua, kuenje wa livela oku lia okulia kuolongu. Noke kutima waye wa popia hati: "Avoyo! Oku sokolola vakuopange wa tate! Va kuete okulia ku va tẽla, kuenda ku supoka, osimbu ame fila kulo lonjala! Ñatuka, ngenda ku tate, ha popia laye siti, A tate, nda lingila ilu (Suku) ekandu kuenda ove. Si sesamela oku tukuiwa vali omolove, ndingise ño ndukuopange wove ukuanganyu." Kuenje wa katuka, wa enda ku isiaye.

Ociluvialuvia Ce 15: Omola Wa Nyelela O Tiuka Konjo

Ociluvialuvia Ce 15: Omola Wa Nyelela O Tiuka Konjo

Luka 15:21-32

Osimbu umalehe waco handi a kala ocipãla, isiaye wo mola. yu wa lupuka , wo limbila posingo kuenda wo sipula. Wa handeleka akuenje vaye oku nena uwalo wa velapo kuenda oku angiliya okulia kuwa. Kuenje eye wa popiavo hati: "Tu li, tu sanjuki. Momo omolange u wa file, yu o kasi vali lomuenyo, wa nyelile yu wa sangiwa." Kua kala esanju lia lua.

Yesu wa tu lomboluila hati Suku wa lisoka lonjali eyi. Omanu vosi va lisoka lomola wa linga ekandu. Puãi Suku lopo haimo a tu solele. Eye o tu peya oku tiukila kokuaye. Eye o yongola oku tu ecela. Omo liaco, wa tuama Yesu Kilistu oku sandiliya kuenda oku popela vosi vana va litepele la Suku. Omanu vosi okuti omuenyo wavo wa litepa la Suku, va nyelela, kuenje Yesu eye lika onjila yomanu va nyelela ha va tiuka ku Suku, Isia.

Ociluvialuvia Ce 16: Ukuasi Wohuasi Yimue

Ociluvialuvia Ce 16: Ukuasi Wohuasi Yimue

Luka 12:13-21

Yesu wa lomboluila owiñi esapulo likuavo liohuasi yimue ya kala lovapia awa. Eye wa sima oku tunga olosila vinene ha konguilamo olomema via lua loku popia lutima waye hati: "Otima, o kuete cosi o sukila, ca solekelua anyamo a lua. Livala, lia, nyua, sanjuka." Puãi Suku wa popia laye hati: "Vuveke! Uteke ulo va ku upa omuenyo wove, oco evi wa vi pongiya hẽ vi linga vielie?"

Yesu wa amisako hati: "Haico ci kala lu o lisiliyila ukuasi puãi ka kuete ukuasi wa Suku."

Ociluvialuvia Ce 17: Ongeyi Kuenda Ohuasi

Ociluvialuvia Ce 17: Ongeyi Kuenda Ohuasi

Luka 16:19-31

Yesu wa tualavo esapulo liomunu ukuavo ohuasi wa kala la cosi a sukila. Puãi ka kuatelele ohenda ongeyi yimue ya ikile oku eya kepito liaye. Ohukui, ongeyi, ya fa kuenje ya enda kilu. Oko, eye wa tumala konele ya Avirahama wa linga ocikoti ca va Yundeya vosi. Eci ohuasi ya fa, ya enda vonjembo, ocitumalo ca kãla, ocitumalo condalu lohali. Eci a petula ovaso wa muila kupala Avirahama kuenda Lasalu ongeyi. Oco ohuasi ya vilikiya hati: "A tate Avirahama, va ndinge ohenda oku tuma Lasalu, a yave osungu yomuine waye vovava oco a polise elimi liange, momo nda yambuka vulienge ulo. Puãi Avirahama wa popia laye hati: "Pokati ketu lene, pa pindika ekungu linene okuti ava va yongola oku yokila kokuene ka va ci tẽla, haico vakuiesinya liene lomue o tẽla oku yokila kulo."

Vonjembo ka muli elau, ndaño onjila yoku puluka. Vosi va endamo va tala ohali olotembo ka vi pui. Nda tulohuasi nda tulohukui, tua sesamela oku sola kuenda oku pokola Suku. Kolela Yesu Kilistu, kuenje o popeliwa oku enda konjembo, kuenje o ka tambula omuenyo wenda ño hu u tunda ku Suku.

Ociluvialuvia Ce 18: Ekamba Kepito

Ociluvialuvia Ce 18: Ekamba Kepito

Luka 11:5-13

Eteke limue, omunu umue wa enda kekamba liaye, kuenje wa popia laye hati: "Akamba, ngundike olombolo vitatu, momo ekamba liange wa enda ungende, weya konjo yetu, ame puãi si kuete eci ndu poka." Ekamba kumue lepata liaye va kala ale vula. Eye ka yonguile oku tunda vali pula. Puãi ulume wa kala kepito ka kaile losõyi yoku tongeka oku pinga, kuenje ekamba lia pasuka yu lio wiha eci yonguile. Yesu wa popia hati: "Pingi, kuenje cu wihiwi, vanjiliyi kuenje vu sanga, totoli, kuenje vo yikuluili. Momo wosi o pinga, o tambula, u o vanjiliya o sanga; u o totola vo yikuluila."

