unfoldingWord 32 - भुत जटकल लोग अऊ दुखलिहा सवाँघिन ला ईसू चंगा करथे
![unfoldingWord 32 - भुत जटकल लोग अऊ दुखलिहा सवाँघिन ला ईसू चंगा करथे](https://static.globalrecordings.net/300x200/z42_Lk_08_22.jpg)
Ուրվագիծ: Matthew 8:28-34; 9:20-22; Mark 5; Luke 8:26-48
Սցենարի համարը: 1232
Լեզու: Surgujia
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z40_Mt_08_13.jpg)
एक दिन ईसू अऊ ओकर चेला मन झील कर ओपार डोंगा में जात रहिन जिन्हा गिरसेन कर लोग रहत रहिंन।
![](https://static.globalrecordings.net/300x200/z42_Lk_08_20.jpg)
जे घनि ओमन झील कर ओपार पहुँचीन एगोठ भुत जटकल आदमी ईसू जग कूदत कूदत आईस।
![](https://static.globalrecordings.net/300x200/z42_Lk_08_18.jpg)
ओ आदमी हर एतना ताकतदार रहिस की कोनो ओके धरे नई सकत रहिन। लोग मन ओकर हाँथ गोड़ ला संखड़ी में बाँएध देहत रहिन, लेकिन ओला ओहर टोएर देहत रहिस।
![](https://static.globalrecordings.net/300x200/z42_Lk_08_19.jpg)
ए आदमी हर ओ पारा कर मरघेटिया में रहत रहिस। ओ सबेच दिन अऊ रात किरलात रहिस। ओ कपड़ा नई पहिरत रहिस अऊ पखना में अपने अपन ला मारत रहिस।
![](https://static.globalrecordings.net/300x200/z42_Lk_08_21.jpg)
जेघिन ओ आदमी हर ईसू जग आईस, अऊ ईसू कर आगु में ठेहुँना कर बल गिर गईस। ईसू हर ओ भुत ला कहिस, " ए आदमी कर भीतर ले निकेल जा। "
![](https://static.globalrecordings.net/300x200/z42_Lk_08_22.jpg)
ओ आदमी जेकर भीतरी भुत रहिस ढ़ेरेच जोर से किरलाए के कहिस “परम प्रधान परमेसवर कर बेटा ईसू, तैं मोर ठन का करेक चाहत हस? मोके दुःख मत दे।” तेकर ईसू हर भूत जग पूछिस, “तोर का नाव हवे?”ओहर कहिस मोर नाव लिगियोन हवे, काबर की हमरे ढ़ेरेच बगरा हवन। “( रोमी सेना में कुछ हजार सैनिक कर खईरखा ला”लिगियोंन कहत रहिन। )
![](https://static.globalrecordings.net/300x200/z42_Lk_08_23.jpg)
भुत मन ईसू जग परथना करिन की, “हमन के ए पारा ले बहरी मत भेज, ।” लिघे कर एगोठ घूँटरी में चटिक अकन सूअर चरत रहिन। भुत मन ईसू जग परथना करिन की, “हमन के ओ सूअर कर ऊपरे जाये दे।”ईसू हर कहिस जा।"
![](https://static.globalrecordings.net/300x200/z42_Lk_08_24.jpg)
भुत मन कर खईरीखा हर ओ आदमी ले निकेल के सूअर मन कर ऊपरे ढुईंक गईंन।। सूअर कर खईरखा झील में जाएके बुईड़ के मर गईंन। ओ खईरखा में लगभग २००० सूअर रहिंन।
![](https://static.globalrecordings.net/300x200/z42_Lk_08_25.jpg)
जेमन सूअर कर देखभाल करत रहिंन ओमन देखिन की का होईस अऊ ओमन कूदके गाँव में गईंन अऊ सबेच झन ला बताईंन की ईसू हर का करिस हवे। गाँव ले लोग मन आईंन अऊ ओमन ओ आदमी ला देखिन जेकर भीतरी भुत रहत- रहिस। ओ आराम से बईठे रहिस, कपड़ा पहिनेरहिस अऊ एगोठ सीधा साधा आदमी कस व्यवहार करत रहीस।
![](https://static.globalrecordings.net/300x200/z42_Lk_08_26.jpg)
लोग मन ढ़ेरेच डराए गये रहिंन अऊ ओमन ईसू ला जाये बर कहिन। ईसू डोंगा में चढ़के जायेबर संपरत रहिस। ओ आदमी जेके भुत धरे रहिस ओहर विनती करिस की ओ ईसू कर संगे जाएक चाहत हवे।
![](https://static.globalrecordings.net/300x200/z42_Lk_08_27.jpg)
लेकिन ईसू हर ओकेला कहिस, “नहीं, मैं चाहत हवों की तैँ अपन घरे जा, अपन परिवार अऊ संगता मन ला ओ सबेच जाएत ला बता जे चीज परमेसवरतोर बर करिस हवे। अऊ कईसे तोर ऊपर दया देखाईस हवे।
![](https://static.globalrecordings.net/300x200/z42_Lk_08_28.jpg)
तेकर ओ आदमी हर चईल गईस अऊ सबेच झन ला बताईस की ईसू हर ओकर बर का करिस हवे। जेमन ओकर कहनी ला सुनीन ओमन अकबकाए गईन।
![](https://static.globalrecordings.net/300x200/z42_Lk_08_30.jpg)
ईसू झील कर ओपार फेर गईस। ओमन ओठन पहुँचिन तेकर पिछु, एगोठ बड़खा भीड़ ओकर चारिओंकती ले जुटिस अऊ भीड़ हर ईसू ला ठेल देहत रहिस। भीड़ में एगोठ सवांघिन रहिस जेके बारह बछर ले लहू बहे कर दुःख रहिस। ओ अपन सबेच पईसा रुपिया ला बईध, मन के दे देहे रहिस की ओमन ओकर दुःख ला छुटुवाए सकें, लेकिन ओकर दुःख हर बढत गईस।
![](https://static.globalrecordings.net/300x200/z42_Lk_08_31.jpg)
ओहर सुने रहिस की ईसू दुःखलिहा मन ला चंगा करथे अऊ ओहर सोंचिस, “अगर मैं ईसू कर ओढ़ना ला छुए सईक देहुँ तो मैं चंगेच होए जाहूँ।”ओकरेले ओ ईसू ठनआईस अऊ ओकर ओढ़ना ला छुईस। जईसनेच ओहर ईसू के छुईस, लहू बहाई बंद होए गईस।
![](https://static.globalrecordings.net/300x200/z42_Lk_08_32.jpg)
ईसू हर तुरन्त जाएंन गईस की ओकर भीतरी ले सामर्थ निकेल गईस हवे। एकरले ओ किन्देर के पूछिस, “कोन मोके छुईस हवे?चेला मन कहिन,”ए भीड़ में एतेक बगरा लोग हवे अऊ ओमन् तोके ठेलत हवों। तैँ काबर पूछत हस की मोके कौन छुईस।
![](https://static.globalrecordings.net/300x200/z42_Lk_08_33.jpg)
ओ सवांघिन हर ईसू कर आगू में ठेंऊंगना कर बल गिर गईस, ओहर डराये गए रहिस अऊ कांपत रहिस। तेकर ओहर कहिस ओ का करे रहिस, अऊ की ओहर चंगा होए गये रहिस। ईसू हर ओकर ठन कहिस, “तोर बिसवास हर तोके चंगा करिस हवे। बढ़िया से जा।