Bawi Jesus a Byat Nak
![Bawi Jesus a Byat Nak](https://static.globalrecordings.net/300x200/tlc-107.jpg)
Ուրվագիծ: Lessons from 'The Living Christ' #2 - Pictures 58, 90, 97, 98, 100, 102, 103, 104, 106, 107, 108.
Սցենարի համարը: 442
Լեզու: Chin, Dai: Ngxang
Թեմա: Christ (Saviour of Sinful Men)
Հանդիսատես: Muslim
Ոճ: Monolog
Ժանր: Bible Stories & Teac
Նպատակը: Evangelism
Աստվածաշնչի մեջբերում: Extensive
Կարգավիճակ: Translation
Սցենարի տեքստ
Ng’thawh ei nak
![Ng’thawh ei nak](https://static.globalrecordings.net/300x200/tlc-107.jpg)
Ak cyn a veh hlen nak khyh Ngham Nu hi ve pyang ti. Bawi Zesu hi nyn Ngham Nu a dya mat a veh ti hyai. Khan khaw lya mdek nu hi mat a ei mcawm. Ni nam myn Bawi Zesu hi thlang nga tun law ve na mdek khan na hyng sei law hyt ti. Thlang ba za byat nat hi nym a kham ei law. I khen nyn ni ti hi lup pung he za by na a saw lam hi ning nghak khyang ty ly u.
Ak cyk lup pung ni by ty hly u
Makuh.9:1-8; Mathai 17:1-8
Nglym pyang ti khaw khum thawn ngih tua Bawi Zesu hi Israel teng pe a hyng sei lum cem nhyt ti. A nih hin ny Ngham Nu a sawlam thlang ym a za mcup mtheh hyt.Myn nak taw ti amzy he hi nyn a za ploh cai hyt. Ang ngei ca he vai za thlang halei nghih cya nyn za hy ve na a za bet. A cun thlang he ny maym Bawi Zesu hi Pa Ngham nu a vei z aka lawk ti tih ei siim u. Zesu hi ei nih hea Sangphalang nga tun law hlyh ti ti myn ei mkyh yp ti he. Zesu ny ta a nih hi mkuhlih mkui mkha nak kham ei sawia byat nak a khan vai cya ang ngei ca he yn aza mthah. Nih na maym ang ngei ca he ny ym cang na u. Ngmyt hat ta Bawi Zesu n yang ngei ca sulang mthum za cet pui ve na Mcum nga a za kai pui. MCum nga ei pha vai zym myn nak daw ti amzy tawng lawk ti ta, Zesu hia lup lei thawng nglai law ve na a mik mhai hi khaw mik ba ncyai law ti, a sui sak he hi nyn khaw vai ba mkap lawkti he. Acun na ha mzyak yt a thlang sulang nghih po laawk ti hyai. A cun hyai ta mlym pyang ti khaw kum nawk vei tua mdek khan n alum cem hyt ti Ngham Nu a sahma cim hyai za tun ti hyai. Bawi Zesu a tya ncin zang ve ua, Jerusalem mlyh a byat nat a khan vai za kawn he za ci zang ve una sahma ciim hya hi mik mkyp hat yn thlyp pe ti hyai.