Suku o yongola oku linga Isietu. Eye o yongola oku tu ĩha Espilitu liaye li Kola kuenda o yongola oku tẽlisa olonjongole vietu viosi. Eci tua sesamela oku linga oku tongeka pamue oku amamako loku U pinga lolohutililo okuti Eye o tu kuatisa oku pokola Kondaka yaye loku U kolela.

Ociluvialuvia Ce 19: Alume Vavali Vonembele Ya Suku

Ociluvialuvia Ce 19: Alume Vavali Vonembele Ya Suku

Luka 18:9-14

Vociluvialuvia cilo, tu lete omanu vavali va kasi loku likutilila vonembele ya Suku, Umue wa kala ukuetavo, haeye wa kala lepela. Eye wa likutalaila lika eye muele, kuenje wa popia hati: "A Suku ndi ku pandula omo sia sokele lomanu vakuavo, olondiandia, ka va sungulukile, vakahonga pamue ndeci u ukuakutambula elisimu. Ndi likandangaya okulia luvali kosimanu, ndukuakulumba onepa yekui yovipako viange viosi." Suku ka sanjukila ulume u ndaño ohutililo yaye. Ulume ukuavo umue ukuaku tambula elisimu haeye ka sungulukile. Wa punda olombongo viomanu. Eye wa kũliha okuti ka sanjuisile Suku. Eye wa li pupola ponete loku petamisa utue waye losõyi. Eye wa likutilila ku Suku hati: "A Suku, ndinge ohenda ame ndukuakandu." Yesu wa popia hati, Suku wa yeva ohutililo eyi. Eye wa ecela ekandu liaye.

Suku o pembula vakuepela, puãi o tambula vosi vakuacili haivo va kasi lovitima viomboka, kuenje o tambulula olohutililo viavo.

Ociluvialuvia Ca 20: Ulume O Lombola Ombuto Yaye

Ociluvialuvia Ca 20: Ulume O Lombola Ombuto Yaye

Luka 8:4-9

Eteke limue, Yesu wa longisa omanu va lua, kuenje wa popia hati: "Uwayi umue wa tunda oku waya ombuto yaye. Eci a kala loku waya, yimue ya lokila kohulo yonjila yu ya kosiwa lolomahi, kuenje olonjila viovusenge vieya, via yi lia. Yikuavo ya lokila pocisokawe; tuli ya tunda ya kukuta, momo ka ya kaile lombuili. Yikuavo ya lokila pocambanda, kuenje ocambanda, oku yovela kumue layo, ca yi totomisa. Yikuavo ya lokila posi yiwa, ya yova kuenje ya licita, okuti onjongo yimosi ya ima ocita colonjongo. Eci a popia ovina evi wa vilikiya hati: U o kasi lovatui oku yeva a yeve."

Ociluvialuvia Ca 21: Ombuto Yi Kula

Ociluvialuvia Ca 21: Ombuto Yi Kula

Luka 8:9-15

Yesu wa lombolola ndoco olusapo: "Ombuto yaco oyo ondaka ya Suku. Ava vokohulo yonjila, ovo ava va yeva, noke eliapu liya, li upa ondaka vovitima viavo okuti ka va tava, kuenje ka va popeliwa. Ava vokohanda ovo ava okuti, eci va yeva ondaka, va yi tava lonjolela, puãi ka va kuete olombombo, oco va yi kolela ño okatembo katito, kuenje keteke lieyonjo va konyoha, Ombuto ya lokila pocambanda ya lomboloka ava va yeva puãi va enda ño lonjila yavo, kuenje va totomisua lohele, lukuasi lalau omuenyo okuti apako avo a siõsia. Ombuto ya lokila posi yiwa ya lomboloka ava okuti, eci va yeva ondaka va yi seleka vovitima via lipua haivio via sunguluka, kuenje va pandikisa oku ima apako."

Ove o ka yeva kuenda o ka tambula ndati Ondaka ya Suku? O laika oku sina kuenda oku nyelela? Ale o ka kolela Ondaka ya Suku loku yi pokola hu sanjuisa Suku? Nda oco, o ka linga ndombuto ya wila kosi yiwa.

Ociluvialuvia Ca 22: Ekuatiso Kulume Umue Wa Lemehiwa

Ociluvialuvia Ca 22: Ekuatiso Kulume Umue Wa Lemehiwa

Luka 10:25-37

Tu tẽla oku kũliha ndati okuti tu kasi loku sanjuisa Suku vomuenyo wetu weteke leteke?
Ondaka ya Suku, Embimbiliya li tu lomboluila okuti etu tua sesamela oku sola Suku kuendavo oku sola omanu. Puãi omanu vapi tua sesamela oku sola?
Yesu wa tuala esapulo liomunu umue wa kala loku lokila vetapalo limue ka lia kaile lomanu. Ovingumba vimue vio tota olombole. Vio wupa cosi a kala laco, kuenje vo sia lokamuenyo kimbanda.
Noke kua moleha omanu vavali vakuetavo. Ovo va mola omunu wa totiwa olombole, puãi ka va yonguile oku u kuatisa. Noke umue ocingendeleyi wa molehavo konjila yaco. Eye wa kuatela ohenda yalua u wa totiwa olombole. Wa kuta apute ulume waco, wo kapa kocimbulu caye, yu wa enda laye konjo yolongende, kuenje vo tata.

