unfoldingWord 10 - दस भऊर
![unfoldingWord 10 - दस भऊर](https://static.globalrecordings.net/300x200/z02_Ex_08_06.jpg)
Ուրվագիծ: Exodus 5-10
Սցենարի համարը: 1210
Լեզու: Surgujia
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z02_Ex_10_04.jpg)
मूसा अऊ हारून फिरौन जग गईन अऊ कहिन “इसराईल कर परमेसवर कहत हवे, मोर लोग मन ला जाये दे”। फिरौन हर ओमन कर बात ला नई मानीस। इसराईली मन ला जाये नई देहिस ओमन जग अऊ ढ़ेरे जियायेन बूता करवाईस।
![](https://static.globalrecordings.net/300x200/z02_Ex_10_06.jpg)
फिरौन हर इसराईली मन ला छोंड़े बर नई करत रहिस। तेकर ले परमेसवर हर मिस्र में दस ठे भऊर ला भेजीस। ए भऊर कर चलते परमेसवर फिरौन ला देखाईस की, परमेसवर फिरौन अऊ मिस्र कर जम देवता ले ढ़ेरे शक्तिशाली हवे।
![](https://static.globalrecordings.net/300x200/z02_Ex_07_04.jpg)
परमेसवर नील नदी ला लहू बनाये देहीस। लेकिन फिरौन इसराईली मन ला छोड़ेबर तियार नई होईस।
![](https://static.globalrecordings.net/300x200/z02_Ex_08_02.jpg)
परमेसवर जमेच मिस्र में बेंकचा ला भेजीस। फिरौन मूसा जग हाँथ जोड़ीस की बेंकचा ला भगाये दे। लेकिन जम बेंकचा कर मरे कर बाद फिरौन अपन मन ला कठोर करिस अऊ इसराईली मन ला मिस्र ले जाये नई देहीस।
![](https://static.globalrecordings.net/300x200/z02_Ex_08_06.jpg)
परमेसवर बर्रो कर भऊर ला भेजीस। फिरौन हर मूसा अऊ हारून ला बलाये के कहिस ए भऊर ला रोक देहीं तब ओ ईसराईली मन ला मिस्र ले जाये देही। जे घरी मूसा बिनती करीस परमेसवर हर जम बर्रों मांछी ला मिस्र ले हटाये देहीस। लेकिन फिरेच फिरौन अपन मन ला कठोर कर देहीस, अऊ ईसराईली मन ला नईच जाये देहीस।
![](https://static.globalrecordings.net/300x200/z02_Ex_09_02.jpg)
फेर परमेसवर मिस्र कर जम पोसल जानवर मन कर ऊपर रोग भेज के माएर दारिस। लेकिन फिरेच फिरौन कर मन हर कठोर रहिस अऊ ओहर इसराईली मन ला छोंड़े बर तियार नई होईस।
![](https://static.globalrecordings.net/300x200/z02_Ex_09_03.jpg)
फेर परमेसवर मूसा जग कहिस की फिरौन कर आगु में चटिक अकन राख ला लेके हवा में उडवाओ। जे घरी मूसा उसने करिस तेघरि जमेच मिस्री मन कर ऊपरे दुःखदाई घाव आईस। लेकिन इसराईली मन कर ऊपरे नई आईस। परमेसवर हर फिरौन कर मन ला कठोर कर देहीस, अऊ फिरौन इसराईली मन ला अजाएद नई करीस।
![](https://static.globalrecordings.net/300x200/z02_Ex_09_04.jpg)
तेकर पाछू, परमेसवर हर कारा ला गिराईस जेमे मिस्री मन कर खेत कर फसल हर मर गईस। अऊ जे लोग मन घर ले बहरी निकले रहीन ओहू मन मर गईन। फिरौन मूसा अऊ हारून ला बलाईस अऊ कहीस, “मैं पाप करे हवों। तुमन जम कोई जाए सकत हा”। मूसा हर बिनती करिस अऊ बदरी ले कारा हर गिरे बर रुक गईस।
![](https://static.globalrecordings.net/300x200/z02_Ex_09_07.jpg)
लेकिन फिरौन फिरेच पाप करिस अऊ अपन मन ला कठोर करिस अऊ ओहर इसराईली मन ला छोडे बर नई चाहीस।
![](https://static.globalrecordings.net/300x200/z02_Ex_09_08.jpg)
एकरले परमेसवरहर फम्फा कर घुल ला मिस्र में भेजिस कि जे खेत कर फसल हर कारा ले बॉएच गए रहिस ओला फम्फा हर नास करिस।
![](https://static.globalrecordings.net/300x200/z02_Ex_10_08.jpg)
फेर परमेसवर अंधार ला भेजिस, जेहर तीन दिन ले बने रहिस। अंधार हर ढ़ेरे जबरजस रहिस की मिस्री मन घर ले निकले नई पाईन। लेकिन जेजग इसराईली मन रहत रहिन, ओजग इंजोर रहिस।
![](https://static.globalrecordings.net/300x200/z02_Ex_10_09.jpg)
नवो ठे भऊर कर पाछु भी फिरौन इसराईली मन ला नई छोडीस, फिरौन बात ला नई मानत रहिस। तेकर ले परमेसवरहर एकठे आखरी भऊर ला भजे कर विचार करिस की एकरले फिरौन कर मन हर बदल जाही।