Am mhih nak lup pung ni by hly u
Makuh 12:1-12
Israel pe a ve ti he a hmoh ploh ti am mkhom he hiny sak yn Ngham Nu hi ei ploh ei u. Ngham Nu a a sawlam hi a lum kei sim ti ve u na ei pyat lya ei pyat ei hmyat u. Ni na maym Zesu hi ta sak yn Ngham Nu a vei z aka lawk ti ti cya ta ym cang na u. Zesu hi ei ma ei u. A cun khen nyn Zesu ny ei nih he a vei za capeit dya vawng pyat ti dya mah akhui a za pyang pet. Ngmyt hat ya capeit dya vawng mah pa hi ny a dya hi lai cai ti he za khah hyt ve na a paan nat pe hat a cet ti. Capeit theh pih ak cyan a pha law ym am mpaei mat capeit theh pit khai za a mh pa ny atyh. Dya vaat ti he yn a mah pa mpaei cya that ve u na ei tyh be u. Amah pa ny ta acun pyang ngym am mpaei nawh haha za tyih be ty. Acun he hi nyn dya vat ti he nyza the paai ve una ei za tyih be ty u. A pyah nak ata dya mah pa ny apyat a ca kun kun atyih, I ti ni ting tah a nih a ca ani khen nyn dya vaat ti he ny ei lei sawng hly u ti am hmyat. Ni nan myn dya vaat ti he ny a ca hi ni nghim myn ta a dya hi ni ka nak hly u ti mhyat ve u na a ca pa cya ei nghim u. Zesu ny a cun na khui am mcyam pyang myn, a cu ba a nin ta vawng mah pa hi hhu ba tun lawk khai ni ti a hmoh ploh tiam khom he cya a za thya. Ze suny a za mtheh be ta, vawng mah pa a pyat kung byah law ve na dya vaat ti he a lum a za nghem pyat hly, vawng cyya nym a ngha thlang hem a za pet be hly ati. A cun lya a hmoh ploh ti am kom he ny Zesu ny nih he zap yang ti ei siim khen nyn ei mlum she ti he. Mlym pyang ti ak cyn he ym isael teng pe a veh ti hmoh ploh ti am kom he ny mym Ngham Nu a samha ciim he ei za nghaim hyt u. Tuh hi nyn Zesu hi nghaima ngyi ti he.
Am thum nak lup pung ni by hly u
Makuh 14:1-9; Zawhan 12:1-8
Zesu ny anih hi ka byat hlyt ti ti ang nkhai za a sim. A byat hlan mhmyt ngeih thum tua ang ngei ca he a tya mat a buh ei ei u. A cun na cyn nyn mhu mi nu mat cya byah law ve na mdek khyk man nyn a phu kyi ti zemui tui zyn Zesu a khaw am thih. A cun hi thlang a khyak he ei mlum se ti he. Zudahsakaluh ny a hi ba a cai ka a zawi ve na ngai kae he yn aza zeit a ta daw kyak hlyt ti a ti. Ni na nym Zesu ny a cun he hi ny hmumi nu cya ym ei pya vai u a a za mtheh. Hmu mi nu hi ny keia khan na daw ti am mzy hi a ploh cai pyang ati. Keia khan na zemui tui apui hi ka thlang a na mklyh vai ang zawi cai tia tun ti ati.
Lup pung akpli nak a ni ceh hly u
Makuh 14:10-11
Zudahaskaluh am mlum se ve na a moh ploh ti am khong hea vei za ceh ti. Zesu hi nei mang law vai u a kei nak pui hly u ti a za mtheh. A hmoh plohti am khong he ei veh daw ve u na Zuddah ym tang ka thunjip ei pet u. A cun na khyh Zudahsakluh ny Zesu am khom hea ve za a za ap vai ak cyn daw hi a sui tyh. Zesu ny myn Zudahny I cai ti ni ti ang khea za a siim.
Ang hma nak lup pung ni by ty hly u
Makuh 14:22- 25
A hin na lup a ta Isael thlang mzy he mpa a ka ei lyat na law be msim mhuh nak a kum nga khe ei pioh cai patha kha pooi ei ti Zesu ny ang ngei ca he a za pioh cai pui za lup pung cya ni hmuh u. Ngham Nu ny Igypt pe a mpa ei ti he Isael thlang he cya mpa a ka ny aza mlyat be vai za si tih a za pet. Isael he ym mbawng za hmim sak ve na ei sawk mkyat a a thi a za hlit msak. Bawpi pangham Nu Igypt pe a an glen law ym mbawng thi a hmuh nak im za ceh ta ve na mbawng ti ym a veh nak im ma ka Igypt he a capa thlen he cya a za nghmim. Isael he hi ei mbawng thin y ei nih he cya a za mhlyat. Igypt pe a k any Isael he cya ei za ceh be msak u. A cun na cyn a mpa a ka ei lyat be nak u a saw lam msim hmuh saw a Isael he ny a khum ma khe pathakha poi ei ti cya ei ploh cai u.