Yesu wa popia hati nda etu tu sole Suku tua sesamelavo oku lekisa ocisola poku kuatisa wosi o sukila ekuatiso.

Ociluvialuvia Ca 23: Mueleanjo O Tiuka

Ociluvialuvia Ca 23: Mueleanjo O Tiuka

Luka 12:35-48

Ivaluka okuti kovaso yolofa via Yesu, Eye wa pinduka kolofa? Osimbu handi ka tiukilile kilu, olondonge viaye vio mola. Yesu wa va lomboluila okuti co sesamelele oku tiuka vali, Eye wa popia hati vosi vo kolela, va sesamela ,oku linga ndakuenje va talamela oku tiuka kua cime cavo wa endele kocipito cuvala waye. Yesu wa popia hati: "Ci ka kala ciwa lakuenje ava okuti eci cime cavo eya o va sanga ka va pekelele, va kapelako, va lavulula, ..."
Etu ka tua kũlihile eteke Yesu a tiuka. Tua sesamela oku u talavayela kuenda oku kapelako oku u tambula loku u sambiliya tuli a moleha. Kuenje otembo yaco yi ka kala otembo yesanju lesumuluho. Kuava ka va tavele ku Yesu, yi ka kala otembo yohali ya lua. Yesu wa popiavo hati vosi vana va kasi locikele konjo ya cime cavo va sesamela oku kapelako kokuiya kua cime cavo. Nda va tata ciwa onjo yaye, va ka tambula onima ya lua. Puãi nda va veta loku tata lãvi olondingupange kuenda va kolua, ekangiso liavo li lua ca lua, li kãla.

Ociluvialuvia Ca 24: Ulume Vuti

Ociluvialuvia Ca 24: Ulume Vuti

Luka 19:1-10

Yesu o tẽla oku popela omunu eye omunu kekandu.. Yevelela handi eci. Sangeo wa kala ohuasi yimue yukuaku tambula elisimu. Eye ka kaile omunu wa sunguluka, kuenje wa ikile oku nyana olombongo viomanu. Eye wa yeva okuti Yesu wa kala loku iyililako, kuenje wa yonguile oku mola Yesu, puãi eye wa kala omunu umbumbulu kuenda Yesu wa ñualiwa lowiñi wa lua. Omo liaco, Sangeo wa londa vuti. Eci Yesu a kala loku pita, wa vanja vilu kuenje wa popia laye hati: "A Sangeo yayulako, loka. Etaili singa vonjo yove." Omanu va komoha. Sangeo ka kaile omunu umue uwa. Puãi Sangeo wa loka, kuenje wa tambula Yesu lonjolela. Oco wa likuminya la Yesu okuti o laika oku tunda kũvi ha pongolola olonjila viaye. Eye wa likuminya oku tiula eci a tambula komanu. Yesu wa popia hati: "Etaili eyovo lieya vonjo yilo,..."

Yesu weyilila oku vanjiliya loku popela u wosi wa nyelela kocipala ca Suku. Ndeci ca pita la Sangeo, sunguluisa omuenyo wove la Suku poku kolela loku pokola Yesu Kilistu. Eye o ku iha ongusu yoku siapo ovina vĩvi viomuenyo wove.

Keterangan terkait

Unduhan-Unduhan Gratis - Disini anda dapat menemukan semua pesan naskah GRN yang utama dalam beberapa bahasa, ditambah gambar dan materi terkait lainnya yang dapat diunduh.

"Lihat, Dengar dan Hidup" - bahan audiovisual - Satu set berupa 8 program, masing-masing terdiri dari 24 gambar untuk penginjilan dan pengajaran Kristiani. Seri-seri ini menceritakan tokoh-tokoh dalam Perjanjian Lama, kisah hidup Yesus, dan gereja mula-mula.

Bagaimana menggunakan bahan-bahan audio visual GRN - 1: Mempermudah membagikan Injil - Artikel ini memberikan pengenalan tentang beberapa diantara sekian banyaknya cara menggunakan bahan-bahan audio visual GRN yang dapat digunakan dalam pelayanan.

Bagaimana menggunakan bahan-bahan audio visual GRN - 2: Melangkah Lebih Dalam - Artikel ini memberi keterangan lebih lanjut tentang bagaimana seseorang belajar dari cerita-cerita, dan mengapa cerita-cerita itu tidak mempunyai banyak penjelasan.

Perpustakaan Audio GRN - Bahan pengabaran Injil dan pengajaran dasar Alkitab yang sesuai dengan kebutuhan masyarakat dan budaya dalam berbagai macam bentuk dan format.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?