unfoldingWord 27 - Sual hana alim fi diin al yahuudia
![unfoldingWord 27 - Sual hana alim fi diin al yahuudia](https://static.globalrecordings.net/300x200/z42_Lk_10_09.jpg)
Ուրվագիծ: Luke 10:25-37
Սցենարի համարը: 1227
Լեզու: Arabic, Chadian
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z42_Lk_10_01.jpg)
Yom min al ayaam alim al inda ma’arifa fi diin al yahudiya ja le Isa achan bi wassif le nas kadar ta’alim hana Isa ma adil khalas sa’ala wa gaal: « ya seyyidna ni sawwi kikef nadukhul fi al haya abadiya? » Isa radda wa gaal: « chunu maktub fi chaariat Allah? »
![](https://static.globalrecordings.net/300x200/z42_Lk_10_04.jpg)
Al-alim gaal: « Maktub fi chaariya hana Allah. Hibb Allah Rabbak be kullu gelbak wa nafsak wa gudratak wa kullu fikrak. Wa hibb jarak misil ti hibb nafsak. » Isa gaal: « indak hak, sawwi misil ke wa khalas tadkhul fi haya al abadiya. »
![](https://static.globalrecordings.net/300x200/z42_Lk_10_03.jpg)
Lakin al-Alim al inda ma’arifa fi diin al yahudiya wassaff nafsa le nas kadar hu ga’id yi sawwi achiyya adiil bilheen. Khalas sa’al Isa wa gaal: « yatu jaari ? »
![](https://static.globalrecordings.net/300x200/z42_Lk_10_05.jpg)
Wa Isa radda le-l- Alim al inda ma’arifa fi diin al Yahudiya wa gaal lea fi taarikh « Rajil wahid Yahuudi musafir chaal derib min al - Khuds le Iria. »
![](https://static.globalrecordings.net/300x200/z42_Lk_10_06.jpg)
Wakit hu musafir al haramin marago lea hajamo daggo khallo ben al mot wa haya. Chaalo kullu khumama wa fato.
![](https://static.globalrecordings.net/300x200/z42_Lk_10_07.jpg)
Ba’ad da rajil diin wahid hu Yahudi. Hu machi wa chaffa le rajil da ragiid fi-l- derib achan daggo wa chaalo kumama. Hu ba’ara ba’id wa fat.
![](https://static.globalrecordings.net/300x200/z42_Lk_10_08.jpg)
Ba’ad da rajil wahid lawi. Al - lawiyin human min gabayil hana Yahud al bi sa’udu rujal al-diin fi bet Allah. Hu kula ja fi nafs al derib chafa wa ma ja’ala wa adda khaadi.
![](https://static.globalrecordings.net/300x200/z42_Lk_10_09.jpg)
Rajil al - akhar da hu Samari. Al- Samariin dol human aada ma’al Yahud. Chafa wa irifa hu Yahudi wa hanna, rafaha wa dawa awawira.
![](https://static.globalrecordings.net/300x200/z42_Lk_10_10.jpg)
Wa khalas Al- Samari chal al rajil fog al humar. Wada fi beet al - difaan al garib ma’a derib. Wa chal mas’ulita.
![](https://static.globalrecordings.net/300x200/z42_Lk_10_11.jpg)
Ambakirta Al- Samari bi dor yi wasil bi safaro wa anta gurus le mas’ul hana beet al difaan wa gaal leya. « chil mas’uliya hana rajil da. Wa kan khisir gurus be ziyada kula kan gabal ni kaffig. »
![](https://static.globalrecordings.net/300x200/z42_Lk_10_12.jpg)
Wa khalas Isa sa’al Al-Alim al inda ma’arifa fi-l- diin al Yahudiya yatu min rujal al talata bigi jaar hana rajil al haramin daggo? Al - alim nadda leya wa gaal as- sawa leya kher hu bas jaara. Isa gaal leya « inta kula amchi wa sawi nafs al chey da. »