Zesu hin ny a pyat a byat vai cya sim. A cun pathakha poi a za cai pui nak a Zesu ny ang nghei ca he ym nkhai peh cya lawi ve na nang nih hea byh kei nang pet kham mdi sa a tun ti, nei nang msim hmuh nak vai za lawi ei ve ukti na ei zi u, capeit tui cya myn nang nih hea byh kam mlawng ka thi a tun ti, nei nang msim hmuh nak vai za lawi ve ukti na awi u a ti. Zesu hi pathakha poi za ei nghim mbawng nga tun ti. Mkhai ti thlang he lyat nat ei lah vai za byh ei hmem khynsei za tunti. Mdek nu a mkhai nak ceh pui ti Ngham Nu a mbawng ca a tunti. Nih he hi ny a hin na a saw lam hi a zyat a sitih nil ah vai za tunti. I ti ni tin ta Zesu hi nih he mlyat nak a ni pha khai hea byh byat nak a za kham pet tia tunti.
Lup pung ak khuh nak ni by ty hly u
Makuh 14:32-42
Msim hmuh nak Pathakha poi ei cai pyang um Zesu ny ang ngei ca avaan cya Gethasen dyai umma a za ceh pui. A cunna cyn hi mtham na tun ti. Zesu n yang ngei ca sulang thum cya si tih yn veh khai he a za mtheh ve na luppung nga ni hmuh a tyang nga Bawi Zesu Ngham Nu a vei za nhnih ei ti. A nih a khan napha lawk khai khui kha nak lya byat nak he khen nyn am mlum khui kha ti. A tun khawk yn ta Ngham Nu ny a cun khui khanak lya byat nak he a k any ak plihplen peh vai za a ngih ei. Ni nan myn Zesu ny ka ly nak a tyang nga yn nik tia Pa Ngham Nu na ly nak a tyang nga tun sya a ti. Acu ba ang nghih ei za cyn nyn ang ngei ca he ta ip tawng ti he.
Lup pung ak kyh nak
Makuh 14:43-50
Judasakaluh ny Zesu ha ceh tini ti a siim khen yn Kethasen vawng cyap a lyat law. A hnu a tlang bawng he lya a hmoh ploh ti am khong he ny bi khai li cip cepcei he mah a ei lyat law u. Judah ny a cun thlang pawng he ym nang nih hea ly thlang mat cya kam hnam hly. A cun thlang cya nei mang vai u a ti. Ei pha vai ak cyng nyn Jesu cya hnam ve na thlang bawng he ny man ve una ei khong u. Ang ngei ca he cyai tawng ve u na Jesu ei ceng tak u, ei cym hyi tak u.
Ak khaih nak lup pung ni by ty hly u
Makuuh 14:53-65
Zesu cya khon ve u na zitpazawhit ei ti khaw tu ciim ma ima ei ceh pui u. Khaw tu ciim lya ang mkhom he ny Zesu ei thya u. thlang a lum he ny Zesu hi ym tala tia hyng sei ve sawh ti ti am khai ei msut u. A cun pyang yn Zitpazawhit kaw tu ak thlen kyah ny “Zesu nang hi Ngham Nu a ca karittaw Bawi za na thawng ti vaw” ti ak thya lya Zesu ny “oiza na ti a tyang nga kei hi Ngham Nu a ca pa Karitaw” a ka tung ti a ti. A cun lya khaw tu ciim ny thlang he ym cyai Zesu ny a ti hi nei ngzak u ym nitiaw, a hi ba a ti hi Pa Ngham Nu mzyai mzeh tia tun ti, ahi ba a ti khen nyn amkhai ang byh akce satsi ym ly ti, byat pyh ti ti mlei ve na thlang hem aza mtheh. Thlang a lum he ny myn Zesu hi byat seh ti mlei ti he.
Lup pung ak ko nak ni by vaai ty khawm u
Makuh 15:1-15
Judah pe a ka ahmoh ploh ti am mkhom he hi ny Zesu cya hnim vai za aa naa ym ei pyat u khen nyn Pilat sangphalang nga vei za ei ceh pui u. Pilat sangphalang a nin ta thkang he hi za nhnim khoh ti aa naa mah a tun ti. Pilat sangphalang ny Zesu cya am zy lum cii zang thya khong pyah vena Zesu hnim kawh nak vai amkhai ym pe ti a hmuh. Ni na myn Yawmah sitta he ny ta Zesu hnim byah vai zaei ly nak u vei ti. Hling lukup mcawm ve u na Zeu a lu a ei mkuh u. Juddah sangphalang za ti zak ei ve una ei mzyai mzeh ei u. Pilat sangphalang ny ta Zesu hi mlyat a ngahy klo na myn a hmoh loh ti am khom he ny thlang a lum hem cyam Zesu ngim I u, laklam ma thak ve ukti na mthi ym nghem ni u ti ei za mlei msak. Pilat sangphalang ny myn am khom he lyya thlang he a be cya zak vei na Zesu am khai ym a veh mahmah a nghmim vai za a cii zang law.
A hae nak lup pung ni cet hly u
Yawhan 19:16-17; Luka 23:26-33
Yawmah sitta he ny mdek kyt a nghyhti thing tyang laklam cya Zesu ym kyat msak ve u na nghmim vaai vai za ei ceh pui u. Zesu Yawmah sitta he ny ceh pui ve u na ei mkuh mlih mkui kai ei u cya hmu mi nu he ny ei za hmuh ak cyyn nym ei mikpli pok saw a ngkaip ei ti he cya lup pung nga ni hmuh u. Mlyh a plang lam kolakota ei u ngnyn na ei ceh pui u. Kolakota ti nak a lam ta Vuh he ei syam na nghyan ti nak a tun ti.
Lup pung haleihat ni by aai kom u
Makuh 15:25-39; Luka 23:42-43
Yawmah sitta he ny Zesu a su sak he za suut ve u na laklam tyang nga khan na mthi ny ei ngein u. mneh ei khui kha nak kham ei saw a Ngham Nu a vei za ngihei ti. Aw Pa aw ei nih he ny I k acai tini ti ym ei sim u khen nyn ei nih hea mkhai za mlyat ya a ti. Zesu a thi the a thlang se hyai sulang nghih cya myn laklam ma ei za taet. Thlang se mat ny ta Zesu am mzyai mzeh Ni na myn mat ny ta I ba a cu ba tana ti ni, Ngham Nu ym na kyh ei zaw, nih ta nin mkhai a phu khen ni kham vena Zesu ta am mkhai im ym pe tia a kam ei hi ym na hmuh aw ti ang vui ca a pyan. A cun thlang ny Zesu ym Bawi Pa na pe na sui sak law ak cyn nynka nang mhih ei zya ti am mtheh. A cun lya Zesu ny a cun thlang ym tuh hmyh Paradih dym nak a mat a ni ve hlyk ti tisitih apet. Zesu laklam tyang nga khan na nayi khuk ammhyt mte ang tat pyang yn ang hmyt ny za khym law ve n aka hmoh ploh kam cyang ti Zesu mlei ti. Ang moi thla Ngham Nu a vei za bap pyang ym Zesu byat nak a pha ti. Zesu mtyat ti Yawma sitta he ny acun na a saw lam he ei za mhuh ak cyn nyn myn na dawng ve u na cyai tawng ti he.Zesu hi akcang nga Ngham Nu a capa a tawn ti za ei ti u.
A pyah nak
![A pyah nak](https://static.globalrecordings.net/300x200/tlc-107.jpg)
I khen nyn Jesu ny byat nak a kham Ni? I va za byh a Ngham Nu ny a capa hi thlang hea kut yn byat nat a kham msakni?
Nghaun Pui……
Zesu hi ni ang byh kunkun nga byat a kham nga tun ti. Mkhai nak mzy kym ngyn ni lum cem hyng sei khen nyn Pa Ngham Nu am lum ni ngeh ei msak. Mkhai nak a ohu khen ta byat nak a tun ti. Mkhai nak hi ta Pa Ngham Nu a dya sak hat za phynmkai msak tia tun ti. Ni na myn Pa Ngham Nu ny ta thlang lum a a mlim ei, mat ca hi nyn byat nat a pha vai za a ly nat ym pe. A cun nyn ning mkai nak za kham pet khai za a capa a tyih law. Nih hea ngnyn na za byat pet khai za Bawi Zesu hi a tyih law a tun ti. Tuh myt nang lya kei za mkai nak cya pa Ngham Nu ny a naam za tahpet khawk tia tun ti. Bawi Zesu zum ei ti a lum he ta ciim pah byat nak a a pha ka a ak thai za hyyng nak a nit ho be ve na Ngham Nu a tya sak yn ni hyng hlyk tia tun ti.
A hina saw lam a lum he hi a nin ta Bawi Zesu mdek nua khan na a pha law ve laklam khan na byat na a za kham pet na a saw lam he a tun ti.
Ngham Nu ny khun nang pe u sya.